Юрист Хизмати | Расмий канал

❗️1 майдан "свет"-газ учун янги тарифлар жорий қилинади ва ижтимоий норма жорий этилади

Ҳукумат 2 йилдан буён "ана бўлади, мана бўлади", дея кутилаётган қарорни ниҳоят қабул қилибди. Энергетика соҳасидаги нарх сиёсатини ислоҳ қилиш ҳақида аввал ҳам кўп гапирилган, лекин турли сабабларга кўра, орқага сурилиб келинаётганди.

Энди қарорга кўра, жорий йилнинг 1 майидан ижтимоий норма жорий этилади. Тўғри, қарорда айнан "ижтимоий норма" деган жумла ишлатилмаган, ўрнига “базавий меъёр механизми" дейилган. Лекин мазмуни бир хил.

❓Ижтимоий норма нима дегани?

Ижтимоий норма - бу аҳоли томонидан имтиёзли тариф бўйича тўланадиган маълум миқдордаги энергия тушунилади. Яъни, муайян белгиланган миқдоргача нисбатан пастроқ (имтиёзли) нархда сотилади, етмагани давлат бюджетидан субсидия қилинади.

Бунда тарифлар бир нечта категорияга бўлинган ва қанча ишлатилганига қараб, нархлар ҳам ўзгаради. Ким кўп ишлатса, шунча кўп тўлайди, кам ишлатганга имтиёзли нарх берилади.

💡Электр энергиясида категориялар ва нархлар қуйидагича:

👉 ойига 200 кВт·соатгача – 450 сўм;
👉 ойига 201 кВт·соатдан 1 000 кВт·соатгача – 900 сўм;
👉 ойига 1 001 кВт·соатдан 5 000 кВт·соатгача – 1 350 сўм;
👉 ойига 5 001 кВт·соатдан 10 000 кВт·соатгача – 1 575 сўм;
👉 ойига 10 000 кВт·соат ва ундан юқори – 1 800 сўмдан.

🔥Газда категориялар ва нархлар қуйидагича:

Коммунал-маиший эҳтиёжлар учун аҳолига мавсумга қараб нарх белгиланмоқда. Хусусан, қишки мавсумда (ноябрь-февраль ойлари) давомида бир ойдаги истеъмолдан келиб чиқиб тегишли нарх белгиланмоқда:

👉 ойига 500 куб метргача – 650 сўм;
👉 ойига 501 куб метрдан 2 500 куб метргача – 1 500 сўм;
👉 ойига 2 501 куб метрдан 5 000 куб метргача – 1 950 сўм;
👉 ойига 5 001 куб метрдан 10 000 куб метргача – 2 275 сўм;
👉 ойига 10 001 куб метр ва ундан юқори – 2 600 сўмдан.

Март – октябрь ойларида истеъмолчилар бир ойдаги истеъмолидан келиб чиққан ҳолда қуйидагича ҳақ тўлайди:

👉 ойига 100 куб метргача – 650 сўм;
👉 ойига 101 куб метрдан 2 500 куб метргача – 1 500 сўм;
👉 ойига 2 501 куб метрдан 5 000 куб метргача – 1 950 сўм;
👉 ойига 5 001 куб метрдан 10 000 куб метргача – 2 275 сўм;
👉 ойига 10 001 куб метр ва ундан юқори – 2 600 сўмдан.

❓Еҳтиёжманд аҳолига қандай ёрдам берилади?

Эҳтиёжманд аҳолини қўллаб–қувватлаш мақсадида давлат бюджетидан 1 трлн сўм маблағ ажратилади.

Ҳукумат қарорига кўра, эҳтиёжманд оилаларга қуйидаги 2 та ёрдам кўрсатиш назарда тутилган:

1) иситиш мавсумида (ноябрь – февраль ойларида) эҳтиёжманд оилаларга 270 минг сўм миқдорида моддий ёрдам берилади;

2) ижтимоий нормадан қуйидаги миқдоргача ошиқча ишлатилган "свет" ва газ тўлови давлат бюджетидан компенсация қилинади:

➖ табиий газ учун – ойига базавий меъёрдан ортиқ фойдаланилган 250 куб метргача;

➖ электр энергияси учун – ойига базавий меъёрдан ортиқ фойдаланилган 150 кВт·соатгача.

