Suhaib Patangصھیب پتنګ

# ( غزل ) * د ځوانۍ څه فایده

چې پاۍ یې مرګ وي نو د داسې زندګۍ څه فایده
جوړ اخرت کړه په دنیا کې د سیالۍ څه فایده

هسې په خوله مکړۍ نعرې د ازادۍ ازادۍ
د غلامۍ پړی په غاړه ازادۍ څه فایده

چی د الله نظر کې ټول عمر ذلیله وسي
د هندو ټول عمر ستړیا او د خوارۍ څه فایده

له پیغلې خور مو لوپټه د سر نه اوغورزیده
دا چې اوچته نکړو زمونږه د ځوانۍ څه فایده

پروت په سجده چې د خپل پیر په در سوالونه کوې
غواړې د غیر نه نو بیا رب ته د زارۍ څه فایده

د حق په منبر باندي یې ناست او حق بیان نه کوې
ناصحه ستا ددې ول ول لویې پګړۍ څه فایده

چه په موضوع کې یې د دین اسلام ستاینه نه وي
"صهیب پتنګ"وایې د هغه شاعرۍ څه فایده

#suhaib_patang
@suhaib01

# ( اختر ) *

راوله پر مونږه نن اختر د خوشحالۍ ربه
وشنده وږمې په لر اوبر د ازادۍ ربه

راشه اۍ اختره دغم شپي راځني هیري کړه
ورکې مو له زړونو کړه تیارې د مایوسۍ ربه

مینه محبّت مو نن د زړو کلی ته راوله
چم مو کړه روښانه په لیلا د خپلواکۍ ربه

جاړې په هرکور کې یتیمان د مور په غیږه کې
ختمې په هر کور کې کړه نعرې د بې وسۍ ربه

سیوری د سکون یې دې غمجن ټغر ته وبخه
ډکې له مسکاو کړه وړې وړې خولګۍ ربه

وړي د ګلشن نه مو خزان خایسته ګلونه دي
وسپړه چمن کې مو د هيلو څو غوټۍ ربه

ختم کړې سبحانه دا ویرونه زمونږ د کلې نه
تا ته په اشعارو کې"صهیب"کوي زارۍ ربه

#suhaib_patang
@suhaib01

وې دین اسلام له د خپل عصر مجدد عمره
امت دې ویاړي په ایمان اۍ مجاهد عمره

ستا کارنامې دشهامت مونګ ته پرتې نمونې
ته د دميړانې د جهان وې ستر قائد عمره

د اخوت سبق نړۍ ته دې ښکاره کړو پرون
هم کلیوال دپیغمبر دي پـرې شـاهـد عـمره

تا بادشاهي کړله قربان د مسلمان په خاطر
وزلیدلې په تاریخ لکه خالد عمره

دسر بدل کې دې ساتنه دمظلوم اولس کړه
تا حکومت کړلو په زړونو اۍ زاهد عمره

ستا په رحلت شو نیمه خوا د کونډو بورو امید
ته وې بې وزله یتیمانو له واجد عمره

ته وې شجاع او متقي او هم محکم په ایمان
"صهیب"دې سـتاۍ په اشعارو کې راشد عمره

#suhaib_patang
@suhaib01

مجاهدین یو سنګرونو کې جنګونه کوو
خه په میړانه شهامت سره وارونه کوو


د وخت فرعون به کړو نسکور چې په مظلوم کړې جبر
توکل په خدائ دی په تش لاس پرې ګزارونه کوو


