КЕЧИККАН ШЕЪР
Унутма.
Бир қаро қисматдир - надим,
Унинг Ишқ аталган "оқ"ларида - сен.
Ўздан тонсам тондим, сендан кечмадим,
Дилнинг бахтли-бахтсиз чоғларида - сен...
Гоҳи гумонландим, гоҳ бўлдим амин,
Гоҳ зор таъмин тотдим, гоҳо ғам таъмин,
Гоҳида кўк бўлдим, гоҳида замин,
Умрнинг панд еган гоҳларида - сен...
Висолинг истадим аламли шеърдан,
Кўзингни изладим мажруҳ тақдирдан,
Исминг чиқиб келди ситилган ердан,
Руҳнинг унутилган чокларида - сен...
Қолса, ҳасрат қолди, сўзимга кириб,
Кетса, ором кетди, юзини буриб,
Ҳеч қачон Худога бермадим фириб,
Ҳазрат тунларимнинг оҳларида - сен...
Ўздан тонсам тондим, сендан кечмадим...
7 апрел, 2020
Р. Б.
O'zindan tonsang ton...
Mendan kechmagin...
#Otabekovna
@Otabekovna_nj