Шоҳсанам Нишонова шеърлари

***
Mening go'zal to'siqlarim bor,
Qibla emas to'rtta tomonim.
Shular ichra ozodman, ishon,
Shular ichra erkinman, jonim.

Uddalasang qafasmas ro'zgʻor,
U bergaydir uchmoqqa qanot.
Yorning qalbi eng goʻzal dunyo,
Nigohlari eng katta najot.

O'gʻlon kerak asl janglarda,
Aytsin desang nomingni halol.
Yurtga alplar qaytmogʻi uchun,
Ayol bo'lsin hamisha ayol.

Sh.NISHONOVA

***
Менинг гӯзал тӯсиқларим бор,
Қибла эмас тӯртта томоним.
Шулар ичра озодман, ишон,
Шулар ичра эркинман, жоним.

Уддаласанг қафасмас рӯзғор,
У бергайдир учмоққа қанот.
Ёрнинг қалби энг гўзал дунё,
Нигоҳлари энг катта нажот.

Ӯғлон керак асл жангларда,
Aйтсин десанг номингни ҳалол.
Юртга алплар қайтмоғи учун,
Aёл бӯлсин ҳамиша аёл.

Ш.НИШОНОВA

🦋
Haqqa eltar dildan qilsam duo dedim,
Gʻolib boʻlib Xudo dedim,
Magʻlub boʻlib Xudo dedim...

Shohsanam Nishonova


@Moviy_chizgilar

АЗАДА

Намли нигоҳлардай олланди шафақ,
Намли либосларин ечиб отди кўк.
Бир мўмин оламдан ўтаркан барҳақ,
Фарёд ургани йўқ, дод солгани йўқ.
 
Ўшанда хайрухўш айтдию ёшлик, 
Қартайган дунёни қоплади титроқ. 
Ўшанда тошлар ҳам қилмади тошлик,
Такрор азизланди пойимда тупроқ.

Ўшанда жимгина мўминларга хос,
Дунёни тарк этди ҳазрати инсон.
Бир қалқди,
Бир куйди,
Йиғлади бироз:    
Одамга айланди бир тўп оломон.

Шоҳсанам Нишонова

SESSIYA

Sessiya. Bir yilda ikki imtihon,
Guruhdoshlarimga qarayman bir bir.
Yoqam tishlangancha beraman savol:
Bizlar…bizlar..bizlar doʻst edik axir

Kibor nigoh bilan qaragancha soʻng,
Dilga oʻq qadaysiz nechun qadrdon?
Ishoning, mana shu soʻzimga qasam:
Yordam soʻramayman sizdan hech qachon.

Ertaga oʻtadi navbatdagisi,
Oʻylasam yuragim titilib borar.
Qoʻrqaman, kimlarning niqobi tushib,
Kimlarning vijdoni sotilib borar.

Dahshat. Bir chekkada yigʻlaydi koʻnglim,
Odamlar odamday boqmas muloym.
E vohki, imtihon shu qadar boʻlsa,
Qiyomating qanday boʻlar Xudoyim?

Yoʻq, yashab boʻlmaydi bunday havoda,
Xonani tutadi oʻtli bir ovoz:
Mening bahoyimni “bebaholar” ga,
Tengdan boʻlib bering, roziman ustoz!

Shunda yoʻqolgaymi orada nifoq?
Shunda qaytgaymikan, oʻrtaga mehr?
Shunda koʻrinarmi, bor samimiyat?
Paydo boʻladimi, soʻzlarda sehr?

Soʻng, chiqib ketaman, kengliklar tomon,
Aytmayman, qancha dil tigʻlaganimni.
Bilaman, bilmaysiz oʻsha kuni men,
Qiyomatni oʻylab yigʻlaganimni.

2015

СЕССИЯ

Сессия. Бир йилда икки имтиҳон,
Гуруҳдошларимга қарайман бир бир.
Ёқам тишланганча бераман савол:
Бизлар…бизлар..бизлар дўст эдик ахир

Кибор нигоҳ билан қараганча сўнг,
Дилга ўқ қадайсиз нечун қадрдон?
Ишонинг мана шу сўзимга қасам:
Ёрдам сўрамайман сиздан ҳеч қачон.

Эртага ўтади навбатдагиси,
Ўйласам юрагим титилиб борар.
Қўрқаман, кимларнинг ниқоби тушиб,
Кимларнинг виждони сотилиб борар.

Даҳшат. Бир чеккада йиғлайди кўнглим,
Одамлар одамдай боқмас мулойм.
Э воҳки, имтиҳон шу қадар бўлса,
Қиёматинг қандай бўлар Худойим?

Йўқ, яшаб бўлмайди бундай ҳавода,
Хонани тутади ўтли бир овоз:
Менинг баҳойимни “бебаҳолар” га,
Тенгдан бўлиб беринг, розиман устоз!

Шунда йўқолгайми орада нифоқ?
Шунда қайтгаймикан, ўртага меҳр?
Шунда кўринарми, бор самимият?
Пайдо бўладими, сўзларда сеҳр?

Сўнг, чиқиб кетаман, кенгликлар томон
Айтмайман, қанча дил тиғлаганимни.
Биламан, билмайсиз ўша куни мен,
Қиёматни ўйлаб йиғлаганимни.

2015

B.R.R!!!