Манба
📩 Юристга савол юбориш

☎️ Қўнғироқ орқали юрист билан ҳозироқ онлайн боғланиш

Каналимизга уланинг
                👇👇
👉 @Yurist_Xizmati‌‌

#Биласизми

❗️Қисқартиришга тушган ходимлар имтиёзли пенсияга чиқиш ҳуқуқига эга

Пенсияга чиқишда иш стажидан ташқари ёшга оид меёр ҳам белгиланади. Умумий қоида бўйича  ёшга доир пенсия олиш ҳуқуқига:
👉 эркаклар — 60 ёшга тўлганда ва иш стажлари камида 25 йил бўлган тақдирда;
👉 аёллар — 55 ёшга тўлганда ва иш стажлари камида 20 йил бўлган тақдирда эга бўладилар.

Бу Фуқароларнинг давлат пенсия таъминоти тўғрисидаги қонуни 7-моддасида мустаҳкамланган.

Шуни айтиш керакки, Қонуннинг 14-моддасига кўра қисқартириш ҳолатлардаги эркаклар 58 ёшдан пенсияга чиқиши мумкинлиги ҳақидаги имтиёз белгиланган.

Унга кўра технологиядаги, ишлаб чиқариш ва меҳнатни ташкил этишдаги ўзгаришлар, ходимлар сони (штати) ёки иш хусусиятининг ўзгаришига олиб келган ишлар ҳажмининг қисқарганлиги ёхуд корхонанинг тугатилганлиги муносабати билан ишдан озод этилган ва ишсиз деб эътироф этилган шахслар:
👉 эркаклар — 58 ёшга тўлганда ва иш стажи камида 25 йил бўлган тақдирда;
👉 аёллар — 53 ёшга тўлганда ва иш стажи камида 20 йил бўлган тақдирда пенсия олиш ҳуқуқига эга бўладилар.

✅ Шунга кўра корхонага ходимлар сони қисқарганда ёки корхона бутунлай тугатилганда унда ишлаётган юқоридаги тоифадаги ходимлар имтиёзли равишда пенсияга чиқишга ҳақлидир.

📩 Юристга савол юбориш

☎️ Қўнғироқ орқали юрист билан ҳозироқ онлайн боғланиш

Каналимизга уланинг
                👇👇
👉 @Yurist_Xizmati‌‌

Инглиз тили ўқитувчиларига 50 фоиз устама берадиган сертификатлар РЎЙХАТИ (2024)

Ўзбекистон Республикаси Мактабгача ва мактаб таълими вазирлиги ҳамда Иқтисодиёт ва молия вазирлигининг 2023 йил “28”-июлдаги 25 қ/қ- ва 4 х/х-сон қарорларига мувофиқ, қуйидаги сертификатларнинг тегишли даражалари учун ИНГЛИЗ ТИЛИ ЎҚИТУВЧИЛАРИнинг базавий тариф ставкаларига нисбатан 50 фоизлик устамалар тўлаш белгиланган. Улар:

1. Миллий сертификат (CEFR, Multi level) - С1;
2. IELTS - 7.0;
3. TOEFL iBT - 95;
4. TOEFL ITP - 627 (Speaking - 64);
5. Cambridge Assessment English (CAE) - 180;
6. TESOL, TESL, TEFL(*вазирлик талаби);
7. CELTA (**вазирлик талаби);
8. DELTA (**вазирлик талаби) Module Pass, Pass A, Pass B;
9. TKT Module 1-2-3 - Band 3-4;
10. Linguaskill (01.08.2023 га қадар олинган) - C1;
11. Aptis (01.08.2023 га қадар олинган) - C;
12. iTEP (01.08.2023 га қадар олинган) - C1;
13. TOEIC (01.08.2023 га қадар олинган) - 1305;

* - Вазирлик томондан қарор 5-банди а ёки б талабларини бажарганда
** - Вазирлик томондан қарор 6-банди а ёки б талабларини бажарганда

☝️ Таълим соҳасида хизмат кўрсатувчи ваколатли халқаро ташкилотларнинг расмий рўйхатидан ўтган тест марказларига (authorized test centers) ташриф буюрмасдан, ташкилот вакилларининг бевосита назорати остида топширмасдан, масофадан (Home Edition, Remote testing ва бошқа) онлайн олинган сертификатлар учун УСТАМА ТЎЛАНМАЙДИ!

📩 Юристга савол юбориш

☎️ Қўнғироқ орқали юрист билан ҳозироқ онлайн боғланиш

Каналимизга уланинг
                👇👇
👉 @Yurist_Xizmati‌‌

⚡️Юрист хизмати ўз лойиҳасини янада кенгайтирди

YuristPro.uz – Онлайн Юридик хизматлар портали.

