استشهاد الامام الحسن


يارياح اهناك وصلي سلامي
للبقيع اتروح يسكنها امامي

بكل بساطة رايدك توصل سلامي الكبره
ريت اصير ابلا نضر ولا صد اله ابلا حضره
الفاتحه اقرها (ابحنينك)بنيابه عني
وموا شمع هاك الجفوف اعلك اصابع عشره

ابلا امر يا ريح انقله كلامي
للبقيع اتروح يسكنها امامي

سريتي الذاتيه وصلها اله ابكل صوره
يحتضر عقلي اذا اشتاكيت مره ازوره
وحسرت المشتاك شجره وانكطع عنه الماي
هواي عتمت روحي مشتاكه يشعها نوره

كله بلگي ايكول يضوي عن ضلامي
للبقيع اتروح يسكنها امامي

من هوايه إنته هل مكتوب اخذ اجاره
المهم مرسالي يوصل للبقيع اخباره
ضحه كلشي من اجلهم ألحسن امامي
ابيا ذنب كبره يَريح ايضل بلا مناره

ضحه بغله اشياء منهه الجبد دامي
للبقيع اتروح يسكنها امامي

كله متغيره المسافه ولا يهمه دربك
المهم عنده تكله بكلبه عايش حبك
لوا يدور الدنيه كلها وللكواكب يصعد
كله صعبه يلكه واحد عنده طيبت كلبك


منل إلف للياء وصل كل غرامي
للبقيع اتروح يسكنها امامي

واقره اله اباخر سطر من عندي الف تحيه
الف شكراً سيدي علي مشت سبيه
وعله صينت العرس اوكف انه محني الراس
وعله جويات الجمر وعله اذن رقيه

ابكربله المرسال امسك بي ختامي
للبقيع اتروح يسكنها امامي

براء العبيدي