Водий футболи | Расмий

ЭСКИ ЧОРИҒ...

Этикдуздан чиққан подшо тахти тепасига эски чориғини осиб қўйгани ҳақидаги ривоятни билмайдиган инсон бўлмаса керак...
Бундан бир неча йил аввал Бекзоджон Толипов “УзПролига” лойиҳасига таклиф қилганда мамнуният билан қабул қилгандик, баҳолиқудрат фикрларимизни билдириб борардик ҳам. Бунинг асосий сабаби ўша йиллари “Нефтчи” Про лигада ўйнаган эди, биз жамоа мухлислари учун фақатгина шу лига ўйинлари қизиқ бўлган, шу лига воқеалари билан яшаганмиз.
Бугун ҳаммаси қўрқинчли туш каби ўтиб кетди, ҳатто эслашни ҳам ҳоҳламаймиз. Лекин “Нефтчи” нинг ишлари бир оз юришмай қолганда, жамоа ҳақида росту ёлғон хабарлар тарқаган пайтда , УзПор лига каналига кириб ўтмишни эслаймиз. Ҳали ҳам яхши –ёмон кунларимиздан хотира сифатида канални ўчирмаганмиз. 
Эҳ, биз “Нефтчи” мухлислари не кунларни бошимиздан ўтказмадик. Бугун чепионликни орзу қилаётган пайтимизда балки кимлардир ўша қора кунларни унитиб юборгандир, кимлардир ҳатто у пайтда ўйгоҳларда бўлмагандир. Биз оғир кунларни елкама-елка енгиб ўтган қадрдонларга, сиз содиқ мухлисларга баъзи бир воқеаларни эслатиб ўтмоқимиз.
Эсингиздами, кутилмаганда, ФНҚЗ “Нефтчи” ни молиялаштиришни тўҳтатди деган хабар чиқди. Устимиздан совуқ сув қуйилгандек бўлган бу хабардан кейин, Қиргулидаги база сотувга қўйилибди, жамоа автобуси хокимият балансига ўтказилибди деган хабарлар болалади. Ҳаттоки “Нефтчи” тарқатиб юборилармиш, унинг ўрнига янги ташкилланган жамоа вилоят бош  жамоаси бўлиб қолармиш деган миш-миш тарқалди. Ўшанда нима бўлса ҳам жамоа тақаб кетмаса бўлди деган ҳавотирда яшадик, бир- биримизга телефон қилдик. Эрта тонгда ҳавотир билан интернетга кирардик, ишқилиб оҳири баҳайр бўлсин деб дуо қилардик. Ўша пайтда ҳам ҳозиргидек ҳурсандчилик кунлари, янги йил байрами арафаси эди.
Кейинчалик жамоамиз “Истиқлол”дан қувилди, ярим хароба ўйингоҳда саноқлигина мухлислар қолди, ҳатто ҳамма деярли таниш бўлиб қолган эди. Бошқа жамоа раҳбарлари, “Нефтчи” энди тамом, бизга мухлис бўлинг дейишганда, важоҳат билан уларга жавоб қайтарганингизни унитмаган бўлсангиз керак ҳар ҳолда. Хоким кубоги ўинларида “Нефтчи” деб хайқирганингизда ўша пайтдаги вилоят раҳбари томонидан, хақоратланганингиз, онгсиз подалар деб камсилгангизчи, улар мангуга юракларга муҳрланганку.
“Нефтчи”  фақатгина мухлислар туфайли, сиз қадрдонларни бирлаша олганингиз туфайлигина сақлаб қолинган, бугунги кунларга етишишимизда ҳар бирингизни алоҳида ҳиссангиз бор.
Майли жамоани қарзлари борлиги ростдир, майли молиявий тақчиллик бор гапдир, қайсидир ўйинчлар арз қилгандир. Балки ростдан ҳам жамоа бошқарувида камчиликлар бордир. Шу нарса тортишувларга, жамоага ишончсизлик билан қарашга арзийдими. Унитманг “Нефтчи” бунданда оғир синовларни енгиб ўтган, биз албатта яна жипслаша оламиз. Муҳими “Нефтчи”га, раҳбариятга ишонамиз, асосийси шу.
Бугунги Оллоҳ улуғ қилган кунларда, бир муминни дилини оғритиш, каъбани вайрон қилиш билан баробардир, мазмунидаги ҳадисларни билмаганлар,  ўз ғаразларини озгина бўлсада яшириб, сабр қила олманганлардан ҳафа бўлманг. Мухлислар байрамини бузиш уларнинг
касби бўлса керак, Оллоҳ учун уларни кечириб қўя қоламиз.
БИЗ БИТТА ЖАМОАМИЗ- “НЕФТЧИ”НИ ЁЛҒИЗЛАТИБ ҚЎЙМАЙМИЗ!