Ушбу портал орқали қуйидаги хизматларни таклиф этамиз:
➖ ҳуқуқий соҳага оид ҳар қандай масалага онлайн ва офлайн консултация олиш;
➖ адвокатлик ва медиаторлик хизматидан фойдаланиш;
➖ юридик шахс ташкил этиш, қайта ташкил этиш ва тугатиш;
➖ юридик шахсларнинг таъсис ҳужжатларини ишлаб чиқиш;
➖ шартнома лойиҳаларини тайёрлаш ва шартномаларни ҳуқуқий экспертизадан ўтказиш.

❕Алоҳида таклиф: Фирмалар билан шартнома асосида ишлашимизни маълум қиламиз.

Бизнинг жамоа малакали адвокатлар ва юристлар, профессионал медиаторлар ҳамда юридик фанлар доктори, профессорлардан ташкил топган. 

Шунингдек, Юридик Блогда кўплаб қизиқарли мақолалар, қонунчилик янгиликлари ва ўзингизни қийнаётган ҳуқуқий масалаларга жавоб топишингиз мумкин. 

👉 @Yurist_Xizmati

Ўқитувчи дарсни масъулятсизлик билан ўтса, унга қандай чора кўриш мумкин?

@Yurist_Xizmati 4482-савол:

Ассалому алайкум ота оналар укитувчининг укувчига килаётган нохаклиги куйилган нохак бахо масулиятсиз утилаётган дарслари дарс вактида телефон титкилаб утириши ва купол муомиласи устидан каерга арз килади?

ЮРИСТ ЖАВОБИ:

Мактабгача ва мактаб таълими вазирининг 2023-йил 20 - декабрдаги 565-сонли буйруғига 37-иловада тасдиқланган Умумий ўрта таълим муассасалари (айрим фанлар чуқур ўрганиладиган ихтисослаштирилган муассасалар) ходимларининг лавозим мажбуриятларига асосан ўқитувчи:

👉 дарс машғулотларини умумий ўрта таълим муассасаси раҳбарияти томонидан тасдиқланган дарс жадвали ҳамда тақвим-мавзу режа асосида олиб бориш;

👉 ўз фани бўйича белгиланган методик кунда ўзининг касбий маҳоратини ошириш мақсадида ўз устида мустақил ишлаш, илғор таълим методларини ўрганиш ва доимий равишда малакасини ошириб бориш чораларини кўриш;

👉 ўқувчилар ҳуқуқларига ва болаларни муҳофаза қилишга оид қонунчилик талабларига риоя қилиш;

👉 таълим-тарбия жараёни иштирокчиларининг шаъни, қадр-қиммати ва ишчанлик обрўсини ҳурмат қилиш каби мажбуриятларни бажариши керак.

❗️Агар ўқитувчи бу мажбуриятларни бажармаётган бўлса, унда директорга мурожаат қилиш лозим. Директор мазкур масалани кўриб чиқиб, унга нисбатан интизомий таъсир чорасини қўллашга ҳақли.

Бунда Меҳнат кодексининг 312-моддасига мувофиқ меҳнат интизомини бузганлиги учун иш берувчи ходимга қуйидаги интизомий жазо чораларини қўллашга ҳақли:
1) ҳайфсан;
2) ўртача ойлик иш ҳақининг ўттиз фоизидан кўп бўлмаган миқдорда жарима. Ички меҳнат тартиби қоидаларида ходимга ўртача ойлик иш ҳақининг эллик фоизидан кўп бўлмаган миқдорда жарима солиниши ҳоллари назарда тутилиши мумкин.
3) меҳнат шартномасини бекор қилиш.

☝️Ушбу қоиданинг мазмунига кўра ходим меҳнат интизомини бузганда унга юқоридаги таъсир чораларидан бири қўлланилади.

📩 Юристга савол юбориш

☎️ Қўнғироқ орқали юрист билан ҳозироқ онлайн боғланиш

📚Барча турдаги ҳужжатларга буюртма бериш

Каналимизга уланинг
                👇👇
👉 @Yurist_Xizmati‌‌

Отамдан қолган уйни ҳужжати йўқ, уни қандай номимизга ўтказсак бўлади?

