QARSHI SHAHRI HOKIMLIGI

Qonunchilik palatasi deputati "mahalla yettiligi” faoliyati bilan tanishib, aholi bilan muloqot qildi

Oliy Majlis Qonunchilik palatasi deputati Farxod Zayniyev Qarshi shahri mahallalarida bo‘lib, “yettilik” faoliyatini o‘rgandi hamda aholi bilan muloqot qildi. Muloqot davomida aholiga yer uchastkalari hamda ularda qurilgan bino va inshootlarga bo‘lgan huquqlarni e’tirof etishga qaratilgan qonunning mazmuni, unda belgilangan normalarning ahamiyati yetkazildi.

Shu bilan birga “mahalla yettiligi”ga mahallada tadbirkorlik va tomorqachilikni rivojlantirish, aholining xarid qobiliyatini oshirish uchun tomorqa egalari bilan banklar o‘rtasida hamkorlikni samarali yo‘lga qo‘yish hamda energetika sohasida joriy etilayotgan “ijtimoiy norma” tizimini aholiga to‘g‘ri tushuntirish bo‘yicha kerakli tavsiyalar berildi.

@qarshishaharhokimligi

Senat a’zosi mahallalarda bo‘ldi

Senatning Mudofaa va xavfsizlik masalalari qo‘mitasi raisi o‘rinbosari hamda Senatning mahalliy hokimiyat vakillik organlari faoliyatini kuchaytirishga ko‘maklashuvchi komissiyasi raisi Tolibjon Madumarov Qarshi shahrining Shayxali, Qilichbek Qo‘rg‘oncha mahallalarida bo‘lib, mahalla yettiligi va mahalliy Kengash deputatlari bilan bevosita muloqot o‘tkazdi.

Muloqot davomida Tolibjon Madumarov O‘zbekiston Respublikasi Prezidentining 2023 yil 21 dekabrdagi "Mahalla institutining jamiyatdagi rolini tubdan oshirish va uning aholi muammolarini hal etishda birinchi bo‘g‘in sifatida ishlashini ta’minlashga qaratilgan chora-tadbirlar to‘g‘risida"gi Farmonidan kelib chiqib “mahalla yettiligi” oldida turgan asosiy vazifalarga to‘xtalib, bu borada mazkur mahallalarda yettilik a’zolari tomonidan olib borilayotgan ishlar bilan tanishdi. Mahalladagi mavjud muammolarni mahalliy Kengash deputatlari bilan birgalikda hal etish yuzasidan fikr-mulohazalar bildirildi.

@qarshishaharhokimligi

TA'MIRLASH ISHLARI TUFAYLI ERTAGA QARSHI SHAHRINING AYRIM MAHALLALARIDA TABIIY GAZ TA'MINOTI VAQTINCHA TO'XTATILADI

Gaz taqsimlash stansiyasida ta'mirlash ishlari olib boriladi. Shu maqsadda 2024-yil 18-aprel kuni soat 08:00 dan 17:00 ga qadar, shaharning Gʼafur Gʼulom, "Magʼzon", "Naxshab", "Oqtepa", "Navo", "Qilichbekqoʼrgʼoncha", "Kat", "Xaramjo‘y" "Zahokimaron", "Boʼston", "Aralovul", "Qavali", "Xoʼjaxiyol", "Geolog", "Otchopar", "Xontepa", "Neftchilar", "Yangiturmush", Alisher Navoiy, "Kamandi", "Shohbekat", "Temiryo‘lchi", Qarshi, "Gungon", "Buyukturon", "Paxtazor" va 1-2-4-5-6-7-8-mitti tumanlardagi 37885 xonadon va 753 ta ulgurji isteʼmolchida tabiiy gaz ta'minoti vaqtincha to‘xtatiladi.

Ta'mirlash ishlari yakunlangandan so‘ng, ta'minot qayta tiklanadi.

Yuzaga kelayotgan noqulayliklar uchun gaz ta'minoti filiali isteʼmolchilardan uzr soʻraydi.

"Hududgaz Qashqadaryo" GTF matbuot xizmati

❗️Эҳтиёжманд оилаларга энергетика тўловлари учун 270 минг сўм моддий ёрдам берилади

Ҳукумат қарори билан, 1 майдан 1 кВт электр энергия нархи 450 сўм бўлади. Энди кўп ишлатганлар кўп тўлайди, кам ишлатганлар кам тўлайди.
 
- ойига 200 кВт·соатгача – 450 сўм;
- ойига 201 кВт·соатдан 1 000 кВт·соатгача – 900 сўм;
- ойига 1 001 кВт·соатдан 5 000 кВт·соатгача – 1 350 сўм;
- ойига 5 001 кВт·соатдан 10 000 кВт·соатгача – 1 575 сўм;
ойига 10 000 кВт·соат ва ундан юқори – 1 800 сўмдан этиб белгиланмоқда.

Шунингдек, 2024/2025 йил иситиш мавсумида (ноябрь – февраль ойларида) эҳтиёжманд оилаларга 270 минг сўм миқдорида бир марталик моддий ёрдам ўтказиб берилади.

@qarshishaharhokimligi

Xalqaro hamkorlik borasida samarli ishlar davom etmoqda.

Bugun Savdo-sanoat palatasi Qarshi shahar bo’limi va viloyat investitsiya boshqarmasi bilan hamkorlikda viloyatimiz tadbirkorlari va Xitoy Xalq Respublikasining “Wuhu” shahri Gejiang tumani hokimi o’rinbosari YU JING boshchiligidagi delegatsiya a’zolari bilan B2B uchrashuv bo’lib o’tdi.

Xitoylik tadbirkorlar bilan elektrotexnika, mashinasozlik, qishloq xo‘jaligi mahsulotlarini qayta ishlash yunalishida viloyatga investitsiya kiritish borasida muzokaralar olib borildi.

@qarshishaharhokimligi