زاهدي آغـــــادترانوکور

ای ترانه خوانه وروره
شهرت د شیري یعني زمرۍ شیدې دي، یواځي زمریان به یې هضم کوي !شاعران او ترانه خوانان د یوه هېواد فکري رهبران ګڼل کیږي، د ټولني سترګي او ژبي بلل کیږي، د زړونو د پټو رازونو رشتوني انځورګران یادیږي، زموږ په افغانه ټولنه کي د دریو روحاني ډاکټرانو څخه  یوه برخه تقویه کوي، اولسونه او قومونه د دوی فکري درمل ډیر په مینه او لېوالتیا کاروي، هغوی د مچیو په څېر د ازغیو په مینځ کي له ګلونو څخه شَهَــــد را ټولوي او خلګو ته یې ورکوي!
دا په تا څه وشو؟ته ولي په هغه څه زړه تړې چې تل پاتي ندي؟ په پرونۍ خاطرو پسي ولي آرمان کوې؟  ننۍ ډالۍته ولي ارزښت نه ورکوې؟ د ژوند له سختیو ولي ستړی کیږې؟ اے سختي ډبري د سکرو څخه الماس جوړوي، دسبا په اړه ولي اندېښمن کیږې؟  د پرون او نن څښتن د سبا مالک هم دی، زمونږ لومړی ځل دی چې بنده ګي کوو، مګر هغه څښتن  وو ،دی او وي به، نو په مالکیت یې باور وکړه؛ سبا او راتلونکی هغه ته وسپاره.!
ته ښه ږغ لرې، دروند شعر، پیاوړی کمپوز او ښه انجنېري انتخاب که . د وطن د آبادۍ لپاره، د مور وطن د بچو سره د مینې او پخلاینې کرشمې په کې وکاروه ،د ولس او نظـ ـام تر مینځ واټن د اتحاد په غزل بولو له منځه یوسو.
د وطن د روڼ سباون په خاطر، د بلواکۍ او زورواکۍ پر خلاف د دیني مباریزې پالونکی اوسه، په جرات او لویه حوصله د حالاتو مقابله وکړه، ټولنې ته ملي فکر و شُعور ورکړه، د وطن او نړۍ ګوټ ګوټ کې د افغانستان ږغ اوچت کړه، لارښوونه وکړه، د دوښمن بیانیه ماته کړه، د خپلو خلګو د ارمانونو استازیتوب وکړه. په دې لاره کې په ځان سختۍ ومنه ، مشکلات تیر کړه، د خلګو په مخونو د سکون خندا را وله،تل د اطمینان اظهار وکړه،  چې انشاءالله تر خپل مرام رسیدلي یو، هم دا ته به د دښمنانو په زړونو کي مسموم غشی یې بیا،د وطن جرات او حوصلې یو نشان به یې ان شاءالله، ګوره اوس هم وخت شته! ته دي د خپل خواږه نظ ـام د خوږو مشـ ـرانو اوامر ومنه، هیڅ مي پر تباهۍ نه لوریږې، 

والسلام
ورور مو............

ډیر ژربه إن شاء الله نشرته وسپارل شي