ELVİN DADAŞSOYDAN 15 QIZIL TƏK FİKİRAzərbaycanın biznes sahəsində məşhur simalarından 5 nəfərinin adını çəkməyimi istəsəm heç şübhəsiz ki, onlardan biri də məhz Elvin Dadaşsoy olacaq. Çünki, öz səmimiyyəti və bildiklərini bölüşməsi ilə bir çoxumuzun rəğbətini qazanmış bir şəxsdir o.
Elvin Dadaşsoy 30 yaşına çatdığı zaman, həyatdan öyrəndiyi 30 dərsi öz dediyi kimi "cızma-qara" edərək paylaşmışdı ,həm də övladının böyüyəndə oxuması üçün. Mən isə o fikirlərdən ilk mühüm 15-ini sizinlə paylaşıram.
1. Həyatda heç nə sağlamlıq qədər önəmli deyil. Sağlamlığına zərərli olacaq mümkün qədər çox şeyi kəsmək lazımdır. Ömrü uzatmaq olmur. Onu qısaltmağı dayandırmaq olur. Istisnasız olaraq hər kəs bir vaxt gəlib anlayacaq ki, sağlam bədəndən dəyərli heç nə yoxdur həyatda.
2. Pulun idarə olunmasını, maliyəni mümkün qədər tez öyrənməlisən. Lap məktəb yaşlarından. Nə qədər gec olsa, o qədər çox ağrı çəkirsən. 3 şey sənin kişi kimi sözünün kəsərinə təsir edəcək:
- biliyin
- fiziki gücün
- maliyə gücün
3. Valideynlərini həmişə uca tutmalısan. Diqqət ayırmalısan. Əksini etdikdə ağrı çəkirsən.
4. Həyat yoldaşını düz seçməlisən. Bu paltar seçimi deyil. Xəşbəxt olub olmayacağına təsir edən ən böyük məsələdir. Necə seçməli? Həyatda önəmli tutduğum 3-5 dəyəri yazmalısan. Oxşar dəyərləri olan adamı seçməlisən. Əks halda onda həmin dəyərləri formalaşdırmağın sənə çox ağrılı olacaq. Evlənməmişdən öncə yoldaşına öz qırmızı xəttlərini deməlisən. O, sənin nəyi önəmli tutduğunu dəqiq bilməlidir.
Evlilikdən öncə minimum 3 münasibət yaşa. Qadın psixologiyasını az çox başa düş. Bunu etmədən evlənmə. Ağrın çox olacaq əks halda.
5. Qadının emosiyalarına diqqət et, amma önəm vermə. Onların emosiyası hep rəqs edər. Sən yerində dur. Dönüb sənə qayıdacaq.
6. İnstitut illərindən doğru dost çevrəsi yarat. Mütəmadi yeni dostlar qazan. Bunun üçün mütəmadi yeni yeni mühitlərə get. İnsanlara vaxt ayır. Dostların yenilənmirsə, sən də inkişaf etmirsən. Keith Ferrazzinin "Heç vaxt tək yemə " kitabını oxu. Nə demək istədiyimi başa düşəcəksən.
7. Yaşam əqidən Qazanc-Qazanc olsun. Sənin xoşbəxtliyin başqasının bədbəxtliyi üzərində qurulanda sən uduzursan. Başqasının xoşbəxtli sənin bədbəxtliyin üzərində qurulanda sən uduzursan. Başqalarının xoşbəxtliyi üçün özünü qurban vermə. Həmişə qazanc-qazanc yolu tapmaq mümkündür.
Kiminlə söhbət edirsənsə, otaqdan hər ikinizin uğurlu çıxacağı ssenarini düşün.
8. Heç kimin uğur hekayəsi sənin üçün yol deyil. Öz yolunu yaz. Öz prinsiplərinlə davran. Başqalarının məsləhətinə qulaq as. Amma qərar hər zaman özünün olsun.
9. Həmişə gəncsən. Öyrənməyi dayandıranda qocalmağa başlayırsan. Gənc olmağını dayandırma. Hərəkətdə ol. Ölüm - hərəkətsizlik halıdır.
Biliyin qiyməti yoxdur. Pullarını və zamanını bilik almaqdan ötrü xərclə. 100qat sənə qayıdacaq.
10. Qəşəng geyin. Yaxşı bədən formanı qoru həmişə. Geyim və duruş sənin qablaşmandır. Yaxşı qablaşma səni daha tez önə çıxarır.
11. Ailənə və övladına bütün qəlbinlə aid ol. Hər səhəri xoş sözlərlə açıb gecələri xəyallarla bitir. Övladlarına hər gecə nağıllar danış.
13. İnsanlara inan. İnamla yaşamaq inamsız yaşamaqdan qat qat rahatdır. İnan, amma gözlənti formalaşdırma. İnsan kəlməsi - "nisan" sözündən yaranıb. Mənası unutmaq deməkdir. İnsanlar səni və sənin əməllərini unuda bilər. Buna görə onlardan incimə.
Bağışlayan qəlbə sahib ol. Başqalarını bağışlamaq özünə etdiyin ən böyük yaxşılıqdır. Əksər xroniki xəstəliklər - başqalarına bəslədiyiniz kinin verdiyi stresdən yaranır.
14. Sən həmişə düz dur. Kölgən əyri düşsə də olar. Unutma ki, sən böyük adam olduqca səni məzəmmət edən çox olacaq. Böyük peyğəmbərlər hep daşlandı, çarmıxa çəkildi. Böyük olub hamı tərəfindən sevilmək mümkün deyil.
15. Xoşbəxt görünməyi vecinə alma. Xoşbəxt olmağı vecinə al. Xoşbəxtlik xoşbəxt anların cəmidir. Yaşadığın anları xoşbəxt olmağa çalış.
Unutma, keçmiş ya gələcək - xəyal məhsuludur. Yalnız İNDİ mövcuddur. İndini keçmiş təəssüratlar və ya gələcək xəyallara qurban vermə.
⚡️ Daha çoxu üçün qoşulun:https://t.me/hasanhuseynsoy