@Yurist_Xizmati 4480-савол:

Assalomu alaykum. Meni dadam olamdan o‘tgan dadamning nomida uy mashena bor natariusga borgan edik meros rasmiyashtirgani  natarius uyning egalik huquqi yo‘qligi uchun meros huquqi ochmadi.  Biz yashab turgan uy qurilganinga 30yildan oshdi kadastr qilingan egalik huquqi yo‘q. Hozirda egalik huquqini hech qaysi tashkilot bermayabdi uy bilan mashenani dakument qilishimiz uchun nima qilishimiz kerak. Qonuniy yo‘li bo‘lsa tushuntirsangiz biz kimga uchraymiz qanday qilib dakument qilsak bo‘ladi uy bilan mashenani. Javobingiz uchun rahmat.

ЮРИСТ ЖАВОБИ:

Кўчмас мулкка бўлган ҳуқуқларни давлат рўйхатидан ўтказиш тўғрисидаги қонун 31-моддасига асосан 1998-йилнинг 1-июлидан 2021-йилнинг 1-августига қадар қабул қилинган ер участкасига бўлган ҳуқуқларни белгиловчи ҳужжатлар қуйидагилардан иборат:
👉 ер участкасига мерос қилиб қолдириладиган умрбод эгалик қилиш ҳуқуқини давлат рўйхатидан ўтказиш учун — маҳаллий давлат ҳокимияти органларининг ер участкасини бериш ҳақида ўз ваколатлари доирасида қабул қилинган қарорлари, нотариал тасдиқланган мерос қилиб олиш ҳуқуқи тўғрисидаги гувоҳнома, ушбу ҳуқуқнинг ауксионда сотиб олинганлигига асосан туман (шаҳар) ҳокими томонидан берилган давлат ордери асос бўлади.

❗️Шу қоидага кўра сизлардаги вазиятда ер участкасига нисбатан ушбу ҳуқуқларни тасдиқловчи ҳужжатлар мавжуд бўлмаса, нотариус ер участкасига нисбатан меросга бўлган ҳуқуқ тўғрисидаги гувоҳнома бера олмайди. Бу вазиятда сизлар фуқаролик судига эгалик ҳуқуқини белгилаш бўйича даъво аризаси билан мурожаат қилишингиз лозим.

Қаранг! Фуқаролик кодекси 187-моддасига мувофиқ мулкдор бўлмаган, лекин кўчмас мол-мулкка ўн беш йил давомида ёки бошқа мол-мулкка беш йил давомида ўзиники каби ҳалол, ошкора ва узлуксиз эгалик қилган шахс бу мол-мулкка мулк ҳуқуқини олади (эгалик қилиш ҳуқуқини вужудга келтирувчи муддат).

Қоиданинг мазмунига мувофиқ фуқаро ўзига тегишли бўлмаган мулкдан 15 йил давомида фойдаланса, уни эскиришга эмас, балки яхшиланишига эришса, бу мулкдан фойдаланиши ҳақида бошқалар (қўни-қўшни, МФЙ ва ҳ.к.) хабардор бўлса ва энг асосийси фойдаланиш муддати узулишсиз бўлса, (яъни 10 йил мулкдан фойдаланиб орада 1 ёки 2 йил фойдаланмай кейин яна фойдаланган бўлмаслиги) шахсда шу мулкка нисбатан мулк ҳуқуқини олиш мумкин. Мазкур кодекс 1995-йилда қабул қилинган ва шу даврдан бошлаб юзага келадиган ижтимоий муносабатларни тартибга солиб келади.

Шундай экан сиздаги вазиятда 1990-йилдан бери уйда (ҳақиқатда мулкдори бўлмаган) яшаб, ундан фойдаланиб келаётган фуқарода уйга мулк ҳуқуқини олиш мумкинлигини кўрсатади.

Энди қаранг! кўчмас ва бошқа мол-мулкка давлат рўйхатидан ўтказилиши шарт бўлган мулк ҳуқуқи ушбу мол-мулкка эгалик қилиш ҳуқуқини вужудга келтирувчи муддат туфайли олган шахсда ана шундай рўйхатдан ўтказилган пайтдан бошлаб вужудга келади. Бундан кўриниб турибдики, уйга нисбатан мулк ҳуқуқи давлат рўйхатидан ўтказилган пайтдан бошлаб вужудга келади.

☝️Ушбу модданинг тўртинчи қисмида эгалик қилиш муддатини важ қилиб келтирадиган шахс ўзи ҳуқуқий вориси бўлган шахснинг бу мол-мулкка эгалик қилиб келган барча вақтини ўзининг эгалик қилиш вақтига қўшиши мумкинлиги айтилмоқда.

