UzA | Tezkor xabarlar

Davlat xavfsizlik xizmati tomonidan o'tkazilgan tezkor tadbirlarda:

▪Quva tumanida yashovchi, 1977-y.t., muqaddam sudlangan shaxs 2020-yilda tuman hokimining qarori asosida, oʻzining qarindoshiga “Yoshlar mehnat guzari” bino-inshootlari qurish uchun ijara huquqi asosida berilgan 15 sotix yer maydonini kadastr tizimidagi tanishlari orqali xaridor nomiga rasmiylashtirib berish evaziga 25 ming AQSH dollari olgan vaqtida ashyoviy dalillar bilan ushlandi. 

▪Uchkoʻprik tumanida yashovchi, 1959-y.t. shaxs 2016-yilda oʻzining oʻgʻli nomiga tashkil etilgan bogʻdorchilik yoʻnalishidagi fermer xoʻjalikka tuman hokimining 2019-yildagi qarori bilan sabzavotchilik-bogʻdorchilik yoʻnalishida foydalanish uchun ijara huquqi asosida qoʻshimcha ravishda ajratib berilgan 10 gektar yer maydonini xaridorga 30 ming AQSH dollariga sotishga kelishib, oldindan 20 ming AQSH dollari olgan vaqtida ushlandi.

▪Toshloq tumanida yashovchi, 1981-y.t., muqaddam sudlangan shaxs tuman hokimining 2017-yildagi qarori bilan oʻz akasiga issiqxona va bogʻdorchilik uchun foydalanishga berilgan 30 sotix yer maydonidan 12 sotixini xaridor nomiga rasmiylashtirib berish evaziga 19,2 ming AQSH dollari olgan vaqtida ushlandi. 

▪Rishton tumanida yashovchi, 1986-y.t. shaxs davlat zaxirasidagi 12 sotix yer maydonini mansabdor tanishlari orqali xaridorga olib berish evaziga 25 ming AQSH dollari talab qilib, oldindan 15 ming AQSH dollari olgan vaqtida ushlandi. 

Hozirda mazkur shaxslarning barchasiga nisbatan jinoyat ishlari qoʻzgʻatilib, tergov harakatlari olib borilmoqda.

Kanalga ulanish:
@uzauz

⚡️21-aprel kuni Toshkent shahrining bir qator ko‘chalarida avtomobillar harakati cheklanadi

Poytaxtda ikkita yugurish marafonlari o‘tkazilishi munosabat bilan 21-aprel kuni ertalab soat 04:30 dan 14:00 ga qadar quyidagi ko‘chalarda avtomobillar harakati vaqtincha cheklanadi:

•  Afrosiyob ko‘chasi Islom Karimov shoh ko‘chasi bilan chorrahasidan, Oybek ko‘chasigacha;

•  Oybek ko‘chasi Afrosiyob ko‘chasi bilan chorrahasidan Nukus ko‘chasi bilan chorraxasigacha;

•  Nukus ko‘chasi Oybek ko‘chasi bilan chorrahasidan Abdulla Qodiriy ko‘chasi bilan chorrahasigacha;

•  Abdulla Qodiriy Nukus ko‘chasi bilan chorrahasidan Qorasaroy va Zarqaynar ko‘chalari bilan kesishgan joyigacha;

•  Abdulla Qodiriy ko‘chasi Qorasaroy va Zarqaynar ko‘chalari bilan kesishgan joyidan  Shahrisabz ko‘chasi kesishgan chorrahasigacha;

•  Shahrisabz ko‘chasi Abdulla Qodiriy ko‘chasi bilan chorrahasidan Amir Temur shoh ko‘chasi bilan kesishgan joyigacha;

•  Afrosiyob ko‘chasi Oybek ko‘chasi bilan chorrahasidan Sharof Rashidov shoh ko‘chasi bilan chorrahasigacha;

•  Sharof Rashidov shoh ko‘chasi Afrosiyob ko‘chasi bilan chorrahasidan Islom Karimov shoh ko‘chasi bilan kesishgan chorraxasigacha;

•  Islom Karimov shoh ko‘chasi Sharof Rashidov shoh ko‘chasi bilan kesishgan chorrahasidan Afrosiyob ko‘chasi bilan kesishgan chorrahasigacha.

Kanalga ulanish:
@uzauz

O'zbekiston Respublikasi hududida mahalliy vaqt bilan 05:15 da 3 balli zilzila sodir bo'ldi.

Episentr: Qashqadaryo viloyati, Mirishkor tumani.

Kanalga ulanish:
@uzauz