څو شېبې له عمر ثالث سره
https://www.nunn.asia/?p=185516صفي الله “رائد”
څه موده وړاندې یو چا راته کیسه کوله ویل: د طالبانو پر وخت کندهار کې و، یو مازدیګر ر مو غوښتل چې د امیرالمومنین ملا محمد عمر مجلس ته ورشو، همداسې وشول؛ له څو ملګرو سره په ګډه د لوی ملا صاحب کورته ورغلو، د عمر ثالث مجلس ته تر مونږ مخکې ځینې مخور مشایخ کرام او نور میلمانه هم راغلي و، تر روغبړ وروسته مونږ ته يې هم چای راوړ او کېښودل شو.
تر لږ چوپتیا وروسته یو شیخ صاحب امیرالمومنین ته د چای څښلو په دوران کې د کندهار او کویټې د لارې ځینې مشکلات بیان کړل ویل یې: په لاره کې مازدیګر نه وروسته اکثر غله لږېږي او موټران لوټوي؛ که یې په هکله تاسو د اسلامي امارت په مشرانو کې داسې یو چاته امر وکړئ؛ تر څو دغه لاره د عامو خلکو پر مخ ژر پر امنه او د غلو مخه یې ونیسي.
لوی ملاصاحب چې سپینې نوراني چهره او توره ولول پګړۍ یې ښکلا یو پر دوه کړې وه په نرمه لهجه یې خبرې شروع کړې؛ داسې ته وا چې هره خبره یې مخکې لیکلې او اوس یې مونږ ته وایي، ساده خبرې، په ساده ټکو کې خو هره یوه یې د لیکلو وه چې باید لیکلې مو وی خو…
امیر المؤمنین د شیخ صاحب د خبرو په جواب کې وویل: شیخ صاحب!
الله تعالی دې تاسو ته اجر درکړي چې ماته مو دغه د لارې مشکل واوراوه او ان شاءالله چې زه به یې ډېر ژر غمه کوم. او بیا یې وویل:
شیخ صاحب! الله تعالی جل جلاله وماته په اسلامي امارت کې دمسلمه امت په څېر دوه اختران راکړي، چې یو ملا اختر محمد عثماني دی او بل ملا اختر محمد منصور صاحب دی، او ویل یې اکثره غټ غټ کارونه هم پر دغو دواړو کوم او ویل یې: دا اوس به ستا دغه د لارې مشکل ملا اختر محمد منصور صاحب ته چې شه متقي انسان دی او ماته د لوی اختر په شان دی، حواله کړم او ان شاءالله چې هغه به یې ژر غم وکړي.
چې بیا همداسې وشول او دلارې مشکل دتل لپاره حل شو.
هو! د اسلامي امارت مؤسس او د اسلامي امارت لومړی رهبره!
زمونږ د سترګو تور مرحوم امیرالمؤمنینه!
هو! بلکل همداسې و؛ ته په الله ګران وې؛ ته ورته نېږدې وې ځګه خو د مسلمه امت په څېر یې تاسو ته هم دوه اخترونه درنصیب کړي و.
هو! په رښتیا چې زمونږ ګران رهبر شهید امیرالمؤمنین ملا اخترمحمد منصور تقبله الله ستا لپاره د لوی اختر په څېر و.
زړه ته رانېږدې مشره! که څه هم په هغه دور کې ستا لپاره خو! په اوسني عصر کې د ټول مسله امت لپاره لوی اختر ګرځېدلی و، داسې اختر چې تل به له خوښیو ډک و، تل یې کړېدلي امت ته زیري ورکول او امت یې په خوښیو نازاوه.
ای کاش چې اوس خو یا ته وی او یادې د لاس امسا شهید امیرالمؤمنین.
خو افسوس!
افسوس چې اوس زمونږ ترمنځ نه ته شتون لرې او نه هم ستا له خوښیو ډک دوه اخترونه.
