QarMII prorektori Azamat Xayriddinov

#Muhim_sana

📚 Bugun energetika fakultetida buyuk bobokalonimiz Abu Rayhon Beruniy tavalludining 1050 yilligiga bag‘ishlangan tadbir bo‘lib o‘tdi.

📃 Unda kafedra dotsenti Dilorom Vasiyeva hamda dotsent vazifasini bajaruvchi O‘ktam Abdullaev talabalarga Beruniyning jahon ilm-faniga qo‘shgan hissasi va qoldirgan ilmiy merosi haqida so‘zlab berdilar.

🎥 Tadbir savol-javoblarga boy tarzda o‘tdi. Bu borada talabalar faollik ko‘rsatdilar. Yakunda Beruniy hayotiga bag‘ishlangan videorolik namoyish etildi.

QarMII prorektori ✍️

Geologiya sohasini aholi orasida ommalashtirish bo'yicha "Geologiya sohasining eng yaxshi targ'ibotchisi" mavzusida tanlov dasturi

Talablar
— Tanlovda davlat geologiya qo'mitasi ijtimoiy sahifalari obunachilari (ya'ni barcha), ommaviy axborot vositalari vakillari, jurnalistlar, blogerlar hamda tanlov shartlariga javob beradigan fuqarolar ishtirok etishlari mumkin;
— Videorolik, maqola, teleko'rsatuv va radioeshittirishlar bilan qatnashiladi.

Foydali tomonlari
— Tanlov g'olibi Geologiya davlat qo'mitasi tomonidan "IPhone" smartfoni bilan taqdirlanadi.

Oxirgi muddat
04.11.2022 23:59

Batafsil
https://grantgo.uz/go/59464

#tanlovlar #mukofot #Oʻzbekiston

Telegram | Facebook | Instagram

#onatilimfaxrim

Asrlarning qa’ridan sado bergan tilimsan,
Betakrorim, muqaddasim, onajonim o‘zingsan.
Yulduzlar hisobicha ma'no bergan tilimsan
Yo‘llarimni yoritgan shamchirog‘im o‘zingsan.

Onalar allasida xonish bo‘lgan tilimsan,
Go‘daklar nolasida sho‘x ovoz bulbulimsan.
Bobolarim baytida jilolangan, toblangan,
Menga hurlik baxsh etgan ona tilim o‘zingsan.

Nilufar OTAXONOVA, sanoat texnologiyasi fakulteti kimyo texnologiya yo‘nalishi 175-21 guruh talabasi ✍️

#Uchrashuv

💐 Geologiya va konchilik ishi fakultetida institut xotin-qizlar maslahat kengashi tomonidan "Gender tenglik – teng huquqlik" mavzusida davra suhbati o‘tkazildi.

📚 Tadbirda Qarshi shahar ichki ishlar organlari faoliyatini muvofiqlashtirish bo‘limi katta inspektori, podpolkovnik Z.Rustamova, fakultet xotin-qizlar masalalari bo‘yicha dekan maslahatchisi N.Istatova yoshlarni oilaviy hayotga tayyorlash, oilalarning ma’naviy-axloqiy negizlari va milliy qadriyatlarni mustahkamlash omillari haqida gapirdilar. Ayniqsa, xotin-qizlarning jamiyatdagi faolligini yanada oshirish, ularning bilim va salohiyatlarini kuchaytirishlari uchun yaratilgan imkoniyatlar alohida ta’kidlandi. Oliy ta’lim muassasalari o‘qituvchilari orasida olimalarning safi tobora kengayib borayotgani buning amaldagi isbotidir.

⚡️ Institut psixologi B.Kalonova tomonidan talaba-yoshlarning ruhiy holatini aniqlash maqsadida "Qalqon" metodikasi asosida psixologik testlar o‘tkazildi.

Muhiddin ALLANAZAROV, dekan o‘rinbosari ✍️

#Xalqaro_hamkorlik

📌 Institut xalqaro hamkorlik bo‘limi boshlig‘i Alibek Eshev va mazkur bo‘lim uslubchisi Sohibnazar Omonov Yevropa Ittifoqi Erasmus +ICM KA107 loyihasi asosida Daniya poytaxti Kopengagen shahridagi Alborg universitetiga xizmat safariga bordilar.

Batafsil bu yerda: 👉 https://qmii.uz/uz/article/hvhm1666161998

QarMII prorektori ✍️

#Buni_bilasizmi?

📌 Shartnomadagi to‘lov muddati o‘zgartirildi

❗️ Ma’lumki, O‘zbekiston Respublikasi Bosh vazirining tegishli topshirig‘I bilan shartnoma to‘lovi muddati uzaytirilgan edi.

