Халқ билан мулоқот/ Диалог с народом

#Халқ_қабулхоналари_фаолиятидан
Давлатимиз раҳбари топшириғига асосан тузилган Республика ишчи гуруҳи ўз фаолиятини Жиззах вилоятида давом эттирмоқда.
Президент маслаҳатчиси ўринбосари – Халқ қабулхонаси раҳбари Улуғбек Муҳаммадиев бошчилигидаги ишчи гуруҳ ишсизликни камайтириш, тадбиркорларни қўллаб-қувватлаш, янги иш ўринлари яратиш мақсадида жойларда ўрганишлар олиб бормоқда.
Ўрганишлар натижасида ишсиз ҳамда оилавий даромади юқори бўлмаган хотин-қизларга ўз тадбиркорлигини бошлаш учун 75 та тикув машинаси ҳамда 4 дона пишириқ печлари “Президент совғаси” сифатида топширилди.
Бундан ташқари, масъуллар томонидан Бахмал туманида “Давлат”, “Истиқлол”, “Бахмал” каби маҳалларда якка тартибдаги тадбиркорлар фаолияти ўрганилиб, сўралган керакли амалий ёрдамлар кўрсатилди. Халқ қабулхонаси тавсияси ва кўмаги билан туманнинг 104 нафар ишсиз хотин-қизлари тикувчилик корхоналарига ишга жойлаштирилди.

#Халқ_қабулхоналари_фаолиятидан
Ўзбекистон Республикаси Президенти маслаҳатчисининг ўринбосари, Президент Халқ қабулхоналари раҳбари Улуғбек Муҳаммадиев Дўстлик туманида бўлди.
У туман маҳаллалари мутасаддилари билан учрашиб, мамлакатимизда Давлатимиз раҳбарлигида олиб борилаётган ислоҳотларнинг мазмун-моҳияти тўғрисида гаплашди.
Шунингдек, бўлиб ўтган мулоқот аҳоли хонадонларида томорқалардан унумли фойдаланиш, ишсизликка барҳам бериш, камбағалликни қисқартириш, миграция ва бошқа масалаларга бағишланди. Бу борада маҳалла мутасаддиларнинг ўрни ҳамда вазифалари нималардан иборат эканлиги айтиб ўтилди.