qabul.muslim.uz

​Мадрасаларга кириш имтиҳони куни маълум бўлди

Ўзбекистон мусулмонлар идораси тасарруфидаги ўрта махсус ислом таълим муассасаларига ўқишга қабул қилиш бўйича тест синовлари 2023 йил 17 август куни бўлиб ўтиши режа қилинган.

Ўзбекистон мусулмонлари идораси ҳамда Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги ҳамкорлигида мадрасаларга кириш имтиҳони “Чет тили”, “Тарих” ва “Маънавият ва маърифат” фанларидан тест синовлари шаклида  ўтказилади. 

Имтиҳонлар ўтказиш манзиллари, вақти ҳамда рухсатнома қоғозларини олиш тартиби ҳақида қўшимча хабар берилади.

Ўрта махсус ислом таълим муассасаларининг ижтимоий тармоқдаги саҳифаларини кузатиб боринг:

"Фахриддин ар-Розий": https://t.me/arroziyuz

"Кўкалдош": https://t.me/kukaldoshuz

"Саййид Муҳйиддин махдум": https://t.me/maxdumuz

"Хадичаи Кубро": https://t.me/xadichauz

"Муҳаммад ал-Беруний": https://t.me/alberuniyuz

"Имом Термизий": https://t.me/termiziylar

"Ҳидоя": https://t.me/hidoyauz

"Хожа Бухорий": https://t.me/Xojabuxoriy

"Мир Араб": https://t.me/mirarabmadrasa

"Жўйбори Калон": https://t.me/juyborikalon

Ўзбекистон мусулмонлари идораси Матбуот хизмати
Muslim.uz
@muslimuzportal | @Muftiy_Nuriddin_domla  | @mp3muslim | @diniysavollar

Ҳадис илми мактабида ижодий имтиҳон бошланди

Бугун, 26 июль куни Самарқанд вилоятида жойлашган Ҳадис илми мактабига ҳужжат топширган абитуриентлар учун “Ҳадис ва Мусталаҳул ҳадис” фанидан ижодий имтиҳон бошланди. Шу муносабат билан ўтказилган тадбирда диний соҳа раҳбарлари ва мутасадди вакиллари, имтиҳон олувчи педагог-ўқитувчилар ҳамда абитуриентлар иштирок этди.

Тадбир анъанага кўра Қуръони карим тиловати ва хайрли дуолар ила бошланди. Дастлаб Олий мактаб ректори Олимхон домла Юсупов қабул имтиҳонларини юқори савияда ўтказиш учун кўрилган тайёргарлик ишлари, имтиҳон жараёнида абитуриентлар учун яратилган шарт-шароитлар ҳақида маълумот берди.

Тадбирда сўзга чиққан Дин ишлари бўйича қўмита раисининг биринчи ўринбосари Давронбек Мақсудов ҳамда Ўзбекистон мусулмонлари идораси раисининг биринчи ўринбосари Ҳомиджон домла Ишматбековлар қабул имтиҳонларидан энг асосий мақсад абитуриентларнинг энг билимли ва зукколарини саралаб олиш экани, шу боис имтиҳонларни шаффоф, очиқ ва ошкора ўтказишга алоҳида эътибор берилиши зарурлигини қайд этди.

Сўнгра Диний идора Таълим ва илмий-тадқиқот бўлими мудири Салоҳиддин Шерхонов абитуриентларга ижодий имтиҳони ўтказиш тартиб-қоидалари ва баҳолаш мезонларини тушунтирди. Кейин қабул ҳайъати аъзолари, абитуриентлар ва ота-оналар гувоҳлигида имтиҳон билетлари солинган ва муҳрланган махсус қоплар очилиб, имтиҳон жараёнлари бошланди.

Эслатиб ўтамиз, шу йил 10 июль кунидан бошлаб Ҳадис илми мактабига ҳужжат топширган абитуриентлар учун “Араб тили”, “Ҳадис истилоҳлари”, “Ҳадис шарҳлари” ва “Ўзбекистон тарихи” фанлари бўйича масофавий тайёрлов курси ташкил этилди. Унда ижодий имтиҳон ва тест синовларини ўтказиш тартиб-қоидалари тушунтириб борилди.

Маълумот учун, эртага, 27 июл куни “Араб тили” ва “Ўзбекистон тарихи” фанларидан тест синовлари ўтказилади.

Бугунги ижодий имтиҳон очиқ ва шаффоф тарзда ўтказилмоқда. Мазкур жараённи қуйидаги линклар орқали онлайн кузатишингиз мумкин:
1 Youtube:👇 https://youtube.com/live/KL_9CgU0ayo?feature=share

🔴 LIVE 2 Youtube:👇 https://youtube.com/live/04NZJP1E_OI?feature=share

🔴 LIVE Facebook:👇 https://fb.me/e/3O3cg3ebz?mibextid=RQdjqZ

🔴LIVEZoom:👇https://us06web.zoom.us/j/87574287131?pwd=MWk2ZjlHcTBCbUlzZXMxL0hwS1BFZz09

Ўзбекистон мусулмолари идораси
Матбуот хизмати
Muslim.uz / @muslimuzportal / @Muftiy_Nuriddin_domla
@diniysavollar

​Диний таълим муассасаларига жами 7 503 нафар абитуриент ҳужжат топширди

Шу йил 20 июль куни 18:00 дан эътиборан Ўзбекистон мусулмонлари идораси тасарруфидаги олий ва ўрта махсус таълим муассасаларига 2023–2024 ўқув йили учун абитуриентлардан ҳужжат қабул қилиш жараёнлари якунланди.

Ўзбекистон мусулмонлари идораси таълим ва илмий тадқиқотлар бўлими маълумотига кўра, "Қабул – 2023" жараёнлари давомида диний таълим муассасаларига жами 7 503 нафар абитуриент ҳужжат топширди. Жумладан:

– Олий диний таълим муассасаларига 650 нафар, шундан 91 нафари аёл-қиз ва 559 нафари эркак абитуриент;

– Ўрта махсус ислом таълим муассасаларига 6 853 нафар, шундан 2064 нафари аёл-қиз ҳамда 4789 нафар эркак абитуриентдан ҳужжатлар қабул қилинди.

Ушбу абитуриентларнинг барчасига кириш имтиҳонларида муваффақиятлар тилаймиз!  

Маълумот учун, кириш имтиҳонлари саналари ҳақида қўшимча хабар берилади.

🌐 Диний таълим муассасалари қабул жараёнларига оид энг муҳим маълумотлар, долзарб савол-жавоблар ва сўнгги янгиликларни muslim.uz сайти ва ижтимоий тармоқдаги саҳифаларимизда кузатиб боринг.

Ўзбекистон мусулмонлари идораси Матбуот хизмати

Muslim.uz / @muslimuzportal / @Muftiy_Nuriddin_domla
@diniysavollar