ҲАЁТГА ҚАРШИ ОДАМЛАР💉
⁉️Болаларимиз нега кўп касал бўлишади⁉️
Аллох берган дард!
Тўғри!
Лекин тобора заифлашиб бораётган авлодларимиз саломатлигига ўзимиз масъул эмасмизми? Нотўғри овқатланиш, пала-партиш кун тартиби, харакатлар чекланганлиги, тиббий маданият ва тиббий саводхонликнинг етишмаслиги анча жиддий сабаблардир! Яна бир сабаб борки, минг надоматлар бўлсинким ёзмасам бўлмайди...
┈•❁✿❁•┈
Қўшнимнинг ўта папаловчи боласи йилда олти- етти марта шамоллайди. Дорихонанинг энг азиз мижозига айланган онадан антибиотиклар савдоси яхшигина даромад топади.
Бир куни қизи иситмалаётганини айтиб, кўриб қўйишимни сўради. Фарзандини кўрикдан ўтказиб, оддий шамоллаш аломатларини кўрдим, иссиғи ҳам вахима қиладиган даражада баланд эмас. Стол устида бир талай дорилар турарди.
Аёл эрталаб боласини Оилавий поликлиника олиб чиққан экан. Бу дориларни шифокор ёзиб берибди.
- Мана, антибиотикни энг зўри экан. Уч кунда отдай қилиб юборади дейишди!
Антибиотикни қўлимга олиб жахлим чиқди.
- Сизга от керакми, болами? Бу дори зўр, лекин захарини ҳам фақат от кўтариши мумкин, фарзандингиз эмас!
- Э, ўтган сафар бир хафта ётган. Оддий дорилар билан яхши бўлмайди. Илтимос шуни «проба» билан, биринчисини қилиб қўйинг!
Қаттий бош чайқаб, илтимосини рад этдим:
- Қизингизга антибиотик шарт эмас! Озроқ иситма бу организмнинг курашаётганидан дарак берувчи белги. Кўпроқ суюқлик бериб, иссириқ тутатинг. Лимон, қорағатли чой ичиринг, ҳазми оғир бўлмаган мевалардан кўпроқ едиринг. Деразалари зич ёпилган хонада ётибди. Хонани шамоллатиб туриш ва болани тоза ҳавога ҳам олиб чиқиш керак. Болангизга иммунитетни кўтарувчи дармондорилар ёзиб бераман.
- Илтимос, уколини қилиб қўйинг!
- Мен шифокорман, қотил эмас!
Аёлнинг энсаси қотди...
┈•❁✿❁•┈
▪️Шифокор муҳри ҳам йўқ қоғозчадаги кимёвий таркиби бола вужуди учун оғир дорилардан кўз узмай ўз билганидан қолмади...
Уч кунда «отдай бўлиб қолган» рангпар болага қараб ачинаман. Миллат келажаги шуми?!
▫️У катта болса жигарда йиғилган оғир металлар туфайли саратон, қон раки, остеопороз каби дардларга чалинмаслигига ким кафолат беради?! Аввал фақат кексалардагина учровчи қандли диабет, инсульт, инфаркт каби касалликлар ёшарди. 16-20 ёшдаги навқирон ўғил қизларимизда учраётган юрак - қон томир, ошқозон ичак, асаб тизими хасталиклари қачонлардир нотўғри даволанган оддий касалликнинг оқибати бўлиши мумкин деб ҳеч ўйлаб кўрганмисиз?!
┈•❁✿❁•┈
Қани ихтиёр менда бўлсаку! Тамаки махсулотлари қутисида ёзилгани каби ( Чекиш ҳаёт учун хавфли!») ҳамма анибиотиклар устига «Ҳаётга қарши» деган ёрлиқни ёпиштириб чиққан бўлардим. Кимлардир миллиардлаб фойда кўраётган бизнесга фарзандларининг соғлиғини сотиб кўмаклашаётган ота-оналарнинг кўзини очардим!
« Амоксициклин», « Амоксиклав» «Цефтриоксон, Цефотоксин каби Америка ва Европада ноилож холатлардагина буюриладиган дориларни кўр- кўрона ёзиб бераётган ҳамкасбларим, уларни шифокор муҳрисиз сотаётган дорифурушлардан нафратланаман.
🔴Фарзандлари кўп касал бўладиган ота-оналарга
етказинг!📱📲
✿°•┈┈┈••📚ৡ📖ৡ📚••┈┈┈•°✿