Toshkent moliya institutida o’quv jarayonini an’anaviy ta’lim shaklida tashkil etish bo’yicha rektor buyrug’i qabul qilindi.
Oliy va o’rta maxsus ta'lim vazirligining 2020-yil 12-noyabrdagi 87-03-4640-sonli xatida keltirilgan vazifalar ijrosini ta'minlash maqsadida Toshkent moliya institutida ishlab chiqilgan chora-tadbirlar va reja-grafikka asosan bakalavriat ta’lim yo’nalishlarining I kurslarida hamda magistratura mutaxassisliklarida (I-II kurslar) 2020-yil 16-noyabrdan boshlab, II-III hamda IV kurslarda esa navbat bilan o’quv jarayoni an’anaviy shaklda tashkil etiladi.
Talabalar turar joyiga extiyoji bor talabalar o’zlari tahsil olayotgan fakultet dekani va dekan muovinlariga murojaat qilishlari mumkin.
Institutda o’quv jarayonini tashkil etishda karantin qoidalari doimiy nazorat ostida bo’ladi. Bunda:
-an’anaviy darslarga COVID-19 koronavirus tahlilidan o’tkazilgan, manfiy natijaga ega bo’lgan professor-o’qituvchilar tarkibi jalb etiladi;
-o’quv binolari va institutning talabalar turar joylariga kirish qismida pirometr, dozator xamda antiseptik vositalari bilan ta’minlanadi;
-bino va talabalar turar joylarida navbatchilik joriy etiladi;
-o’quv binolariga pedagoglar va talabalar tana xarorati o’lchangan holda kiritish qat’iy nazoratga olinadi (Tana harorati bo’lgan yoki o’zini yomon his qilgan talabalar albatta dekanat hodimlarini ogohlantirgan holda institutga kelmasliklari so’raladi);
-institut o’quv binolari hamda talabalar turar joylarida “Tibbiyot punkti” va izolyatsiya maqsadlarida “Qizil hudud” – izolyatori faoliyati doimiy tashkil etiladi.
Bakalavriat ta’lim yo’nalishlarining yuqori kurslarida dars jarayonlarini an’anaviy shaklda tashkil etilishi institut tomonidan ishlab chiqilgan chora tadbirlar rejasi xamda reja-grafik asosiga muvofiq keying bosqichlarda amalga oshirilishi belgilandi. (bakalavriatning 2,3 hamda 4-bosqich talabalari uchun an’anaviy o’quv jarayonlarining boshlanishi rasmiy tarmoqlar orqali e’lon qilinadi). Ular uchun institutda tashkil etilgan “Platonus” hamda “Hemis” platformalari orqali masofaviy shaklda ta’lim berilishi davom ettiriladi va qat’iy nazoratga olinadi.
Telegram |
Facebook |
Instagram |
Youtube