𝚉𝙷𝙰𝙺𝚄𝚃𝚃𝚈𝙼

Ағару
Самайға ақ кіріп еді, мұрт та ағара бастады. Ұялған ұрыдай болып қастың бір талы да ағарыпты.
Сөйте -сөйте... Сүйек те ағарады-ау... Несіне тырбаңдаймыз.
Бəрі де өтеді.
Өтпейтін тек уақыт қана.
Адамдар: «Уақыт өтіп барады», – деп өкінеді. Шынында өтіп бара жатқан уақыт емес, өмір өтіп барады.

Ал уақыттың басы да жоқ, аяғы да жоқ.
Уақытты жылға, айға, сағатқа, минөтке, секөнтке, ғасырға бөліп жүрген адамдар ғой.
Уақыт – мəңгілік. Мəңгілік басталмайды да, аяқталмайды да. Бəрін бір Алла біледі.
Алла білімі шексіз.
Білімі шектеулі адамдар.
Бір кем дүние.

НАМАЗ ОҚЫМАЙ КЕТКЕН МЕНІҢ БАУЫРЫМ!

Сен мешітке баратын жолды қай жолға айырбастадың ?

Мүмкін түнгі клуб па екен, мүмкін ұятсыз, пайдасыз бір отырЫстарға алып баратын жол ма екен?

Азанның дауысын, сені құтылуға шақыратын дауысты қандай дауысқа айырбастадың?

Фатиха сүресінің орнына қандай әуен шырқап жүрсің?

Алла тағаланы еске алатын мәжілістертерді, Алла тағаланы еске алатын отырыстарды қандай отырыстарға айырбастадың?

Сахабалардың аттарын, жәннатпен сүйіншіленген 10 сахаба ,басқа да сахабалардың аттарын ұмытып, кімдердің аттарын жаттап жүрсің ?

Алламен оңаша қалуды тастап, кіммен оңаша қалып жүрсің ?

Сенің қылып жатқан айырбастауың - әсте сені жеңіске жетелейтін саған пайда болатын нәрсе емес қой?

Жайнамазыңды қолыңа алда, Аллахым кешір де да, қайтадан тәубеңе келіп намазға тұр, Алла кешіреді, Алла жүректі тазартады, қараңғы бөлмеге кірген кезде қалай сіз светті жағасыз сол кезде нұр болып қалай жарқылдай түседі?

Алла сіздің жүрегіңізді бірден солай ағартуға күш құдіреті жеткілікті. Алланың алдында дұға қылыңыз, Я Алла, міне мен келдім, Сенің алдындамын, барар жерім жоқ, қайтар жерім Сен жақ, есігіңді қағып тұрмын , мені кешіре көрші, себебі Сенен басқа мені ешкім кешіре алмайды, мен Саған мұтажбын» деп айт! Алла сені кешіреді, ин шаа Алла....

✏Ұстаз Елдос Қуандықұлы уағызынан үзінді.

Бейсен Құранбек.
Отбасының 7 қағидасы.
Yйленетін кезімізде отбасының 7 қағидасын жасадық;

✅ Сыйластық бірінші кезекте тұру керек. «Үйленген күннен бастап мені «сіз» дейсің» дедім. Бастапқыда «сіз» дегені құлаққа түрпідей естіліп, күлкіге көміліп қалғам. Он бес жылдан бері «сіз» деген сөз отбасымыздың татулығының тірегіне айналды. Достарымның әйелдері біреуі 5 жылдан соң, біреуі 8 жылдан соң, біреуі 10 жылдан кейін күйеулерін «сіз» дей бастады. Анасы әкесін «сіз» деп сыйлап тұрса, бала да әкесін құрметтейтінін түсінді;

✅ Сенің ата-анаң – менің ата-анам, менің ата-анам – сенің ата-анаң. Балдызыма ақыл айтсам, туған қарындасыма айтқандай айтам, келіншегім қайнысына ұрысса, туған інісіне ұрысқандай ұрысады;

✅ Қандай сыйлы қонақ келсе де,үйімізге ішімдік кіргізбейміз;

✅ Балаларымызды мектепке дейін хан сияқты сыйлаймыз, мектеп кезінде шәкірт сияқты тәрбиелейміз, мектептен соң дос сияқты сырлас боламыз, бірақ ақыл айтпаймыз;

✅ Ренжісіп қалсақ, 5 минуттан соң сөйлесеміз. «Жақсы адамның ашуы шәйі орамал кепкенше, жаман адамның ашуы басы жерге жеткенше». Біреуіміз қылт етсек, екіншіміз уақыт санап отырамыз;

✅ Біздің үйде ер-азамат есеп бермейді, телефон соғып: «Қайда жүрсің? Қашан келесің?» – деген сұрақ қойылмайды. Кейбір достарымның әйелдері телефонмен: «Қайда жүрсің қаңғырып?» – деп жатқанын естігенде, телефоны болмаған біздің ата-бабалар не деген бақытты деп ойлаймын;

✅ Ешқашан ажыраспаймыз. Маған әйел табылады, оған күйеу табылар, ал балаларға бөтен біреу әке-шеше бола алмайды.