سر په میدان حاضِروو یو خپل سرونو نه تیر
بزدله نه یو چې جنګونو ته عزرونه کوو


د کونډو برو انتقام کې به دښمن سوزوو
یتیمه صبر ستا پرهر ته ټکورونه کوو


کړو انتظار د رب دیدار ته ډیر په مینه کې یو
دا تمنّا مې کړې پوره ربه سوالونه کوو


"صهیب پتنګ"دې په دعاوو کې مدام یادوم
نور رانصیب شه شهادته درخوستونه کوو

#suhaib_patang
@suhaib01

اهونه د مظلوم چې مې له ورایه اوریدل
رودونه مې په مخ د تړمو اوښکو بهیدل

د غم سړو بادونو مې چمن تاله ترغه کړو
نه شپول د ګلاب پاتې شو نه چیغی د بلبل

د علم مدرسی مو د طالب په وینو سرې شوې
ګلاب ګلاب بچیان په نیم ارمان رخصتیدل

کفار راته یو شوې دین اسلام ختمول غواړي
زمونږ توري په خپلو کې تیریګي یوتر بل

نارو د عافیې چې دې غیرت راپورته نه کړو
له دغه زندګۍ نه درله غوره دی اجل

د ظلم انتها شوه مسیحا ته ضرورت دی
لاسونه د ظالم مو تر مرۍ ورسیدل

زارۍ د لا وارث اولس"صهیبه"په پرواز وې
کتل یې پاس اسمان ته او الله ته جړیدل


#suhaib_patang
@suhaib01

میاشت د رمضان کې مغفرت له ربه اوغواړه
غواړه په سلګو سلګو جنّت له ربه اوغواړه

میاشت د ثوابونو او اجرونو رب درکړې ده
ډیرې دعاګانې په کثرت له ربه اوغواړه

دا د رحمتونو برکتونو څخه ډکه ده
سر په سجده پریوزه رحمت له ربه اوغواړه

کړې چې رب نافظ په ټول جهان کې الهې نظام
داسې په دردمن زړه شریعت له ربه اوغواړه

ځان د جهنم نه د توبې په لاره وساته
دهغه پاکه میاشت کې قبولیت له ربه اوغواړه

سر په سجده کیږده تنهایۍ کې نیمه شپه باندې
خپلو عباداتو کې لذّت له ربه اوغواړه

دواړه لپې پورته کړه"صهیبه"ربه ته وجاړه
لاره د جهاد کې شهادت له ربه اوغواړه


#suhaib_patang
@suhaib01

د واحدانیت لښکر البم نه به نوي ترانه درته زر وړاندی شي انشاءالله

اللیالي والایام المبارکة

نن شنبه د حمل 7 نیټه د مارچ اوویشتمہ د برات شپه ده (شعبان ۱۵ مه) شپه او ورځ:
د شعبان ۱۵مه (برات) هغه شپه ده کومه چې په دې شپه کی الله تعالی ته د انسانانو د تیرکال اعمال وړاندې کیږي.
#امام_حسن_بصري_رحمة_الله_علیه به پدي شپه کي په لړزه وو، او وارخطا به وو ویل به یی د برات شپه ده زما اعمال الله ته وړاندې کیږي ، الله تعالی خبر پایله به یی څه وي! په دې شپه انسان ته روزي ، روغتیا ، ناروغي ، تندرستي او ټول شیان د انسان د راتلونکي کال لپاره تعین کیږي!!!

#حضرت_علی_رضی_الله_تعالی_عنه په دې شپه د باندی راووت او په ژړا یی، اسمان ته کتل او ویل به یی ای الله تعالی نن تاته اعمال وړاندی کیږی ، چی د #علي اعمال به الله خبر څنګه وي!!!

صحابه راغلل له #رسول_الله_ﷺ څخه یې و پوښتل، چی اې! د الله تعالی رسوله کله چی د شعبان ۱۵ شپه شي نو ته هغه په عبادت او ویښه تیروې او د شعبان ۱۵ ورڅ روژه نیسې دا د څه لپاره ده؟ د الله تعالی رسول ورته وفرمایل: زه د شعبان د میاشتې په ۱۵ ورځ د دی لپاره روژه نیسم چې په #دې_ورځ_د_انسان_عمل_نامه_سپینه_وي او دا مې خوښیږي چې زما د عبادت شروع په عمل نامه کې په روژه باندې شي. د شعبان د میاشتې ۱۵مه شپه کې د دې لپاره عبادت کوم او په ویښه یې تیروم چی دا مې خوښیږي چې کله می الله د کال په اخیر کی اعمال وړاندی کېږي نو هغه مې هم په عبادت کی تیره شي او په عمل نامه کې مې اخیر عمل عبادت وي!!!

د رسول الله ﷺ سنت دا وو چې کله به دبرات ( شعبان ۱۵) شپه را رسیدله نو دوی به جنت البقیع ته تلو او شپه به یې هلته په عبادت تیر وله ، #عایشه_(رض) #وایې_په_دې_شپه_به_چې_کله_رسول_الله_ﷺ_عبادت_کاوو_او_کله_به_یې_چې_سر_په_سجده_کیښودو_دومره_به_یې_ اوږدوله چې ما به ویل چې الله مکړه هغه روح قبض شوی دی ، لاس مې د رسول الله ﷺ پښې ته ور وړاندې کړ چې کتل مې د مبارک پښې ټکان وخوړه وروسته پوه شوم چې هغه ﷺ ژوندی دی ، او بیا مې خپل غوږ د هغه خواته ور نیږدې کړ چې په سجده کې #ژاړي_او_دا_دعا_کوي (یا الله پنا غواړم ستا د عذاب څخه ، خدایه پنا غواړم ستا د قهر او عذاب ، خدایه پنا غواړم ستا په طرف او حرکت کوم ستا طرف ته ، خدایه ستا شان چې لایق د عبادت دی مونږ هغه قسم عبادت ندې کړي!!!

ياده شپه د خلاصون شپه هم ياديږي يعنى د ګناه نه د خلاصون شپه ددى شپي خاص عبادت د احاديثو مبارکو په رڼا کى په لاندى ډول دى :

1:- دوه رکعته نفل بيا سوره يس لوستل او د ايمان لپاره دعا کول

2:-دوه رکعته نفل بيا سوره يس بيا د حلال رزق لپاره دعا کول
3:-دوه رکعته نفل بيا سوره يس او بيا لوى عمر لپاره دعا کول

ګرانو دوستانو : ويل کيږي چي د برات په شپه د راتلونکي کال تقدير ليکل کيږي او دعا کولي شي د انسان تقدير ته بدلون ورکړي نو هيله ده چي په دي شپه کي الله ته عبادت وکړي او د افغانستان او پاکستان لپاره دعاګاني وکړي چی اللہ تعالیٰ دا کفری جمہوری نظام پہ شرعی نظام بدل کڑی د ټول مسلمان امت ، د اتفاق لپاره دعا وکړى دوستان موږ هم دعا کى ياد کړى
مونږ ته هم پکې يوه د خير او برکت دعا وکړي❤❤

جنګ ته له اسمانه بدرګې راغلې
بیا بدري لښکر له فرشتې راغلې

تورې یې پګړۍ په سپن لباس کې دي
توري او کمان زغری نیزې راغلې

ګډ یې کړو شکست په دښمانو کې
زغرو کې سمبالې قافلې راغلې

چغې د دښمن له هرې خوا خیژې
بیا پرې د زلمو مستې حملې راغلې

غرقې یې لښکرې د غربیانو کړې
جنګ ته مو د نیل تاندي څپې راغلې

رب کوي نصرت د شازلمو سره
زکه یی پر زړونو سکینې راغلې

پام چې مجاهده ورخطا نشې
زړو کي د کفارو دبدبې راغلې

دیدن ته یې"صهیبه"له اسمانه بیا
خاندي له جنّته چنغلې راغلې

#suhaib_patang
@suhaib01