Исмайылов Абдурашид

#китап

Геўдеси спортшылардики киби келискен, көриниси тартымлы ҳәм жүз-көзинен мәртлик жайнап турған бул жигит өзи қәлеген ҳәр қандай қыздың кеўилин табыўы мүмкин еди. Машқала сонда ол ҳәр қандай қыз бенен емес, Трейси Уитни менен бирге болыўды қәлейди. Ал Трейсиден болса ҳәмме нәрсени күтиў мүмкин...
***
Тәғдир ҳәзилине қараң, бул дүньяда Трейси толық исенген бирден-бир адам уры еди.
***
Басында бар билими почта маркасының артын толтырыўға да жетпейди.
***
Қартайған сайын уятсыз болып баратырмыз екеўимиз де.
***
Ҳәр бир инсан қыянет қылыўы мүмкин.
***
Жақсы адам аспанға темир тор артынан қараўы ашынарлы жағыдай.
***
Гөззаллықтың ҳақыйқый тәбиятын түсинбейтуғын адамлардың қоршаўында жасаў - ол өмир бойы мойнына илип жүриўи керек болған тас еди.
***
Кишкене қалада жасаўдың жаман тәреплеринен бири - халықтың өсекке өшлиги еди.
***
Ол ҳәзир қай жерде екен?
Узақ өтмиштеги барлық адамлар ҳәзир қай жерде?
***
Олардың мийинде кариера қылыўдан басқа мақсет болмайды. Қаншелли логикаға туўры келмесе де, бундайлар ҳәр дайым көтериле береди. Суўдың бетиндеги шығындыға уқсап.
***
Ерте ме кеш пе ҳәр қандай уллы шөлкемлер қулайды.
***
Олар соншелли пасық, арзан, пулға өш адамлар бола турып өзлерин қудай санайды.
***
Қудай ўақытты жаратты, адам асығыўды.
***
Зеригиў - кеўил тынышлығы ушын арзан нырқ.
***
Тентектиң ылайланған логикасын түсиниў - қоллар байланған ҳалда толқынға қарсы жүзиў менен барабар.

Тилли Бегшоу ҳәм Сидни Шелдонның "Орзиқиб кутаман эртани 2" китабынан үзиндилер.

@Poeziya_Abdirashit

#қара_сөз

Фокуслардың сырлары ҳаққында

(III бөлим)

   Фокус деген сөздиң этимологиясына қарайық, иглиз тилинен "дыққат" дегенди аңлатады.
   Адамның көзи қолға қарағанда тез. Сонлықтан да қол қанша шаққан болса да көзден өте алмайды. Демек қол шаққанлығы менен көзди алдай алмайды. Онда қалай алдайды?

Алдынғы постларда логика, анализ ҳәм дыққатты раўажландырың деген едим ҳәм бир сораў мысалында логика ҳәм анализдиң орнын көрип өттик. Енди дыққатқа тоқталсақ.

Әйне фокусларға келгенде дыққатты раўажландырыў дегенде қай жерге дыққат қаратыўды билиў түсиниледи (басқа көпшилик тараўларда да солай). Себеби көзиңиз қай жерге дыққат қаратыўды билмегени ушын өзинен шаққан болмаған қолдан алданады.

Фокусник дыққатыңыз бенен ойнайды, оны қәлеген тәрепине жөнелтеди. Оң қолында ҳеш нәрсе жоқ екенлигин көрсетип атырғанда шеп қолында (қай жергедур жасырылған) картаны пайда қылады. Кейинги сапар сиз оның еки қолын да дыққат пенен гүзетип турғаныңызда ол әллеқашан картаны аўзына тислеп турған болады.

Қысқасы өзиңиз басқарыўды үйренбесеңиз, дыққатыңызды фокусник басқарады, ал бул болса алданғаныңызды билдиреди.

Жақсылап ойлап көриң, ҳәзир дыққатыңыз қаратылыўы керек жерде ме яки кимлердур жөнелткен жерде ме?

@Poeziya_Abdirashit

#поэзия

Пайдадан не пайда?

Елеслерден шаршайды көзлер.
Гүреслерден шаршайды сөзлер.
Алыслардан биз сыбырласақ,
Қулақларды аңсайды сөзлер.. .

Дәлийллеўден шаршайды тиллер,
Тастыйқлаўдан жалығар үнлер.
(Биреў жулып, биреў ийискесе,
Безер сулыў болыўдан гүллер)!

Уғылыўдан қашып уғымлар,
Уя болып қалар қурымлар.
Еки жарты "Биз пүтинбиз" деп,
Пүтинленбей кетер ярымлар.

Жүрек - насос, өзин билмейди..,
Дәртлер қалған сезинилмей де!!!
"Пайда" "Зыян" тилде еки сөз,
Сезим күтип көзин илмейди.

Өзиң қайда, өзегиң қайда!?
Топырақ - өлең төсегиң қайда?!
Жазмышты жазардай терлейсең,
Ийман қайда, исеним қайда?

Услап алып дизгинниң бәрин,
Түн уйқыңды аз қылғанларың..,
Жол соңында жаныңнан таппа,
Гил шайтанның азғырғанларын!!!

Кеўлиңдеги дақлар.., нағыслар..,
Мәңги ме бул жарыс, қағыслар..,?
Ығып турыў керек ҳәр гезде,
Бир әзелий уллы ағыс бар.

Әмел болмас қәлем жазылмай.
Дәрт жазылмас бир ем жазылмай.
Кеўил деген компасқа қара,
Ислеп турған болса бузылмай.

Бирақ,
Пайдасы жоқ саған айтқанның,
Себеби,
Сен тек ғана пайда гөзлейсең...

Исмайылов Абдирашид
Жазылған сәне: 1.I.2024

@Poeziya_Abdirashit

Ҳәзирше яқ.

http://t.me/questianonbot?start=5626542588

@Poeziya_Abdirashit

Бул дүркинде шығып атырған қосықлардың авторы мен емес. Ким екенлигин де ҳәзирше айта алмайман, бирақ қосықларын каналға салыў ушын автордан рўқсат сорадым. Не ушын "жигирма екниши"? Исене бериң бас қатырыўға арзыйтуғын дәрежеде бир мәниге ийе ат емес, жай ғана қойылған.

http://t.me/questianonbot?start=5626542588

@Poeziya_Abdirashit