Ne'matjon Mansurov

O'zbeklar ham yaxshi reklamaga loyiq

"Marketing Uz"ning 5-sonida "Lokals Central Asia" kreativ agentligi rahbari Farhod Norbayev ishtirok etgandi(To'liq chiqishni YouTube'da tomosha qilishingiz mumkin). O'shanda Farhod aka "O'zbeklar ham yaxshi reklamaga loyiq" mavzusida gapiraman deganda norozi bo'lib "Mas'uliyatli marketing"ga o'zgartirgandik. "Hozir ham yaxshi reklamar bor, bu qattiq tegadi auditoriyaga" degandim.

Yangi yilda uyga borib, televizor ko'rishga majbur bo'lganimda o'sha gaplarimga achindim. Bizda reklamalar rasvo. Har qanday axlatni odamlarga yedirishga urinishadi. Afsuski odamlar ham buni qabul qilyapti. "Ispanskiy stid" ning o'zbekcha modeli xullas.

Bo'lajak tadbirkorlar, marketolog, reklamachilardan iltimos: odamlarga har narsani tiqishtirishga urinmanglar. Boshqalardan ajralib chiqinglar. Kreativ, sodda, aniq reklamalar olinglar. Unutmang, "O'zbeklar ham yaxshi reklamaga loyiq"

@nematjon_mansurov

Kompaniya - unda faoliyat yuritadigan odamlarning ko'zgudagi aksi.

Amerikalik yozuvchi, tadqiqotchi Jim Kollinz aytganidek, "Buyuk kompaniya yaratish uchun qayerga suzishingiz emas, kim bilan suzishingiz muhim". Umuman olganda, ixtiyoriy xodim bilan ishlash, uni rivojlantirish va yaxshi tomonga yo'naltirish mumkin, faqat mas'uliyatsiz odamdan tashqari.

Bunday odamlar jamoaning kayfiyatiga ta'sir qilishi, ishni orqaga tortishi bilan birga kompaniyangiz reputatsiyasini ham sezilarli tushurib yuboradi. Agarda menga ahmoq yoki mas'uliyatsiz orasida tanlov qilish kerak bo'lsa, ikkilanmay ahmoqni tanlayman. Chunki uni aqlli qilish mumkin, mas'uliyatsizlikka qarshi esa hozircha dori o'ylab topilmagan.

Shu sababli, qanchalik kuchli mutaxassis, o'z ishining ustasi bo'lmasin, mas'uliyatsiz odam bilan ishlamang.

Aytgancha, farmatsevtlar uchun yaxshi taklif: "Antimas'uliyatsizlik" dorisini ishlab chiqarsanglar, xaridori ko'p bo'lishi aniq, birinchi mijozingiz o'zim bo'laman😉