Валанцёры Офіса 👍🏻

#Адукацыя: падборка стыпендый, даступных беларусам і беларускам

🇵🇱 Праграма Каліноўскага
Праграма польскага ўрада для маладых беларусаў, якія пазбаўленыя магчымасці вучыцца ў роднай краіне, адкрывае набор на 2024/2025 год. Можна бясплатна вучыцца на праграмах бакалаўрыяту ці магістратуры (умовы) або праходзіць навуковыя стажыроўкі (умовы). Прадугледжаны і курс польскай для тых, хто яе не ведае.
🗓️Набор адкрыты да 15/05.

🇩🇪 Стыпендыя SBW Berlin
Мэта гэтай стыпендыі – падтрымаць маладых студэнтаў, развіваючы ў іх навыкі сацыяльнага прадпрымальніцтва і праектавання. Стыпендыя даступная і бакалаўрам, і магістрам. Пакрываецца навучанне, пражыванне ў Берліне і іншыя выдаткі. Адна з умоў – пасля заканчэння праграмы вярнуцца ў сваю краіну.
🗓️Дэдлайн не ўдакладняецца.

🇨🇭Постдоктарская праграма 
Швейцарскі ўніверсітэт ETH Zurich запрашае тых, хто скончыў аспірантуру ў апошнія два гады або хутка яе скончыць, на стажыроўку. У мінулым удзельнікі праграмы хутка пасля сканчэння станавіліся прафесарамі. Падчас стажыроўкі выплочваюць зарплату і даюць дадатковае фінансаванне на праекты.
🗓️Заяўкі прымаюцца да 01/09.

Гарачыя #магчымасці ад Еўрапейскага корпуса салідарнасці

🇦🇼Вучыць моладзь мастацтву на Арубе
На Арубе (тэрыторыя Нідэрландаў у Карыбскім моры) праект «Dream, Dare, Do» шукае валанцёраў (-к), якія будуць праводзіць варкшопы па тэмах танцаў, тэатру, стварэння музыкі, відэа і іншых. Праект пройдзе ў ліпені.
🗓️Заяўкі прымаюцца да 21/04.

🇵🇱Дапамагаць уцекачам у Познані
На 2 месяцы вы можаце далучыцца да каманды, якая інфармуе і падтрымлівае жанчын і дзяцей-уцекачоў і ўцякачак, ладзіць моўныя клубы, дзіцячыя актыўнасці і майстар-класы. Праект будзе працаваць у ліпені-жніўні. 
🗓️Заяўкі прымаюцца да 30/04.

🇫🇷Вучыць дзяцей у французскіх Альпах
У рамках праекту трэба будзе вучыць дзяцей тэмам культурнай разнастайнасці, недыскрымінацыі, экалогіі і іншым. Праект будзе дзейнічаць 10 месяцаў з кастрычніку’24.
🗓️Заяўкі прымаюцца да 19/05.

🏠 На ўсіх праграмах ESC даюць жыллё, грошы на харчаванне і кішэнныя выдаткі. Для прагляду некаторых старонак на сайце праграмы трэба зарэгістравацца.

🗒️ Да ўдзелу запрашаюць людзей ва ўзросце ад 18 да 30 гадоў. Базавым патрабаваннем, як правіла, з’яўляецца веданне англійскай мовы.

Лекцыі, летняя школа, моладзевы абмен: новыя магчымасці для беларусаў і беларусак

Women's Question: лекцыі для беларусак
Women's Question – адукацыйна-падтрымліваючая праграма для жанчын, якія знаходзяцца ў эміграцыі або задумваюцца аб пераездзе. У рамках праграмы пройдзе цыкл анлайн-лекцый пра фінансы, кар'еру, здароўе і іншыя тэмы. Лекцыя з Львом Львоўскім пра бюджэт пройдзе ўжо заўтра.

Летняя школа па тэме еўраатлантычнай інтэграцыі
Каледж Еўропы ў Наталіне (Варшава) запрашае людзей з краін Усходняга партнёрства прыняць удзел у школе, дзе будуць абмяркоўвацца спосабы актывізаваць еўраатлантычную інтэграцыю ў час крызісаў. Запрашаюць у першую чаргу прафесіяналаў (-к) з 5 гадамі працоўнага досведу. Выдаткі, звязаныя з удзелам, пакрываюцца.
🗓️ Заяўкі прымаюцца да 26/04. Школа пройдзе 1-10 ліпеня.

Моладзевы абмен Urban Gardening 
Моладзь ва ўзросце ад 18 да 26 гадоў запрашаюць да ўдзелу ў абмене па тэме «Гарадскі сад \ агарод» у Гановеры. Таксама ўдзельнічаць будзе моладзь з Нямеччыны і Славакіі. Для ўдзелу трэба ведаць англійскую на ўзроўні ад А2. Будзе забяспечанае пражыванне. Па сканчэнні праграмы трэба будзе рэалізаваць свой праект у Беларусі.
🗓️ Заяўку трэба даслаць як мага хутчэй. Школа пройдзе 14-24 ліпеня.

