БМТ Инсон ҳуқуқлари бўйича Олий комиссарлигининг Нью-Йоркдаги бўлими директори Крейг Мохибер нима учун истъефога чиқди?
“
Бу геноциднинг дарслик бўладиган намунасидир. АҚШ, Европа Иттифоқи ва Буюк Британия ҳолис воситачи эмас, балки можаро тарафлари ва Исроил жиноятларига шерик сифатида кўрилиши керак”, -деди БМТнинг Инсон ҳуқуқлари бўйича Олий комиссари директори.
БМТ Инсон ҳуқуқлари бўйича Олий комиссарлигининг Нью-Йоркдаги бўлими директори
Крейг Мохибер Исроилнинг Ғазо секторидаги тажовузига норозилик билдириб, уни геноцид деб атаб истеъфога чиқди. Шу билан бирга, БМТни танқид қилиб, Ғазо халқини олдида иснодга қолгани, АҚШ, Буюк Британия ва Европанинг катта қисмини бу қатлиомларга “буткул шерик”лигини айтди.
“Бу менинг Инсон ҳуқуқлари бўйича Олий комиссар сифатидаги сўнгги расмий мурожаатим бўлади... Биз яна бир бор кўз ўнгимизда геноцид содир бўлаётганига гувоҳ бўлмоқдамиз ва биз ишлаётган ташкилот унинг олдини олишга ожиздек туюлмоқда. Мен шунингдек тутси, босниялик мусулмонлар, язидийлар ва роҳинжалар геноциди пайтида ҳам шу залларда ишлаганман.
Ҳар сафар можаронинг чанги барҳам топганида, биз ҳимоясиз фуқароларга нисбатан оммавий ваҳшийликларнинг олдини олиш, айбдорларни жавобгарликка тортиш бўйича ўз бурчимизни бажара олмаганимиз аламли тарзда аён бўлди. БМТ фаолияти давомида фаластинликларни қотлиом ва таъқиб қилинишининг сўнгги тўлқинлари ҳам шундай бўлди.
30 йиллик тажрибага эга юрист сифатида, мен геноцид атамаси кўпинча сиёсий таҳқирларга дучор бўлишини яхши биламан. Аммо фаластинликларнинг этно-миллатчи кўчманчи мустамлакачилик мафкурасига асосланган, тизимли кўчириб юбориш ва тозалашлар билан олиб борилаётган ҳозирги қирғин, шубҳа ва мунозараларга ўрин қолдирмайди.
Ғазода уйлар, черковлар, масжидлар, касалхоналар ва мактабларга бемаъни ҳужумлар қилинмоқда ва минглаб тинч аҳоли ҳалок бўлмоқда. Ишғол қилинган Ғарбий Соҳилда эса уйлар тортиб олинмоқда ва фақат этник белгилар бўйича қайта тақсимланмоқда. Апартеид бутун мамлакат бўйлаб ҳукмронлик қилмоқда.
Фаластиндаги европалик этно-миллий кўчманчи мустамлакачилик лойиҳаси Фаластиндаги туб Фаластин аҳолисининг сўнгги қолдиқларини йўқ қилишга қаратилган ўзининг якуний босқичига кирмоқда.
АҚШ, Европа Иттифоқи ва Буюк Британия бу фожиага буткул шерикдир. Бу ҳукуматлар нафақат Женева конвенциясига риоя этилишини таъминлаш бўйича ўз мажбуриятларини бажаришдан бош тортмоқдалар, балки улар босқинчи-тажовузкорни фаол равишда қуроллантирмоқда, Исроил ваҳшийликларини дипломатик, сиёсий ва иқтисодий жиҳатдан ҳимоя қилмоқда.
Ғарб оммавий ахборот воситалари фаластинликларни доимий равишда инсонийликдан маҳрум қилиш ва геноцидни очиқ тарғиб қилиш орқали “Фуқаролик ва сиёсий ҳуқуқлар тўғрисидаги халқаро пакт”нинг 20-моддасини (уруш пропагандаси) очиқдан-очиқ бузмоқда. АҚШда жойлашган ижтимоий медиа компаниялар Исроил пропагандасини кучайтириб, ҳуқуқ ҳимоячиларининг овозини бостиришмоқда. Исроил лоббиси, онлайн троллар ва ГОНГОлар инсон ҳуқуқлари ҳимоячиларини таъқиб қилишмоқда ва қоралаш кампанияисни амалага оширишмоқда.
Сўнгги ўн йилликларда БМТнинг асосий қисмлари АҚШга таслим бўлди ва Исроил лоббисидан қўрқиб, халқаро ҳуқуқдан чекинди. Биз бу ер ёки дин туфайли содир бўлаётган оддий можаро, деб ўзимизни гўлликка солишни бас қилишимиз ва ҳақиқий вазиятни тан олишимиз керак: куч бўйича номутаносиб бўлган кучли давлат, тубжой халқларни этник келиб чиқишига кўра мустамлака қилиб, эгаликдан маҳрум қилмоқда”, - Крейг Мохибер.