#قصائد_العشرة_الاولى
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار.cc
ــــــــــــــــــــــــــــــــــــــــــــــــــــــــ
استقبال الشهر الفضيل
قصيدة: هلا بعاشور
هلا بعاشور وبجيته........... هلا بعاشور
اتلكه الهلال بنذر....... وتنطره كل العمر
أليله يهل من العصر
هلا بعاشور
اصيح بصوتي موسكته..... هلا بعاشور وبجيته
هلا بعاشور
............................................................
هلا بهلالك العالي........... تمنيته واجه الغالي
واعدله شهور
اعد لهلالك بروحي...وبسمك تهتف جروحي
وادك بالشور
اعدله واحسب أيامه...واطبر لجله عل هامه
ويفيض النور
محضرلك دموع شكثر..........بروحي عشت بكل كتر
مابيه حيل وانتظر....... هلا بعاشور
كلت يحسين هذا انته................ هلا بعاشور وبجيته
هلا بعاشور
.................................................................
اعله حبك تدري متعلمه...المجالس حلوه بالخدمه
تكول قصور
يشهر الفقره ويتامه................ حسينك كربت يامه
وتفيض نحور
نشوف الدنيه متحضره........ مواكب تنصب الفقره
تفور جدور
الفجر ولياليِ العشر........نلطم ندك اعله الصدر
ولوقصرينه نعتدر........ هلا بعاشور
هلالك هذا صدكته........... هلا بعاشور وبجيته
هلا بعاشور
.................................................................
المنابره كله متحضره......... الخدم ودموع والعبره
تدك صدور
تعال وفتش عيوني............. محضرلك تره جفوني
دمعه يفور
لبسنه ولايك الأسود................ بعزائك كلنه نتوحد
نريد نزور
ياحسين مالك كل سعر........غالي واغله من العمر
بكلبي انت وافتخر........ هلا بعاشور
ينادي عليك علمته.......... هلا بعاشور وبجيته
هلا بعاشور
.................................................................
تعلمنه الخلق منك...... كلشي اتعلم بحزنك
يبخت الطور
لهسه ثارك بدمنه....... نموت بحبك اقسمنه
ونصير كبور
أين الطالب بدمك........ نهم احنه تره لهمك
نريد نثور
تدري من يمته انتظر.........كل جمعه انطرنه الفجر
بلكت على عراقك يمر..... هلا بعاشور
رسمته أبالي جن شفته.......... هلا بعاشور وبجيته
هلا بعاشور
.................................................................
المتشرف بالخدمة
سيد سيف الهاشمي
▪️مؤسسة منبريون للالحان رقم 1
@ahmed_alziwar1▪️مؤسسة منبريون لنشر القصائد 2
@ahmed_alziwar2▪️مؤسسة منبريون للمقامات3
@ahmed_alziwar3▪️مؤسسة منبريون للنعي4
@ahmed_alziwar55(كروب مؤسسة منبريون)
#كروب الالحان👇👇👇👇👇
https://t.me/joinchat/Dw92Dj9pmspR5uHfACGjlA
