WARTA – беларускае нацыянальнае медыя

Як Расея перапісвае гісторыю Беларусі

У распараджэньні раследвальнікаў «Бюро» зьявіліся копіі аналітычнага агляду за 2022 – 2024 гады па гістарычнай палітыцы Беларусі, падрыхтаваных Расейскім інстытутам стратэгічных даследаваньняў (РІСД).

Гэты аналітычны цэнтр пры адміністрацыі Уладзіміра Пуціна мае за мэту перапісаць мінулае Беларусі ў сваіх інтарэсах.

«В постсоветской Белорусии не выработана единая общепризнанная (даже на официальном уровне) версия национального прошлого. Существует старое разделение на «националистическую» и «западнорусскую» исторические школы, сложившееся еще в XIX веке. Государственная политика как в советское время, так и сейчас строилась на некоторой степени смешения этих версий, поэтому в ней много противоречий»

– cцьвярджае дакумэнт РІСД.

Аўтары дакумэнту намераны “вырашыць” гэтую праблему ў карысьць “западнорусизма”. На думку расейскіх аналітыкаў, у Акадэміі навук Беларусі падтрымліваецца нацыяналістычны падыход пры трактаваньні гісторыі беларускай дзяржаўнасьці, згодна з якім «беларуская нацыя сфармавалася ў адзінстве з палякамі і барацьбе з Расеяй». Таму расейцы плануюць актыўную супрацу з беларускімі гісторыкамі, якія зьяўляюцца «прадаўжальнікамі ідэй заходнерусізму і вядомыя сваёй прарасійскай арыентацыяй». Такім гісторыкам Расеяй будзе аказана фінансавая падтрымка і дапамога ў працаўладкаваньні на адказныя пазіцыі ў беларускіх гістарычных інстытуцыях.


Таксама расейскія стратэгі прапаноўваюць увесьці новае сьвята – «Дзень еднасьці». У прыватнасьці, адзначаць трэці разьдзел Рэчы Паспалітай, пасьля якога 24 кастрычніка 1795 года беларускія землі канчаткова ўвайшлі ў склад Расейскай імперыі. Паводле праэкту, "сьвята" можна адзначаць ужо ў 2025 годзе (230-годдзе гэтай падзеі) як дату,што «азнаменавала аднаўленьне гістарычнай еднасьці Беларусі з Расеяй».

Як паведамляе “Бюро”, РІСД узначальвае былы прэм’ер і кіраўнік Службы зьнешняй разьведкі Міхаіл Фрадкоў.

Азнаеміцца з дакумэнтам цалкам можна сайце “Бюро”: https://buromedia.io/be/news/istoriya-belarusi-na-rossiyskiy-lad

Калі Украіна пагодзіцца на "дрэнны мір", РФ праз 10-15 гадоў нападзе на Эўропу, — кіраўнік выведкі Чэхіі

Міхал Кудзелка заявіў, што саступкі Украіны дзеля спыненьня вайны толькі ўмацуюць Крэмль. Паводле яго слоў, Расія ўспрыме "дрэннае мірнае пагадненьне" як перамогу, патраціць 10–15 гадоў на аднаўленьне арміі і пачне пагражаць Цэнтральнай і Усходняй Еўропе.

Кудзелка падкрэсьліў, што міжнароднае права патрабуе поўнага вываду расійскіх войскаў, вяртаньня акупаваных тэрыторый і выплаты рэпарацый, але Украіна знаходзіцца пад націскам і вымушана разглядаць варыянт кампрамісу.

Расейскія акупанты актывізуюць інфармацыйную вайну супраць Беларусі

"Центральное разведывательное управление США и британская разведывательная служба MI-6 рассчитывают использовать формирование "Полк имени Калиновского" для дестабилизации в Беларуси с учетом предстоящих там выборов президента" — заявіў дырэктар Службы зьнешняй разведкі (СВР) РФ Сяргей Нарышкін, выступаючы на ​​20-м паседжаньні Нарады кіраўнікоў органаў бяспекі і разведслужбаў дзяржаў-удзельніц СНД, перадае ТАСС.

Раней падобныя тэзісы агучваліся па беларускім тэлебачаньні прапагандыстамі. Зараз стала відавочна, што гэтыя наратывы ініцыяваныя спецслужбамі Расеі.

Расейскі рубель рэзка абвальваецца

Адносна жніўня расейская валюта патаньнела адносна даляра і юаня на 24%.

Адным са штуршкоў, якія спрыялі падзеньню, сталі новыя санкцыі ЗША супраць расейскага банкаўскага сектару. На сёньня каля 94% расейскага банкаўскага сектару знаходзіцца пад санкцыямі.

З-за прывязкі беларускага рубля да расейскага, яго курс таксама рэзка абвальваецца: 1 даляр каштуе ўжо больш за 3,5 беларускіх рублёў.

Сёньня беларусы ва ўсім вольным сьвеце адзначаюць нацыянальнае свята – Дзень Герояў, 103 ўгодкі Слуцкага збройнага чына.
Узброеннае выступленьне супраць савецкай улады трымаліся цэлы месяц, але, нажаль, было задушана чырвонымі. Тым не менш Слуцкі збройны чын паказаў усяму сьвету, што беларускі народ існуе, змагаецца і жадае бачыць свой край вольным і незалежным.