“Нефтчи” фаҳрий мухлислари.
@VODIY_FUTBOLI

Ayni damda Sport tv telekanali orqali Refere taym koʻrsatuvi davomida boshlovchi Murod Rizayev "Neftchi" jamoasini qay darajada yomon koʻrishini emotsiya va fikr mulohazalaridan koʻrsatib qoʻydi.

Iltimos Murod Rizayev siz "Neftchi" haqida umuman fikr bildirmang

✅@VODIY_FUTBOLI

Саксонингчи йиллар эди...
Собиқ Иттифоқ олий лигасидаги навбатдаги ўйинда Москванинг "Спартак"  жамоаси ўз майдонида ўртамиёна жамоани қабул қилади. Спартакчиларнинг катта устинлигида ўтиши керак бахсда ҳисоб ҳадеганда очилавермайди. Шунда шарҳловчи қизиқ бир фикрни билдирган эди. У Москва жамоаси бир ҳафтадан кейин халқаро ўйинда майдонга тушишини эслатиб,  бу ўйиндаги ғалаба  футболчилар учун рухланиш,  ўзларига ишонч туғилиши учун ҳам зарурлигини такидлайди. Бу билан шарҳловчи рақибларга ютқазиб беришни таклиф қилмади,  шунчаки уларни тўғри тушинишларини сўраган эди. Бундай эслатишлар майдон четида ҳам бўлганми йўқми,  буни билмайман,  лекин ўша даврларда пойтахт жамоаларига алоҳида эътибор қаратилар эди.

Яхшиямки бизнинг супер (?)  лигамизда ҳамма нарса шаффоф,  ҳалолликни бирламчи деб билган ПФЛ ҳеч кимни бурнини қонатмайди.
Фақатгина тасодиф туфайлигина муҳим ўйинлар олдидан водий жамоаларининг қарздорлиги ҳақидаги маълумотлар сизиб чиқиб кетади. Журналистлар қайсидир жамоанинг қарздорлигини эълон қилиб фақат яхшиликни ўйлайдилар.  Шарҳловчи битта шарҳи давомида  ўтган турда қайсидир стадионда бўлган тартибсизликни камида ўн марта айтиб фақат ҳолис фикр билдиради. Ҳа бизнинг супер лига шаффоф,  бизнинг ПФЛ супер,  бошқа гап йўқ.

@VODIY_FUTBOLI

❗️ Aziz futbol muxlislari, bugun “Andijon” jamoasining “Nasaf”ga qarshi oʻyini iftorlik vaqtidan keyinga toʻgʻri kelganligi sababli chiptalarni iftor vaqtiga qadar sotib olishingizni tavsiya qilamiz.

Shunda o’yin boshlanishiga oz qolganda navbatda turib chipta sotib olishga vaqtingiz ketmaydi.

