ONSIDE — LIVE

​Manba: Agar "Loko" kumush medallardan "quruq qolsa", Babayan ishdan ketadi!

P/S: bir shaxsni deb, katta bir jamoaga "o'lim" tilab yurmaylik yana ;)

https://t.me/joinchat/AAAAAFYmY1m9VrNeRM2PXg

​Kelasi yilgi Osiyo Chempionlar Ligasi uchun O'zbekiston klublariga 1+2 kvotasi berilganidan xabaringiz bor, albatta. Joriy mavsumda mamlakat chempionligi va kubogini qo'lga kiritgan "Paxtakor" jamoasi ajratilgan butun yo'llanmani o'zi uchun naqd qilib ulgurdi. "Sherlar" OCHLni guruh bosqichidan boshlashadi.

Qolgan 2 ta yo'llanma esa pley-off uchun ajratilgan. Hozirda Superliganing 2-pog'onasida borayotgan "Lokomotiv" jamoasi katta ehtimol bilan minimum 3-o'rin bilan bo'lsa-da Osiyoning klublar o'rtasidagi eng nufuzli musobaqasi pley-offiga chiqadi. Ammo, yana bir kvotani qo'lga kiritish uchun yaqin turgan Jizzaxning "So'g'diyona" jamoasi mavsum boshida PFLning eski rahbariyati tomonidan tuzilgan murakkab litsenziyalash tartibidan o'ta olmagan edi (qandaydir muddatlar berilgan bo'lishi kerak). Aslida PFL litsenziyalash tartibi OFK qo'ygan talablardan ham murakkabroq tuzilgan. Agar jamoa litseziyalash tartibidan o'ta olmasa, u holda OCHL yo'llanmasi 4-o'rin egasiga nasib etadi. Bu haqda Alisher Nikimbayev ham o'z telegram kanalida yozib o'tgan edi.

Hozircha Superliganing 2-3-o'rinlari uchun kechayotgan shiddatli kurashlarni ko'rib turaylik-chi, buyog'i "kattalarning" ishi!

https://t.me/joinchat/AAAAAFYmY1m9VrNeRM2PXg

​⚡️ Bugun hamyurtlarimiz to'p surayotgan ko'pgina jamoalar bahslarga kirishishadi. Rossiyada porlayotgan Eldor Shomurodov bugun Kubok bahslari doirasida "Spartak"ka qarshi uchrashuvda ishtirok etadi. Bellashuv soat 21:30 da start oladi.

Qatar mamlakatini o'zining "ikkinchi uyi" qilib olgan Sardor Rashidov jamoasi bugun o'z uyida "Al Shahaniya" jamoasini qabul qiladi. Balki ushbu bellashuvda Sardor o'zini ko'rsatib, yana gol urar va Abramovning Saudiya Arabistoni va Falastinga qarshi uchrashuvlar uchun chiqariladigan yakuniy qaydnomasidan o'rin olar...

Vadim Afonin to'p tepayotgan "Orenburg" jamoasi ham Rossiya Kubogi doirasida "Ximki"ga qarshi o'ynaydi.

Milliy terma jamoamiz havbeki Otabek Shukurovning "Sharja"si bugun "Fujayra" bilan maydonga tushadi. Uchrashuv Toshkent vaqti bilan 21:45 da start oladi.

https://t.me/joinchat/AAAAAFYmY1m9VrNeRM2PXg