WARTA – беларускае нацыянальнае медыя

"Усе беспілотныя апараты былі збітыя, але ў выніку падзеньня абломкаў, пачаўся пажар. Сітуацыя пад кантролем" — кіраўніцтва Цьвярской вобласьці РФ.

Байца Палка Каліноўскага Яна Дзюрбейка будуць судзіць у «ДНР»

Каліновец Ян “Тромблі” Дзюрбейка ў чэрвене 2022 года трапіў у расейскі палон пад Лісічанскам. Разам з ім у палоне апынуўся яшчэ адзін ваяр, Сяргей Дзегцеў.

Сёння стала вядома, што пракуроры так званай «ДНР» накіравалі справу Яна ў суд. Яго завочна лічаць вінаватым у «наёмніцтве» (па ч. 3 ст. 359 КК РФ).

Ян Дзюрбейка знаходзіцца ва ўкраінскам сьпісе на абмен палоннымі.

У гэтыя хвіліны ў Тбілісі каля Адміністрацыі ўраду праходзіць пікет беларусаў супраць адмовы актывісту Андрэю Мялешку ва ўездзе ў краіну.

У Грузію не пускаюць вядомага беларускага журналіста і актывіста Андрэя Мялешку.

Андрэй Мялешка тры гады жыве ў Батумі, куды пераехаў з прычыны палітычных пераследаў. Яго разам з дачкой затрымалі ў аэрапорце і плануюць адправіць назад у Польшчу рэйсам у 15.40. Прычыны забароны ўезду ў Грузію не тлумачацца. Вядома, што жонка Андрэя і другое дзіця застаюцца ў Грузіі.

🎭 Тэатральная студыя «Купалінка» ў Варшаве абвяшчае набор

Варшаўская тэатральная студыя «Купалінка» абвяшчае набор на пяты сезон тэатральна-адаптацыйных заняткаў.

Мэты:
• Развіваць нацыянальную культурную спадчыну і пашыраць прастору беларушчыны
• Вучыцца публічна выступаць, асэнсавана выказваць эмоцыі, выбудоўваць артыстычную сьвядомасць
• Абуджаць уяўленьне, працаваць у групе, выбудоўваць пачуцьцё асабістай паўнавартасьці і ўпэўненасьці ў сабе, узбагачаць мову, удасканальваць музычныя здольнасьці і пластыку

За час сваёй дзейнасьці «Купалінка» разраслася да 6 групаў і больш як 60 удзельнікаў – і дзяцей, і дарослых.

• Сьветлячкі (4-8 гадоў): субота 16:00–18:00
• Купалкі (9-11 гадоў): субота 18:00–20:00
• Зорачкі (12-13 гадоў): серада 17:00–18:30; нядзеля 11:00–13:00
• Маладзік (17-17 гадоў): серада 18:30–20:00; нядзеля 11:00–13:00
• Агмень (18+): серада 20:00–21:30; нядзеля 13:00–15:00
• Маланка (14+, курс рэжысуры): нядзеля 13:00–15:00
• Заранка (16+, курс аніматара культуры): субота 20:00–21:30
• Анлайн-заняткі па сцэнічным маўленні і рэжысуры – па дамове з выкладчыкамі

• Натальля Локіць і Аляксандр Ждановіч (Маляваныч) – акторскае майстэрства, творчая апека
• Маша Пятровіч – вакал і маўленне
• Павел Гарадніцкі – сцэнічны рух
• Генадзь Гатоўчыц – рэжысура TV, Youtube, Tiktok

Тэлефон: + 48 452 71 50 53

E-mail: kupalinkawarszawa@gmail.com

Падрабязнасьці па спасылцы.

У Капылі мужчына сарваў з будынка лукашыскі сьцяг

Як паведамляе праваабарончы цэнтр Вясна, у міліцыю звярнуўся прадстаўнік адміністрацыі Капыльскага тэрытарыяльнага цэнтру сацыяльнага абслугоўваньня насельніцтва. Ён паведаміў, што з фасада будынка цэнтра зьнік чырвона-зялёны сьцяг.

На месца здарэньня выехала цэлая следча-аператыўная група з экспертамі, якія зьнялі адбіткі пальцаў з прадметаў. Пазьней быў затрыманы 30-гадовы беларус з Салігорску.

Беларуска ахвяравала вакацыямі і купіла машыну палку Каліноўскага

Пра гэты ўчынак піша Радыё Рацыя, якое паразмаўляла з дзяўчынай.

Беларуска Дар’я Каспаровіч з Бельгіі падарыла палку Каліноўскага машыну. Дзяўчына збірала грошы на вакацыі, але вырашыла, што машына для нашых ваяроў важнейшая, кажа Дар’я Каспаровіч:

— Я лічу, як беларуска, я нарадзілася ў Беларусі, я павінна дапамагаць беларусам. І паколькі я дапамагаю палку Каліноўскага, калі Украіна пераможа, гэта будзе добра для Беларусі

❗️Магчымасьць для беларускіх бацькоў і дзетак у эміграцыі: беларускамоўная анлайн-школа, якая выдае атэстаты дзяржаўнага ўзору Украіны

"Першая беларуская анлайн школа ва Украіне" запрашае вучняў з 4 па 11 класы на новы навучальны год. І гэта ўжо пяты навучальны год у гісторыі школы!

Школа была створана вядомай акторкай і салісткай гурту «Naka» Анастасіяй Шпакоўскай пасьля падзеяў 2020 году. З таго часу больш за 67 беларускіх дзяцей з усёй планеты атрымалі атэстаты аб сярэдняй адукацыі дзяржайнага ўзору Украіны. Важна адзначыць, што выпускнікі школы пасьпяхова паступаюць у ВНУ Украіны, Польшчы і іншых краінаў.

Акрамя асноўных прадметаў украінскай праграмы вучні вывучаюць:
⚪️ Беларускую мову
🔴 Беларускую літаратуру
⚪️ Гісторыю беларускага мастацтва
⚔️ Гісторыю Беларусі

Усё пабудавана такім чынам, каб захаваць нацыянальную ідэнтычнасьць і самасьвядомасьць дзяцей.

Унікальнай адметнасьцю школы з’яўляюцца беларускамоўныя "Урокі Дабрыні" з усім вядомым Маляванычам (Аляксандрам Ждановічам) — факультутыўны занятак, дзе дзеткі могуць пагрузіцца ў беларускую атмасферу ды паслухаць казкі на беларускай мове ў выкананьні вядомага актора.

▶️ Пры школе працуюць дадатковыя суботнія заняткі, дзе беларускія дзеці могуць вывучаць толькі прадметы беларускага вектара.

🌎 Школа працуе для беларускіх дзяцей з усяго свету.
Вырашае любые складанасьці з дакументамі і дапамагае нашым дзецям у любых умовах атрымліваць якасную адукацыю.

Больш падрабязна пра школу можна пачытаць на сайце: www.byschool.com.ua
альбо ў Інстаграме школы: https://www.instagram.com/byschool2020

Адказы на ўсе пытаньні і запіс да школы:
Інстаграм: https://www.instagram.com/naka_aktor
альбо
Тэлеграм: @Anastasiyanaka