محاورة شعرية بين ((بنت عنودية)) و ((شاب مغرم)) بالدارمي العراقي
اكو فد شخص ينتظر بنية تروح تجيب مي من الجدول..يومية..
وبهذا اليوم قرر يحاچيهة...#وگال
حني يبنت الناس مره اعلة حالي
صدگيني انة اهواچ وانتي بخيالي
ردت عليه..#وگالت..
لاحن ول ااهواك ما اعرفك آنة
لا تحچي بعد وياي كافي ميانة
رجع المغرم #وگال..
ما اگدر انة انساچ صرتي انتي روحي
وبلمسة ايدج هاي تذبل جروحي
#جاوبتة البنية بهذا الرد..
امشي يخوية وروح والعن ابليسك
مو سلعة آنة وجاي ياخذني چيسك
#جاوبها المغرم..
مو سلعة انتي ادريج انتي حياتي
واتمنى يمچ كون يحصل مماتي
#كررت البنية كلمة خوية وجاوبت..
كافي يخوية وروح وابتعد عني
تلگه بنات هواي حتى احلى مني
#گال المغرم..
من بين كل الناس گلبي يريدچ
وسلمت هاي الروح ياحلوة بيدچ
بدت تمل كلامة البنية #وردت..
أيس يخوية وروح لاتأذي گلبك
ماريدك وماريد ياحذني حبك
رجع صاحبنة المغرم..#وجاوب..
هيچي يبنت الناس صعبتي امري
دمرتي حلم الروح ضيعتي عمري
ضاجت البنية كلش وجاوبت بعصبية #وگالت..
ماريدك وماريد گربك الية
اخر كلامي وياك حبتك حية !!!
رجع المغرم بعد الصدمة..#وگال..
اقبل كلامچ هاذ بس ما اعوفچ
يومية اجيچ هنا ويومية اشوفج...!!!
ورجع المغرم يتمنى قبولها....بس هالمرة من بدا يحچي؟؟؟؟
هية بدت بالكلام...#وگالت...!!!
ها خوية شو رديت شنهي القضية
مافاد حچيي وياك ذيچ المسية
#جاوبها المغرم بلهفة...
رديت الچ مشتاگ صدگي يحلوة
عتني عليچ الشوگ مو بيدي گوة
طلعت البنية بعد كل هالهوسة تحب الصراحة...#وگالت...
سولفلي قصتك گول حلوة الصراحة
انتفع بيهه هواي واشعر براحة
سولفلها صاحبنة المغرم بصراحة تامة...#وگال...
حچيي الصريح وياچ انة هويتچ
واليوم اجي خطاب واتعنة بيتچ...
للعقول الراقيه👆👆☺
#ورده