#адукацыя

#што_кажуць_дэмсілы: падборка інтэрв’ю апошніх тыдняў

Вячорка: праца Офіса
У інтэрв'ю «Еўрарадыё» дарадца Ціханоўскай адказаў на прапановы змяніць каманду Офіса, расказаў пра кантакты з ААН і іншымі міжнароднымі партнёрамі, падтрымку для добраахвотнікаў ва Украіне і іншае.

Сахашчык: рызыкі новай вайны
Рэжым працягвае казаць пра магчымую вайну. Ёсць інсайды пра магчымасць нападу на краіны Балтыі. Наколькі гэта верагодна? «DW Беларусь» на гэта адказалі аналітык Рыгор Ніжнікаў і прадстаўнік Кабінета па нацбяспецы і абароне Валер Сахашчык.

Кірылюк: лабізм і імідж палітыкаў
У інтэрв'ю «Свабодзе Premium» юрыст НАУ пракаментаваў сітуацыю з гадзіннікам, расказаў пра лабізм і пра адрозненні дэмакратычных сілаў ад прадстаўнікоў рэжыма.

«Мне таксама не падабаецца»: TikTok ці ТБ-прапаганда?
У новым выпуску ток-шоу Яўгенія Сугак разам з Аленай Жываглод, Фёдарам Паўлючэнкам і Андрэем Вардамацкім абмеркавалі, што мае больш уплыву на беларускае грамадства: прапаганда ці незалежныя каналы? 

Міхаіл Жамчужны: сітуацыя ў турмах
Грамадскі актывіст і былы палітвязень у шоу «ТОК» распавёў пра той час, які правёў за кратамі. У тым ліку Міхаіл расказаў пра ўмовы, якія ствараюць для палітвязняў.

Леў Львоўскі: эканоміка Беларусі
Эканаміст BEROC у эфіры «Белсата» прааналізаваў стан эканомікі Беларусі, санкцыі, рызыкі крызісу і адказаў на іншыя пытанні.

#Адукацыя: працягваем дзяліцца магчымасцямі 

Школа народнай дыпламатыі
Народныя амбасады працягваюць цыкл лекцый у Школе дыпламатыі. Адну з лекцый правядзе Анатоль Лябедзька. Ён раскажа пра Еўрапарламент і нацыянальныя парламенты Еўропы. Таксама Анатоль распавядзе пра працу Офіса з парламентамі і пра тое, што для прасоўвання беларускага парадку дня могуць рабіць дыяспары і НКА.
🗓️ Лекцыя пройдзе ў чацвер, 18/04, а 20:00 па Мінску.

«Канфлікты на еўразійскай прасторы»: курс ад ВБЎ
На курсе Вольнага беларускага ўніверсітэта вы зможаце знайсці адказы на пытанні міжнароднай палітыкі і канфлікталогіі і зразумець складаныя працэсы, што адбываюцца на постсавецкай прасторы. Курс асінхронны, яго можна праходзіць у зручны для сябе час.
🗓️ Набор на курс адкрыты да 20/04.
 
«Political English in times of political instability»: курс ад ВБЎ
Падчас курсу можна будзе адначасова палепшыць сваю англійскую мову і паглыбіць веды ў палітыцы. Вы зможаце пашырыць слоўнікавы запас і актыўна выкарыстоўваць яго ў дыскусіях. Курс асінхронны, яго можна праходзіць у зручны для сябе час.
🗓️ Набор на курс адкрыты да 20/04.

Мы ўсе карыстаемся сацсеткамі, але імі ж карыстаюцца і сілавікі. Калі вы адміністратар (-ка) чату ці групы – або звычайны карыстальнік (-ца), трэба паклапаціцца аб сваёй бяспецы.

✔️ Instagram. Абавязкова выдаліце здымкі, па якіх можна ідэнтыфікаваць вас ці іншых людзей на пратэстах. Зачыніце профіль. Выдаліце лайкі і падпіскі, калі знаходзіцеся ў Беларусі ці плануеце паездку.

✔️ Facebook. Абмяжуйце спіс людзей, якія могуць бачыць вашую актыўнасць. Знайдзіце і выдаліце лайкі і каментары пад "палітычным" кантэнтам. Калі вы рабілі данаты праз Facebook Pay, выдаліце акаўнт.

✔️ TikTok. У наладах прыватнасці зрабіце акаўнт закрытым і схавайце спіс лайкнутых відэа. Калі вы ў Беларусі, выдаліце лайкі на небяспечным кантэнце – ці, калі ўжо паставілі шмат, выдаліце акаўнт і стварыце яго наноў.

✔️ УКантакце і Аднакласнікі. Гэтыя сацсеткі кантралююцца ФСБ і актыўна супрацоўнічаюць з рэжымам у Беларусі. Што рабіць? Выдаліце свае акаўнты, каб нават у выпадку затрымання немагчыма было ўбачыць вашыя лайкі. Калі адмініструеце групы ці паблікі ў гэтых сацсетках, рэгіструйце акаўнт на замежны нумар і карыстайцеся TOR.

Падрабязная інструкцыя па ўсіх сацсетках – у нашым вялікім гайдзе. Беражыце сябе!

#бяспека