Маразм акупацыйнага рэжыму ў Беларусі: 6565 матэрыялаў былі ўключаныя ў сьпіс "экстрэмісцкіх"

Аб гэтым заявіў так званы "намесьнік міністра інфармацыі" ў інтэрвію СТБ: "На сегодня в этот список включено 6565 материалов, причем хочу подчеркнуть, что треть из этого количества, порядка 2000, в данный список были включены уже в этом году, за неполный год. Это все говорит о том, что информационное давление на Беларусь не ослабевает, и говорить о какой-то расслабленности, наверное, на сегодня не приходится."

Раней у гэты сьпіс былі ўключаныя верш Янкі Купалы "Хто ты гэткі?" (1908 г.) і збор твораў класіка беларускай літаратуры Дуніна-Марцінкевіча.

Падобна, што калабаранты-чыноўнікі, каб выслужыцца перад акупантамі, гатовыя ўнесьці ў "экстрэмісцкі" сьпіс увогуле ўсё, што ёсьць у Беларусі.

Пад Вільняй грузавы самалёт упаў на жылы дом

Самалёт нямецкай кампаніі DHL пацярпеў крушэньне побач з аэрапортам Вільнюса.

На пачатку лістапада заходнія СМІ паведамлялі аб тым, што расейскія спецслужбы рыхтуюць тэракты на грузавых самалётах у Эўропе праз перасылку выбуховых прыладаў.

Вайна на зьнішчэньне Украіны: за тры гады Расея запусьціла па Украіне больш за 10 тысяч (❗️) ракет і 13 тысяч (❗️) дронаў

Затрачана на гэта было больш за $17 млрд.

"Пашанцавала" нам з суседам...

У Тбілісі паліцыя зьнесла намётавы гарадок, усталяваны прыхільнікамі апазіцыі 17 лістапада.

Удзельнікаў акцыі разагналі, некаторых затрымалі, ёсьць параненыя. Дакладная колькасьць пацярпелых невядомая. Па дадзеных «Кааліцыі за перамены», сярод затрыманых у выніку паліцэйскага гвалту кіраўнік Руставінскага выбарчага штабу Манучар Чачанідзэ і прадстаўнік кааліцыі Саба Цхвітарыдзэ з палітычнай рады партыі «Ахалі». Ён паранены і дастаўлены ў шпіталь. Таксама паліцыя затрымала аднаго тэлеапэратара.

Раней прэзідэнт Грузіі Саламэ Зурабішвілі заявіла, што будзе абскарджваць вынікі парламенцкіх выбараў у Канстытуцыйны суд.

Паводле яе слоў, яна робіць гэта таму, што хоча «выпрабаваць сумленьне тых суддзяў, якія будуць стаяць перад выбарам, якой краінай мы хочам быць і ў якім кірунку ёй рухацца».

Лукашэнка пазбавіў званьняў 21 былога сілавіка за ўдзел у падзеях 2020 году

Як паведаміла прэсавая служба дыктатара, сёньня сваім указам ён пазбавіў вайсковых і спэцыяльных званьняў 21 чалавека — былых вайскоўцаў і супрацоўнікаў сілавых ведамстваў.

У пэрыяд абвастрэньня грамадзка-палітычнай абстаноўкі ў 2020 годзе яны ўчынілі супрацьпраўныя дзеяньні, якія несумяшчальныя са статусам вайскоўца

— адзначае прэсавая служба.

Сьпіс былых вайскоўцаў, пазбаўленых званьняў пакуль не апублічваецца.

Зянон Пазьняк: "Намер прызначыць сп. Аліну Коўшык кіраўніком беларускай рэдакцыі, ня ёсьць дрэнным рашэньнем"

"Праўда, дыскусіі ўзьніклі не па сутнасьці здарэньня".

У сваем новым артыкуле палітык Зянон Пазьняк пракаментаў фактычнае закрыцьцё незалежнага тэлеканалу БЕЛСАТ:

"Белсат усё ж такі зьліквідавалі. Прытым, чамусьці, самым брутальным чынам без папярэджаньня кіраўніцтва. Здаецца што за ўсім гэтым усё ж адным бокам відаць Брусэль у працяг сваёй схаванай палітыкі супраць Беларусі. Белсат, які па пэўных парамэтрах стаіць вышэй за TVP, зрабілі рэдакцыяй польскага замежнага вяшчаньня ў TVP з абмежаваным эфірам, магчымасьцямі і скарочаным пэрсаналам.

Падрабязна аб сутнасьці пераменаў прапаную ніжэй прачытаць публікацыю пані Агнешкі Рамашэўскай, дзе апісана што сталася.

Беларусы са шкадаваньнем успрынялі гэтую падзею. Праўда, дыскусіі ўзьніклі чамусьці не па сутнасьці здарэньня, не па рэзкім зьніжэньні магчымасьцяў беларускай тэлеінфармацыі, а па асобе дырэктара рэдакцыі сп. Аліне Коўшык (якая ўваходзіла ў так званы "Пераходны кабінет" дэградуючага офісу Франака-Ціханоўскай).

Дарэчы, намер прызначыць сп. Аліну Коўшык кіраўніком беларускай рэдакцыі, ня ёсьць якраз дрэнным рашэньнем, калі думаць практычна (магло быць горай). Яна разумее і цэніць каштоўнасьць нацыянальнай культуры, мовы, гісторыі і беларускага Адраджэньня. Гэта факт. А наконт таго ці будзе ёй кіраваць Франак-Ціханоўская (як некаторыя дапускаюць), гэта мы ўбачым. Кіраўнік замежнага вяшчаньня TVP ёсьць Міхал Бранятоўскі."

Цалкам з артыкулам можна азнаёміцца на сайце БНС Вольная Беларусь: https://www.bns-volnayabelarus.org/post/pazniak-zakryccio-bielsatu