💁‍♂ Қоидани қуйидаги мисол билан тушунтирамиз. Айтайлик бир фуқаро ўзиники бўлмаган уйда 2003 йилдан яшашни бошлади. Солиқларни тўлади, уйни таъмирлади, кўп меҳнат қилди ва 2010 йилда вафот эди. Ундан кейин уйда ўғли яшашда давом этди, у ҳам солиқларни тўлади, коммунал хизматлар ҳақини ҳам, қўшимча хоналар қурди ва бошқа ишларни амалга оширди. 2019 йилга келиб ўғли уйга эгалик қилиш ҳуқуқни олиш учун судга мурожаат қилди. Шунда отасининг эгалик қилган даври ўғлининг эгалик қилган даврига қўшиб ҳисобланади ва ўғлида эгалик қилиш муддати пайдо бўлади. Бунинг учун фуқаролик судига эгалик ҳуқуқини этироф этиш ҳақида ариза билан мурожаат қилиш лозим.

✅ Шунга кўра сиз ҳам юқоридаги асосларга биноан судга даъво қилишингиз керак деб ҳисоблаймиз.

📩 Юристга савол юбориш

Каналимизга уланинг
                👇👇
👉 @Yurist_Xizmati‌‌

❗️Мактабларда ўқитувчилар ўртасида навбатчилик шакллантирилиши қонунийми?

@Yurist_Xizmati 4412-савол:

Assalomu aleykum meni murojatim shundan iboratki man maktabda fan o‘qituvchisi bo‘lib ishlab kelmoqdaman maktada dars kamligi un boshqa maktabda xam o‘rindoshlik vazfasida ishlab ro‘zg‘or tebratyapman shu ishlar ichida asosiy maktabimda navbatchilik qilish muammosi juda ko‘p bo‘lyapti men turolmayman vaqtim yo‘q desam bu majburiy adliyadan tasdiqlatib keldik deyishdi 206 - modda bekor qilingan deb aytishyapti xam bu rostan xam majburiymi shuni qonunniy isbotlashimga amaliy yordam berila javob un oldindan raxmat

ЮРИСТ ЖАВОБИ:

❌ Ўқитувчиларга навбатчилик қилиш мажбуриятини юклашнинг ўзи нотўғри.

Чунки Мактабгача ва мактаб таълими вазирининг 2023-йил 20 - декабрдаги 565-сонли буйруғига 37-иловада тасдиқланган Умумий ўрта таълим муассасалари (айрим фанлар чуқур ўрганиладиган ихтисослаштирилган муассасалар) ходимларининг лавозим мажбуриятларига асосан ўқитувчининг лавозим мажбуриятлари ичида бундай мажбурият йўқ.

🚫 Демак, бу ҳолатда иш берувчи ходимга бу мажбуриятни юклаши ҳуқуқий жиҳатдан асосга эга эмас.

Меҳнат кодекси кодекс 115-моддасига кўра иш берувчи ходимдан қуйидагиларни талаб қилишга ҳақли эмас:
🚫 агар ушбу Кодексда ва бошқа қонунда бошқача қоидалар белгиланмаган бўлса, меҳнат шартномасида шарт қилиб кўрсатилмаган ишни бажаришни;
🚫 қонунга хилоф бўлган, ходимнинг ёки бошқа шахсларнинг ҳуқуқларини бузадиган, ҳаёти ва соғлиғини хавф остига қўядиган, уларнинг шаъни, қадр-қиммати ҳамда ишчанлик обрўсига путур етказадиган ҳаракатларни амалга оширишни.

❌ Бундан кўриниб турибдики, иш берувчи ўқитувчиларга уларнинг меҳнат вазифангиздан бошқа ишни буюриши қонунан таъқиқланади.

❗️Бундай вазиятларда иш берувчига нисбатан Маъмурий жавобгарлик тўғрисидаги кодекс 49-моддаси билан (яъни мансабдор шахс томонидан меҳнат ва меҳнатни муҳофаза қилиш тўғрисидаги қонун ҳужжатларини бузиш) базавий ҳисоблаш миқдорининг беш бараваридан ўн бараваригача миқдорда жарима солишга сабаб бўлади.

❌ Шунга кўра мактабда ўқитувчилар ўртасида навбатчиликни шакллантириш ноқонуний ҳисобланади.

📩 Юристга савол юбориш

☎️ Қўнғироқ орқали юрист билан ҳозироқ онлайн боғланиш

📚Барча турдаги ҳужжатларга буюртма бериш

Каналимизга уланинг
                👇👇
👉 @Yurist_Xizmati‌‌