گبل لَا تُغفى كُل نَجمَة بليالينا ألوليكّ
وأگلك نامْ بعيونيّ.
وأغنيلكْ هَذاك الحَجي المنگال
المِستِحي الخاتِل ورّا الشِجرَة
واگلك نامّ يّعيونيْ
وأرّد ردود
مِثل رَدَة أهالينا إذا تُبرَد
وأغطيكْ بِرموشْ العينْ
وإذا جاسَك سوادّ الليلْ
أصيرَنلَكْ ضِوه الگمرَة
وإذا تزَعِلني مِن حَقَكْ
أنّي إنسانْ
صوچيْ إنسانْ
يخافْ عَليكْ مِن نَسمات مَغشوشات
ويِخافْ عليكْ مِن شَهگة تَواليْ الروحْ
ولَك لتروحْ
خَلينيْ
خَليني غَرگان بتفاصيلك
وإذا گلولي عَنكْ تِحبْ الدين
أصيرنلَكْ نَبي مَلثَمْ !
وَلكْ لَملمني
لَملمني
مِشتهي أتدَلَل وارّد ردود للكاروكْ
وگبَل لَا تِنتحَر كُل ضِحكَة بملامحنه
أحنلَّكْ
هَذولّهَ احنَه
النِحبهَ نخاف نحچيلهْ
بينَه جروحْ بَس مَنبوح
وبينَه عتابْ مِن العافْ
وعِدنَه أحلامْ مِن العامْ
يَواهِسْ حَلِمْ ورديّ
بَلّمنا يوديّ لعيونَك
ونَهرنَا نهارّ للمَروا
وكُلْ هَذا
ولَا فَد يومْ هَلهلنَه
ولَا نُعرُف شِني المَقصود
جِنه نخافْ مِنْ العودّ
إذا وَنّ وتِذكرناكّ
يَميلة گلبي لَا تِجرحني
أني إنسانْ
صوچي إنسان
ماخايف بعُمرَه
بّس من صوتَك
وطولَك.

أحمَدْ قاسِمْ.