⁉️ Shu asosida ayrim talabalar ta’lim krediti va boshqa usullarda shartnoma to‘lovini amalga oshirmoqchi bo‘lganida, “… shartnomada 15-sentabr sanasigacha to‘lov amalga oshirilishi shartligi ko‘rsatilgan, bu muddat o‘tib ketdi. Shartnomani o‘zgartirib keling”, degan mazmundagi javoblar bo‘lmoqda. Bu holatda nima qilish kerak?

📄 Agarda Sizda ham shunday holat bo‘lsa, kontrakt.edu.uz platformasidagi shaxsiy kabinetingizdan to'lov-shartnomasini qaytadan yuklab olishingiz mumkin. Unda yuqorida ko‘rsatilgan sana 1-noyabr bilan almashtirilgan.

QarMII prorektori ✍️

#Jarayon

✅ Oliy ta’lim tizimida uzoq yillar samarali mehnat qilib, bugungi kunda ham shogirdlaridan o‘z maslahatini, talaba-yoshlardan esa bilimini ayamay kelayotgan faxriy ustozlar e’zoz, e’tibor va hurmatga munosib. Qarshi muhandislik-iqtisodiyot institutida ham nuroniy o‘qituvchilar hamisha ardoqda.

🌸 Kecha institut “Oliy matematika” kafedrasi o‘qituvchisi Mastura Burxonovaning 70 yillik yubileyi xush kayfiyatda, hamkasblar, shogirdlar va boshqa yaqinlar davrasida o‘zgacha ruhda nishonlandi.

🎤 Dastlab institut rektori Orifjon Bozorov Mastura Burxonovani qutlug‘ kun bilan samimiy muborakbod etdi. Ustozning yoshlar tarbiyasi, ta’lim sifatini oshirish, o‘qituvchilik kasbining nufuzini yanada yuksaltirish borasidagi xizmatlarini alohida e’tirof etdi.

⚡️ Bir piyola choy ustida kechgan shirin suhbatlarda ish faoliyatida bo‘lgan qiziqarli voqealar, ustozlar o‘gitlari yodga olindi. Ezgu tilaklar kuy-qo‘shiqlarga, go‘zal raqslarga, quvonchli onlarga hamohang bo‘ldi.

QarMII prorektori ✍️

#Muloqot

Viloyat markazidagi Qatag‘on qurbonlari xotirasi muzeyiga sayohat talabalarga yaqin o‘tmishimiz haqida keng ma’lumot berish bilan birga, bugungi kunimizga yetib kelishimiz oson bo‘lmaganini anglashga imkon beradi.

Sanoat texnologiyasi fakulteti QXT-179-21 guruh talabalari muzeyda bo‘lgan chog‘larida qatag‘on qurbonlarining hayoti va faoliyatiga doir hujjatlar, o‘sha davr voqealaridan guvohlik beruvchi maxfiy ma’lumotlar, rasmlar va boshqa ko‘plab eksponatlar bilan tanishdilar. O‘zlarini qiziqtirgan savollariga javob oldilar.

Muzeyga sayohat talabalarda o‘ziga xos taassurot qoldirdi.

Marg‘uba QURBONOVA ✍️

#Muloqot

✅ Elektronika va avtomatika fakulteti dekani Mo‘ysin Aliqulov talabalar turar joyida istiqomat qiluvchi yoshlar bilan uchrashdi.

⚡️ Kecha 1-sonli talabalar turar joyida o‘tkazilgan bu tadbirda dekan o‘rinbosari Bahodir Hazratqulov va fakultet tyutorlari ham ishtirok etdilar.

📚 Uchrashuvda talabalarning yashash sharoitlari, ularning muammolari va yechimlari xususida so‘z bordi. Shuningdek, yoshlar o‘rtasida tashkil etilayotgan turli yo‘nalishdagi tanlovlar, talabalar uchun yengilliklar haqida ko‘plab ma’lumotlar berildi.

QarMII prorektori ✍️

#Zakovat

📚 Geologiya va konchilik ishi fakulteti talaba-yoshlari o‘rtasida o‘zbek tiliga davlat tili maqomi berilganligining 33 yilligi munosabati bilan "Zakovat" intellektual tanlovi bo‘lib o‘tdi.

🏆 Bellashuvda jami 18 ta jamoa qatnashdi. 1-o‘rinni geodeziya, kartografiya va kadastr ta’lim yo‘nalishi 1-bosqich GK-112-22-guruh talabalari qo‘lga kiritdilar. 2- va 3-o‘rinlar mehnat muhofazasi va texnika xavfsizligi ta’lim yo‘nalishi 1-bosqich MT-119-22-guruh hamda konchilik ishi ta’lim yo‘nalishi 1-bosqich KI-108-22-guruh talaba-yoshlarilariga nasib etdi.

Tanlov davomida ijodkor talabalar tomonidan qo‘shiqlar ijro etildi. Qatra hazillar ishtirokchilarga xush kayfiyat bag‘ishladi.

Muhiddin ALLANAZAROV, dekan o‘rinbosari ✍️