33% stories

🇺🇿 Bugun 14-Yanvar ekan. Esimizda yo'q ekan. Bu yil hamma narsa masofaviyga o'tganda, biz ham armiyada masofadan "xizmat" qildik. Bu deyman, masofadan xizmat qilgan odamga sovg'a ham masofaviy bo'lsa kerak 🤷‍♂😁

🇺🇸 I completely forgot today was the January 14th - the Defenders day. Because everything gone remote, I have "served" (SFH*) remotely, as well. So, I got a remote gift 🤷‍♂😁

*Serve From Home

#tech #mania

Barchamizga ma'lumki, ayollar do'kon aylanishni va har xil narsalar sotib olishni yaxshi ko'rganlari uchun shopagolik (ingl. shopaholic) deb atashadi. Ularni har xil taqinchoqlar, kiyim-kechak bilan osongina "aldash" mumkin. Ba'zi menga o'xshagan erkaklarni esa, xuddi menga o'xshab texnika sevar, qanday nomlash mumkinligini bilmadim. Meni ham istalgan texnika bilan "aldash" mumkin, xuddi yosh bola chupa-chups olgandek juda xursand bo'lib ketaman 😌 . Yaqinda o'zimga o'zim shunday "xo'rozqand"lardan sovg'a qilib xursand qildim. Ular haqida qisqacha keyingi postlarimda to'xtalib o'tmoqchiman. Hozircha esa, faqat rasmlari bilan bo'lishib turishga qaror qildim. Menga o'xshagan texnika sevar insonlar uchun maxsus 😁

Masofadan (uydan) ishlash ko'pchilik o'ylaganday "mazza" emas. O'ziga yarasha qiyinchiliklari yetarli. O'zimning tajribamdan kelib chiqsam, eng asosiysi chalg'ituvchi omillar. Offisda bu narsalar ancha kamroq bo'ladi. Masofadan (uydan) ishlaganda hohlaysizmi yo'qmi, e'tiboringizni tortadigan ishlar, diqqatni buzadigan farzand/jiyan/ukalar (ba'zida kattalar ham) topiladi. Albatta, bunga yechim bor. Lekin (!) har doim ham emas va bir muncha mablag' talab qiladi.
Ikkinchi "minus"i, ko'p holatda ish beruvchi "time tracker" (vaqtni hisoblovchi) o'rnatishni talab qiladi va uni doimiy tekshirib turadi. Bu o'z-o'zidan ancha ko'proq mehnat va diqqat jalb qilishni talab etadi. Masalan, offisda ishlasangiz, ish vaqti 8 soat deb olsak, bu vaqtning ichida hohlasangiz dam olasiz (ozgina), ishxonadagilar bilan har xil ko'ngilochar ishlarga chalg'ish yoki kofe/choy damlab hayol surib "dam" olishingiz mumkin. Masofadan ishlaganda esa, deyarli 80% holatda buning imkoni yo'q. Aniqroq aytsam, sizning har bir minutingiz hisobda va shu daqiqalar "dam" olishga qaror qisangiz (xuddi offis holatiday) sizga boshlig'ingiz nega bu daqiqalar harakatsiz/foydasiz o'tganini hisobini so'raydi. Demak, 8 soat ishmi, 8 soat vaqt kompaniya uchun foydali o'tishi kerak, offisdagi holatdan farqli o'laroq. Bo'lmasa eng yaxshi holatda oylik maosh kamayadi, eng yomon holatda ishdan haydashadi (dangasalar kimga kerak?!)
Uchinchi men sezgan kamchilik - kamharakatlik. Offisda o'tirib ishlaydigan hodimlar shundoq ham kuni bo'yi kam harakatda bo'lishadi. Masofadan ishlaganda esa, undan ham kamroq harakatda bo'linadi va natijada bo'g'imlarda tez orada og'riqlar paydo bo'ladi. Ishga borganda eng kamida borish va kelishda harajat [uzr, harakat.. va harajat ham, to'g'ri] qilinadi. Endi uydasiz, ko'chaga ham chiqmaysiz, chiqqingiz kelmaydigan bo'lib qolasiz borgan sari. Shu bilan fizik holatingizga katta ta'sir (yomon) o'tkazib qo'yasiz. Buning ham yechimi bor, albatta. Sport bilan muntazam shug'ullanish. Lekin yuqorida aytganimdek, ishga oldingidan ko'proq vaqt sarflashni boshlaganiz sababli, bu narsalarga vaqt ajratish bir oz qiyinroq bo'lib qoladi.
Bularni yana davom ettirish mumkin. Har ikkala turdagi ish jarayoni o'ziga yarasha kamchiliklari bor. Lekin bu kamchiliklar to'ldira olinsa, inson bularga yechim topa olsa, albatta, uydan turib ishlash yaxshiroq, mening fikrimcha. Lekin baribir qisman ishxonadagilar bilan yig'ilib turish ham foydadan holi emas. Bu mening xulosam, bu insondan insonga farq qiladi.

Assalamu alaykum!

Onaning haqqini ado qilish haqida juda zo'r gapirganlar.