#Биз_қайтдик

“ОРЗУЛАР ЧЕМПИОНЛАРНИ ЯРАТАДИ”
Ҳаш-паш дегунча навбатдаги мавсумни ҳам бошлаб олдик, мухлису мутахассислар томонидан дастлабки мулоҳазалар ҳам янграй бошлади. Лекин биз доимгидек жамоалар ва уларнинг ўйини ҳақида эмас, ўйин атрофидаги воқеалар ҳақида фикр билдирмоқчимиз. Бошқа жамоа мухлислари биздан ҳафа бўлишмасин, “Нефтчи” га мухлислик фонида воқейликка ўз қарашларимизни билдирамиз, балки бу гаплар бошқаларга ҳам таалуқли бўлиб чиқар.
“Нефтчи” нинг биринчи уй ўйинига киришимиз билан фан клуб секторига аҳамият бердик, бу одат бўлиб қолган. Шубҳасиз, фан клубда қандай янгиликлар бор, нималар ўзгарди деб қизиқдик. Айрим дўстларларимиз айтгандек мақсадимиз уларни хатоларини топиш эмас, шунчаки “Нефтчи” га ҳос, жамоамизга мос фан клуб бўлишини ҳоҳлаймиз, бошқача бўлиши мумкин ҳам эмас.
Кўзимиз дарҳол фан клуб сектори олдига қўйилган баннерларга тушди, ҳаммаси яхши, футболчиларни расми ҳам ўзига ҳос ярашиб турибди. Лекин мани кўзими қувнатган нарса ҳеч ким эсга олмаётган,ҳеч бир фотомухбир, ҳеч бир журналист аҳамият бермаган баннер бўлди, унга
“ОРЗУЛАР ЧЕМПИОНЛАРНИ ЯРАТАДИ” деб ёзиб қўйилган. Бу кичик жумлада жуда кўп нарса , олам олам маънолар яширинганлигини ҳис қилдим. Балки муболаға қилаётгандек бўларман, лекин бу жумла мухлисни дард-аламини, мухлисни орзуларини намаён қилган. Генералликни орзу қилмаган аскар аскар эмас дейилганидек, қайси мухлис ўз жамоасини чемпионлигини орзу қилмайди дейсиз. Мавсум бошида ҳаммамизда ҳам шундай кечинмалар бўлади, уларни реалликка айланиши эса –бу бошқа мавзу. Муҳими стадионга кирган мухлис жамоасини чемпион бўлишига умид қиляпти, ишоняпти. Шунинг учун ҳурматли пессимистлар, “жўжани кузда санаймиз” деб чемпионликни орзу қилган мухлисларни айбламанг. Орзуга айб йўқ-“орзулар чемпионларни яратади”.
“Нефтчи” фан клуби тўғрисидаги фикрларимизни давом эттириб, уларни яна бир хайрли ишга қўл урганликлари билан табриклашимиз мумкин. Бу- оммавий маданият, ғарбга кўр-кўрона тақлид сингари тобора миллий чемпионатимизда урфга айланиб бораётган “Хук” дан воз кечганларидир. Нима учун кимларгадир тақлид қилишимиз керак, нимага ҳамма жамоа ғалабани бир ҳил нишонлаши керак. “Нефтчи” нинг ҳам, бошқа жамоаларнинг ҳам ўз анъаналари бўлиши шарт. Бу борада илк қадамни ташлаган “ Нефтчи” фан клубига фақат омад тилаймиз. Балки “Фарғонача ютамиз”, ёки бошқа қичқириқлар (кричалкалар) унчалик ўҳшамаётгандир. Ҳамма нарса ҳам бошланиши қийин бўлади, фан клубга кейинги ўйинларда бошқа мухлислар ҳам қўшилишига ишонамиз.
Изоҳ ўрнида: Доим ўз фикримизни билдириб келганмиз, қадрдонларимиз кўп бўлсада фан клубга ҳеч қандай алоқамиз йўқ. Юқоридагиларни ёзишимизни ҳеч ким илтимос қилмаган, илтимослар бўйича ёзғувчи бўлмаганмиз, бўлмаймиз ҳам. @VODIY_FUTBOLI