Hijobning asosiy shartlari:
1) Istisno qilingan joylardan tashqari badanning barcha qismini yopish. Hanafiy mazhabida, istisno deganda yuzning soch chiqqan joyidan to iyakkacha bo'lgan qismi, ikki qo'l va ikki oyoqning kaftlari kiradi.
2) Hijob bezalgan, bezak libosi bo'lmasligi.
Alloh taolo Qur'oni karimda shunday marhamat qiladi:
"Ko'rinib turgandan boshqa zeb ziynatlarini ko'rsatmasinlar va ko'kraklarini ro'mol bilan to'ssinlar"
Nur surasi 31-oyat.
3) Ichi ko'rinmaydigan darajada qalin va ko'zga tashlanmaydigan bo'lishi.
Qur'oni karimda shunday marhamat qilinadi:
"Ilgari johiliyat davridagi kabi ochiq sochiq bo'lmang". Ahzob surasi 33-oyat.
4) Tor emas, keng libos bo'lishi.
Hijobdan maqsad atrofdagi nomahram erkaklarni jalb qilishdan saqlanishdir, tor kiyinib, ularga qomatni ko'z ko'z qilish emas.
5) Atirlar bilan hushbo'ylanmagan bo'lishi. Muslima ayolning hushbo'ylanib ko'chaga chiqishi harom amaldir.
Rosululloh sollallohu alayhi vasallam: Qaysi bir ayol hushbo'ylangan bo'lsa, biz bilan hufton nomoziga hozir bo'lmasin, deganlar.
6) Erkak kishining kiyimiga o'xshamagan bo'lishi.
Rosululloh sollallohu alayhi vasallam: Qiyomatda 3 toifa inson jannatga kirmaydi va qiyomat kunida Alloh taolo ularga qiyo ham boqmaydi:
Ota onasini hurmat qilmaganlar,
O'zini erkakka o'xshatgan ayol,
O'z ayolini iffatini saqlashga beparvo bo'lgan erkak, dedilar.
7) Kofirlarning libosiga o'xshamagan bo'lishi.
Rosululloh sollallohu alayhi vasallam shunday deganlar:
Kimki qaysi qavmga o'zini o'xshatsa, bas u o'shalardandir.
8) Shuxrat libosi bo'lmasligi. Ya'ni qimmatbaho, dabdabali odamlar orasida gerdayib yurishga sabab bo'ladigan moda libos bo'lmasligi.
Qur'oni karimda:
"Ey, Odam bolalari, biz sizga avratlaringizni berkitadigan libosni ham yasan tusan libosini ham tushirdik. Hammasidan yaxshiroq libos taqvo libosidir" deb marhamat qilinadi.
Hijob bu himoya, taqvo va iymondir. Hozir modaga kiyinib olib o'z holidan mamnun yurgan " hijobli muslimalar" ziyondadirlar.
Hijobning lug'atdagi ma'nosi-to'sishdir.
Ya'ni ayol o'zining Alloh buyurgan ziynatlarini nomahramlarning narazaridan saqlashiga hijob deyiladi.
Hijobdan murod menga qaramang deganidir, yarashibdimi, chiroyli ekanmanmi degani emas !
Hech e'tibor berganmisiz yer yuzidagi barcha go'zal noyob narsalar to'silganligiga ?
Ka'ba kabi,
Marvarid kabi,
Yurak, miya kabi,
Va muslima AYOL kabi !
Chunki bularni o'rab, yopib qo'yishlikni Alloh xohlagan.
Shunday ekan o'zimizni muslima ayol deb bilsak, haqiqiy hayotda jannatdan umidvor bo'lsak, albatta Allohning buyruqlarini kamchiliksiz bajarishimiz shart.
Inson qaysi amali bilan jannatga kirishini bilmaydi, balki mana shu hijobingiz sizni jahannam olovidan saqlab qolar, kim bilsin mana shu Alloh uchun deb kiygan yarashmagan libosingiz sizni jannatga yetaklar,
Kim bilsin...
