❓
Жер салығын кимлер төлемейди?
✅ Салық кодексине муўапық,
жер cалығынан төмендегилер азат етиледи:
1️⃣ «Өзбекстан Қаҳарманы», Совет Аўқамы Қаҳарманы, Мийнет Қаҳарманы атақларына ийе болған, үш дәрежедеги Шухрат ордени менен сыйлықланған пуқаралар
(салық жеңиллиги атақлардың гүўалығы, дәптершеси ямаса қорғаныў бөлиминиң мағлыўматнамасы тийкарында бериледи).;
2️⃣ урыс майыплары ҳәм қатнасыўшылары, сондай-ақ оларға теңлестирилген шахслар
(салық жеңиллиги урыс қатнасыўшысының (майыбының) гүўалығы ямаса қорғаныў бөлиминиң яки басқа ўәкилликли уымның мағлыўматнамасы тийкарында бериледи);
3️⃣ I ҳәм II топар майыплығы болған шахслар
(бул жеңиллик пенсия гүўалығы ямаса медициналық-мийнет эксепрт комиссиясының (ВТЭК) мағлыўматнамасы тийкарында бериледи);
4️⃣ жалғыз пенсионерлер. Жалғыз ямаса ер жетпеген балалары менен яки майыплығы болған баласы менен бирге өз алдына үйде жасаўшы пенсионерлер жалғыз пенсионер есапланады
(бул жеңиллик пенсия гүўалығы ямаса Пенсия қорының район (қала) бөлиминиң мағлыўматнамасы ҳәм пуқаралар жыйынының мағлыўматнамасы тийкарында бериледи);
5️⃣
бағыўшысынан айырылған көп балалы шаңарақлар, яғный ата-анадан биреўи ямаса екеўи де қайтыс болған
4 ҳәм оннан артық балалары бар шанарақлар
(бул жеңиллик Пенсия қорының район (қала) бөлиминиң мағлыўматнамасы тийкарында бериледи);
6️⃣
Чернобыль АЭСдағы авария ақыбетлерин сапластырыўда қатнасқаны ушын жеңилликлер алатуғын пуқаралар, сондай-ақ ўақытша жиберилген ямаса хызмет сапарына жиберилген
(бул жеңиллик ВТЭК мағлыўматнамасы, майыплығы ҳаққындағы гүўалық, Чернобыль АЭСдағы авария ақыбетлерин сапластырыўда қатнасқаны ҳаққындағы гүўалық, сондай-ақ ўәкилликли уйымлар тәрепинен берилген басқа ҳүжжетлер тийкарында бериледи);
7️⃣ энергия ресурсларынан толық үзилген ҳалда
қуяш панеллеринен пайдаланып атырған турақ жай ийелери қуяш панеллери орнатылған күннен баслап
3 жыл мүддетке (бул жеңиллик энергия жеткерип бериўши кәрхананың мағлыўматнамасы тийкарында бериледи).
🏡
Бул жеңилликлер жеке тәртиптеги турақ жай қурыў, дийқан хожалығын алып барыў ушын берилген
жер участкаларына қолланылады. Бул шеклеў жоқарыдағы
5-бәнтте көрсетилгенлерге тәсир етпейди.❗️
Бул салық жеңиллиги пуқараның сайлаўына қарап
тек ғана бир жер участкасына қолланылады. Бул шеклеў энергия ресурсларынан толық үзилип қуяш панеллеринен пайдаланып атырған турақ жайлардың жер участкасына
тәсир етпейди.
🧾
Пуқаралар салық жеңиллигинен пайдаланыўы ушын жеңилликке болған ҳуқықты тастыйықлаўшы ҳүжжетти жер участкасы жайласқан жердеги
салық уйымына тапсырыўы лазым.
⌛️ Салық бойынша жеңиллик белгиленген жағдайда бул салық жеңилликке болған
ҳуқық пайда болған айдан баслап төленбейди.
🗓
Салық жылына тең муғдарда екиге бөлип 15-апрелге ҳәм 15-октябрге шекем
төлениўи керек.
🔔 Постты жақынларыңызға тарқатың.📨
Юристке сораў бериўКаналға ағза болың
👉@Xaliq_ushin👈🏻