وأنا نقلب فـ قروب فيس شفت بوست بعنوان " سيبتو بعضڪم ليش " خشيت بنعلق ونڪتب ماڪنش يستاهلني ولا يستاهل تضحيتي عشانه ولا حتي محاوله جديده ڪان غبي وضيعني من أيده ، قبل ما نڪتب الڪومنت خويا الصغير بڪى فعديت شفته ، رديت للـ فون وجيت نڪمل وطلعلي التعليقات الجديده شفت تعليقه من ضمنهن قلبي دق بسرعه وحسيت رعشه بجسمي ، طلعت انا وياه فـ نفس القروب تعليقه ڪان
" الساعه أربعه العصر كان أخر رساله منها ، ان هي معش تقدر تحملني ، هانتني وقالت ڪلام واجد بس أنا عذراها عشان ڪـانت مقهور مني وڪان خاطرها اني نتمسك بيها ، وأنا ڪنت هبل وشايف روحي عليها عشان ڪنت ضمنها ، ڪنت نحايل عليها بڪلمه ونرضيها وحط فـ تعليق قلب مڪسور 💔 ، وڪنت متأڪد أنه مهما زعلت حـتحن وتردلي مڪنتش متوقع ان رسالتها ڪانت اخيره ، ع قد ما غلطت ڪانت تسامحني أنا عرفت قيمتها بجد "
قريت تعليقه ست مرات شويه ، في ڪل مره نقرا تعليق قلبي يوجعني ، أستحقرت روحي إن ڪنت منزله من نفسي عشانه وڪيف ڪنت غبيه وڪيف ڪان ضامن وجودي
مڪملتش تعليقي وقلت مفش داعي نعلق ،
وفـ نفس القروب فـ الليل نـزل بوست تـاني بعنوان "مذاڪرين ؏ بعضڪم شنو " ، ضحڪت وجربت نڪتب عليه " ڪان يحب يتفرج ؏ افلام ، ڪان يحب ديما يصلي ، وديما الولعه في جيبه مع ان ميدخنش ، يحب يلبس ويحب يدلع روحه ، يحب نظافه ، وڪان خاطره ان يڪون ڪابتن ، وڪان ديما يرقد عـ خط وڪان ديما يقولي يـ بختي هو مش مميز ، هو ڪان مختلف لدرجه ان ڪسرني "
وبعد شويه جاني اشعار بإن في حد رد ؏ تعليقي والـرد ڪان منه هو قلبي قعد يدق بسرعه وصرتلي رعشه ورده عـ تعليقي " ڪانت حساسه وابسط شي يبيڪها ، ڪانت تحب ديما تسمع صوتي ڪل منڪلمها تقولي نأڪل ، ڪنت تحب تسمع أغاني وتحب تمڪيج مڪياج خفيف ڪانت تحب تلابس واسع ، وڪانه ديما نتعارڪو ؏ مسلسلات ترڪي لي تفرج عليهن ، ڪانت متحبش تسيب صلاتها ، ڪانت ديما تحب تضحك وديما تحڪيلي ع عيالنا ومستقبلهم ، ڪنت لما نحڪي معاها ننسي همي ، حنڪون سعيد طول عمري لو سامحتني "
رديت عليه بتعليق قتله " انت ڪويس " مش عارفه ڪيف علقت هڪي
وبعدين جتني منه رساله ؏ مسنجر يتأسف مني وقالي ڪلام واجد وان هو خسرني وان هو متوقعش روحه ان يحبني لدرجة هذي فـ نهاية قالي رديلي
قريت ڪلامه وفرحت ، فڪره ان حـ نسمع صوته وحـ نشوفه يڪتب الان ، حنسمع منه ڪلمه يـ بختي ڪنت مرايفه عليه وريافي خلاني نقوله ڪيف هبله نـردو ليش لا
نحنا لما نحبو نقعـدوو مهزبين بڪل ومعندنش ڪرامه ، وبعـدين خطبني وقعـد ڪل حياتي وبعد شهـرين اتجـوزنا وعنـدنا توا ولـد وبنت
وهو مـرات الفـراق يـڪون انسب شي عشان نعـرفو قيمة بعضنا وڪيف نحبو بعض ، اللي يقول اللي انڪسر عمره مايصلح اللي انڪسر لو رمرمته حـ تخلي أجمل واحلا 💞💞🔗 .
