📖 Sherlar, Aforizmlar, Statuslar 📚

Оллох у'зи ку'лласин!

Ёмон бу'лсам, узокрок юринг,
Сизга озор етмасин.
Бемор бу'лсам, сиз табиб бу'линг,
Сизга ку'злар тегмасин.
Мен ер бу'лсам, Сиз осмон бу'линг,
Су'зим огир ботмасин.
Бахтсиз бу'лсам, сиз бахли бу'линг,
Оллох у'зи ку'лласин!
WWW.SHERLARUZ.CoM - Saytdan olindi!

Хайр...

Тополмайин сирдош дугона,
Овуняпман китоблар титиб.
Ўксинаман кўзда ёш, Она,
Мен дунёни қўйдим унутиб...

Қабоҳатли бешафқат ҳаёт,
Нишонига олган сабримни.
Ҳар қадамда душманлар, ҳайҳот,
Қазмоққа шай турар қабримни.

Санчилгандек кўксимга ҳанжар,
Куз келмайин қолганман сўлиб.
Ёзганларим бўлди бесамар,
Ёзганларим кетди соврулиб.

Кундан кунга бўғилар нафас,
Узулмоқчи япроқ бандидан,
Азоблардан тўйдим, етар, бас!
Руҳга қафас бўлмаяпти тан.

Она, сира йиғламанг бугун,
Менга бахтлар битилган, илло.
Юзларини кўрмоқлик учун,
Кетмоқдаман, хайр, Бисмилло!
WWW.SHERLARUZ.CoM - Saytdan olindi!

Аллоҳим, сен ўзинг тўғри йўл кўрсат!

Бу ёлғон дунёнинг ёлғонлари кўп,
Ёлғонига учган нодонлари кўп,
Йўлдан оздиргувчи шайтонлари кўп,
Аллоҳим, сен ўзинг тўғри йўл кўрсат!

Ҳаёсиз инсонга қилмагин ошно,
Топмадим сўзидан на мантиқ, маъно,
Уларнинг наздида девонаман, о,
Аллоҳим, сен ўзинг тўғри йўл кўрсат!

Баъзиси дўстман дер, лек ичи қора,
Мунофиқ юзини кўрсам дил пора,
Пора бўлган дилга бормукин чора?
Аллоҳим, сен ўзинг тўғри йўл кўрсат!

Мақсади йўлида айлабон макр,
Ўзига оғдириб қилганда сеҳр,
Ўйламай айтсам гар бирор бир фикр,
Аллоҳим, сен ўзинг тўғри йўл кўрсат!

Иғвогар ғийбатнинг тошин отганда,
Тошлари кўксимга келиб ботганда,
Яқин деб билганим мени сотганда,
Аллоҳим, сен ўзинг тўғри йўл кўрсат!

На инсоф, на виждон билмаганларни,
Дўст бўлиб, дўстлигин қилмаганларни,
Сезсам назарига илмаганларни,
Аллоҳим, сен ўзинг тўғри йўл кўрсат!

Гўёки муроди бўлгандек ҳосил-
Озурда кўнглимни оғритса жоҳил,
Нетай, кўз ёшларим бўлолмас далил,
Аллоҳим, сен ўзинг тўғри йўл кўрсат!

Даврада кўролмай ношукр инсон,
Йиқитмоқ уринса қидириб нуқсон,
Жаҳлнинг отига минсам гар шу он,
Аллоҳим, сен ўзинг тўғри йўл кўрсат!

Танимни қуршабон олмасдан ғафлат,
Бир умр сен учун қилайин тоат,
Тун-у кун қалбимга солиб ҳидоят,
Аллоҳим, сен ўзинг тўғри йўл кўрсат!
WWW.SHERLARUZ.CoM - Saytdan olindi!

Мани яхши кўрган одамлар!
Майли ёмғир, майли қор бўлсин,
Сиз томонга чорлар қадамлар.
Қайда бўлсин, фақат бор бўлсин,
Мани яхши кўрган одамлар!

Сиз борсизки кичик, йирикман,
Сиз борсизки билинмас камлар.
Ахир сиз туфайли тирикман,
Мани яхши кўрган одамлар!

Кўрдим қанча қайғую базм,
Қолдими мен кўрмаган дамлар!
Бугун сизга қиламан таъзим,
Мани яхши кўрган одамлар!

Майли кенгдир, майли тор бўлсин,
Сиз туфайли кўринмас ғамлар.
Қайда бўлсин, Худо ёр бўлсин,
Мани яхши кўрган одамлар!
WWW.SHERLARUZ.CoM - Saytdan olindi!

Менинг миттигина, қўғирчоқ синглим!
Менинг миттигина, қўғирчоқ синглим,
Армонлардан топган овунчоқ синглим.
Ҳар неки дард бўлса, жилмайиб енгган,
Кўзларда ёш бирла кўнгли чоғ синглим!

Тўзимлар тилайман, жонингга бугун,
Зеб берай, энг гўзал онингга бугун,
Териб борайинми, ёнингга бугун,
Февраль гулларидан бир қучоқ синглим?!

Айт, қалбинг ичинда не бор, сабрми,
Юрагинг бир осмон, дардинг абрми,
Тўлганинг йигирма, йигирма бирми,
Ишқнинг ўти бирла ёқ ўчоқ синглим!

Сен дунёга рафту-руҳшонангни тут,
Умрдан бир гулинг-нишонангни тут,
Кел ўпиб қўяйин, пешонангни тут,
Менинг миттигина, қўғирчоқ синглим!
WWW.SHERLARUZ.CoM - Saytdan olindi!

ЭЗГУЛИК
Қулоқ солинг дўстлар шу сафар,
Унутилсин бари дард, азоб.
Шукр дейлик, туриб тонг саҳар,
Яхшиликка ёзилар савоб.

Пули йўқни назарга илмай,
Даврамизга қўшмадикми ё?
Яна кимни ранжитдик билмай,
Дейдилар-ку бу қайтар Дунё!

Кимларнидир ғийбат қилибон,
Гуноҳ қилиб қўймадикмикан?
Кечирмаса гар ўша инсон,
Аллоҳим ҳам кечирмаса экан?

Эзгуликни барпо этайлик,
Ёмонликни юқтирмай дилга.
Яхши инсон бўлиб кетайлик,
Бу дунёдан сўнгги манзилга.
WWW.SHERLARUZ.CoM - Saytdan olindi!