✍️ Uyga qaytaman✍️
Oʻqish ishlar tugab yaqinda,
Yana diydor kuyin aytaman.
Asl joyim oila bagʻrida,
Ona yana uyga qaytaman.
Navroʻz yaqin bayram qilamiz,
Mezbon boʻlib mehmon kutamiz.
Biz ham birga shahar kezamiz,
Ona yana uyga qaytaman.
Toʻyib-toʻyib kerak uxlasam,
Hayron boʻlmang esnay boshlasam.
Nima qilay sizda dam olsam,
Ona yana uyga qaytaman.
Qilib bering shoʻrvalar yana,
Mantilar ham boʻlar durdona.
Ovqat uchun emas yagona,
Ona yana uyga qaytaman.
Kutib oling yorugʻ yuz bilan,
Goʻzal qalb-u shirin soʻz bilan.
Koʻrishsinlar koʻzlar koʻz bilan,
Ona yana uyga qaytaman.
📝Adhambek Abdurasulov
14.03.2023
t.me/ijod_olamim