Фильтр публикаций


105 nomzoddan 6 kishini saralab oldik

Hozirgina jamoaga qo'shilish istagida bizga murojaat qilganlarni saralashni tugatdik.
105 ta kelib tushgan murojaatdan 55 kishi sinov topshiriqlarini bajaribdi. Qiziqish bildiruvchilar soni bunchalik ko'p bo'lishini kutmagandik. Barcha ishlarni tekshirib chiqishga ko'p vaqt sarflandi.

Sinov muddatiga 3-5 ta nomzodni tanlab olmoqchi edik. Lekin 6 ta kishining ishlari bizga yoqdi. Shuning uchun ularni bizga qanchalik mos ekanligini bilish uchun, qo'shimcha savollar berishga majbur bo'ldik.

To'g'risini aytganda, juda qiyin protsess ekan nomzod tanlash. Deyarli 90% nomzod ishlarni a'lo darajada bajarishgan. Shuning uchun asosan, nomzodlarni qiziqishi, detallarga qanchalik e'tibor berishini inobatga olgan holda qaror qabul qildik.

Qiziqish bildirgan barchaga o'z minnatdorchiligimizni bildiramiz.


NarxiQancha.uz iqtidorli yigit-qizlarni jamoamizga taklif qiladi!

@NarxiQancha kanali hamda NarxiQancha.uz saytlari uchun maqolalar yozishda jamoamizga yordam bera oladigan hamda maqolalar sifatini yangi darajaga olib chiqishga qodir iqtidorlilarni izlayapmiz.

Loyiha haqida

NarxiQancha — narxlar haqida yozuvchi blog sifatida 2019-yil ishga tushgan. Narxlar, tannarx, iqtisodiyot, moliya, daromadlar, investitsiya, IT, biznes haqidagi maqola-postlar yozib boramiz.

Loyiha masshtabi kengayishi sababli maqsadlarimiz va prioritet ham o'zgarmoqda. Endi, NarxiQancha.uz narxlar mavzusini yoritib boruvchi internet nashr.

Maqsadimiz, NarxiQancha.uz loyihasini ommaga tanitish, narx haqidagi maqolalar, postlar orqali obunachilarga yangi bilimlarni ulashish, yangiliklarni yetkazish hamda moliyaviy savodxonligini oshirish.


Jamoga qo'shilish istagida bo'lganlar, nomzodga qo'yiladigan talablar, biz taklif qilayotgan sharoitlar bilan quyidagi havola orqali tanishib chiqishi mumkin.

👉 Vazifalar, Talablar va qulayliklar

Jamoamizga qo'shilish uchun:
1. Barcha shartlar bilan to'liq tanishib chiqing!
2. Sinov topshiriqlari bilan tanishib chiqing:
👉 https://telegra.ph/Sinov-topshiriqlari-01-17
3. Topshiriqlarni to'liq bajarib, @ford3nn'ga talab qilinganidek qilib yuboring.

Nomzodni tanlab olish qanday amalga oshiriladi?

Sinov topshiriqlarini eng zo'r bajargan 3-5 ta nomzod tanlab olinadi.
Tanlab olingan nomzodlar 1 hafta davomida kurator bilan birga stajirovkadan o'tishadi. Hafta davomida tanlab olingan nomzodlarni faoliyatimiz bilan to'liq tanishtiramiz, kerakli amallarni o'rgatamiz, umuman olganda ishga kirishib ketishiga tayyorlaymiz.

Hafta oxirida, stajirovkani muvaffaqiyatli tugatgan, eng yaxshi 1 nafar nomzod jamoaga qabul qilinadi.


Ushbu kanalning falsafasi haqida

Loyihamiz bilan ro'y berayotgan qiziqarli voqealarni, bizning juda ko'p g'oya va fikrlarimizni kanalda chop etishni imkoni bo'lmayapdi. Aloqa botimizga esa har kuni yuzlab savollar, xabarlar kelib tushyapdi. Obunachilar bilan fikr almashish kun sayin qiyinlashmoqda.

Aynan shu sababli, yangi kanal yuritishga qaror qildik. Bu kanalda loyiha hayoti va ro'y berayotgan voqealar haqida qisqacha yozamiz.

Bundan tashqari sizlar bilan yaqin aloqada bo'lish, u yoki bu mavzuda muhokamalar qilish hamda qaysidir insaydlar bilan bo'lishishni istardik.

Umuman olganda, qiziqarli, jonli va samimiy suhbat uchun aynan shu kanal xizmat qiladi. Kuzatib boring!

Показано 3 последних публикаций.

151

подписчиков
Статистика канала