"TURON" AXBOROT - KUTUBXONA MARKAZI

Zangiota tumani axborot-kutubxona markazi  
Eng yaxshi kitobxon bo‘laman
Kitobxonlik soati
Pedagog va yozuvchi Ya.Komenskiy “Kitoblar - donishmandikni yoyish qurolidir”, desa, yana bir faylasuf J.Svift “Kitoblar aql farzandlaridir”, deydi. Farzandlarimiz kitobxon bo‘lishi uchun ota-onalarning ham kitobxon bo‘lishi muhim. Ahamiyat beradigan bo‘lsak, o‘g‘il bolalarni ko‘proq otasi mashg‘ul ish qiziqtiradi. Qiz bolalar esa onalari yonida vaqt o‘tkazishni xush ko‘radi. Birga o‘qilgan kitob ichidagi voqea va ma’no ikki karra qiziq va mas’uliyatli natija berishi aniq.
3­–4 yoshli bolaga ota-ona dastlab ertaklarni og‘zaki bayon etsa, 6–7 yoshida kattaroq hajmdagi ertak va hikoyalarni o‘qib berib, o‘qishga qiziqtirishi kerak. Bola 9–10 yoshga yetganda unga o‘zi sevgan kitobini xarid qilishi uchun imkoniyat berish va endi boladan o‘qigan badiiy asari xususida taassurotlarini so‘ramog‘i muhim bosqich. Kitobxonlikning keyingi pog‘onalariga bolalar o‘z dunyoqarashidan kelib chiqib asarlarni o‘zlari tanlab o‘qiy boshlaydi. Demak, farzandga ota-ona nazorati va xayrihohligi kitobxonlikda ham zarur jarayon desak bo‘ladi. Axir, farzandlarimizning har tomonlama yetuk va barkamol bo‘lishi uchun ota-onalar zimmasida katta mas’uliyat turadi.
Bugungi bo‘lib o‘tgan kitobxonlik soatida 14- umumiy o‘rta ta’lim maktabning 1-sinf o‘quvchilari ishtirok etdilar. Bolalarga kutubxonaga a’zo bo‘lish, kitob o‘qish qoidalari, kitoblarni yaxshi saqlash haqida mutaxassislar tomonidan  kerakli tavsiyalar va maslahatlar berildi. Qo‘llariga berilgan  ertak kitoblardan  ular olam-olam zavq oldilar. O‘z navbatida bolalar  oldilariga “Eng yaxshi kitobxon bo‘laman” deb  maqsad qo‘ydilar.

Zangiota tumani axborot-kutubxona markazi
Kitob va kitobxonlik – inson ma’naviyati ko‘zgusi
Kitobxon onalar kuni
Ro‘zg‘ordagi sarishtalik, farzandlar kamolotidagi tugallikni ayol ishtirokisiz tasavvur etish juda mushkul bo‘lganidek, farzandini kitobga oshno etishda ham ona o‘rnini hech bir ustoz bosa olmaydi. An’anaga ko‘ra o‘tkazib kelinayotgan “Kitobxon onalar kuni”ning bugungi tadbiri Zangiota tumani tibbiyot birlashmasi xodimlari ishtirokida bo‘lib o‘tdi.
Tadbirda kitobxon onalarimiz o‘zlari oila davrasida o‘qigan kitoblarining ma’naviy-ma’rifiy ahamiyati, ilgari surilgan g‘oyalari xususida fikr almashadilar. Shuningdek, farzandlarida kitobxonlik madaniyatini qaror toptirish, ularda yot g‘oyalarga nisbatan ma’naviy immunitetni kuchaytirish yuzasidan tajriba almashib, bir-birlariga tavsiyalar berdilar. Oilada ona kitobxon bo‘lsa, farzandlar ham albatta kitobga oshno tutinadi, farzandga “darsingni qil yoki kitob o‘qi”, deyish, tarbiya ham, ta’lim ham emas. Har bir ona oilada buning uchun eng avvalo, vaqt topib, farzandiga o‘zi namuna bo‘lishi kerak.
Axborot-kutubxona markazi xodimlari ular bilan kitobxonlik ma’naviyati, kitobning inson hayotida tutgan o‘rni, farzand tarbiyasida kitoblarning ahamiyati haqida suhbat olib bordilar va o‘qish uchun “Munosib ota-ona bo‘lmoq -saodat”, “Olim tarbiyalagan otalar” kitoblari tavsiya qilindi.

O‘zbekiston Respublikasi Prezidenti Sh.M. Mirziyoyev tomonidan 2019-yil 19-mart kuni yoshlarni madaniyat, san’at, jismoniy tarbiya va sportga keng jalb etish, yoshlarda axborot texnologiyalaridan foydalanish ko‘nikmalarini shakllantirish, ular o‘rtasida kitobxonlikni targ‘ib qilish, xotin-qizlar bandligini oshirishga qaratilgan beshta muhim tashabbus ilgari surildi. Ushbu beshta tashabbusning to‘rtinchisi, ya’ni aholi, ayniqsa, yoshlar ma’naviyatini yuksaltirish, ular o‘rtasida kitobxonlikni keng targ‘ib qilish yosh avlodning intellektual salohiyatini oshirish maqsadida 2024-yilning 18-aprel kuni Qibray tumani axborot–kutubxona markaz va Qibray tumani maktabgacha va maktab ta’limi hamkorligida, kitob xaftaligi doirasida “Eng yaxshi kitobxon o’quvchi” ko’rik tanlovining hududiy bosqichi o’tkazildi. Tanlovda 3-7-11-15-16-17-20-21-27-28-35-umumiy o’rta ta’lim maktabining kitobxon o’quvchilari ishtirok etdilar. Ko’rik tanlov nizomga muvofiq to’rt bosqichda o’tkazildi. Ishtirokchilar barcha shartlarda o’z bilim va ko’nikmalarini namoyon etishdi. I-o’ringa 28-umumiy o’rta ta’lim maktab o’quvchisiXusniddinova Dilafruz, II-o’ringa 35-umumiy o’rta ta’lim maktab o’quvchisi Yo’ldosheva Dilnoza, III-o’ringa 27-umumiy o’rta ta’lim maktab o’quvchisi Agzamova Irodaxonlar egalladilar. Ishtirokchilar Qibray tumani axborot-kutubxona markazi tomonidan “TASHAKKURNOMA” bilan taqdirlandilar.