يمك انه ابلوعه مختنگه
وتدري اموتن بويه بالفرگه
ابهظم تاخذ روحي كل شهگه بويه من تروح
ـــــــــــــــــــــــــــــــــــــــــــ
تدري انفاسي انته ماطول بلياك
ياعزيز الزهره بويه وحگي انعاك
بويه باوعلي ارد اشبع عيني بضواك
عله ام حسن ما ينحمل يابويه فرگاك
كلبي موجوع ابكثر ظيمه
يارسول الله العلي خيمه
ابني كوخ النوحي بالهيمه بويه من تروح
ـــــــــــــــــــــــــــــــــــــــــــ
هاا يبعد الما يسكتن لمن اتروح
ابيتي كل مگعاد الك ظل عطرك ايفوح
راح اكظي انهاري ويه اليل الك نوح
وگلبي المفارگ حنانك يبقي مجروح
تمل حتي الناس من وني
وما اكفن لو غبت عني
لحد موتي امعاهده ابحزني بويه من تروح
ـــــــــــــــــــــــــــــــــــــــــــ
بويه ياغيمه وفه التمطر محنه
اهل بيتك احنه بويه وانته اهلنه
بالكساء ابداري اذكر من تلمنه
من تروح الوادم اطشر شملنه
انه بنتك بويه ياطاهه
يرضي الله الراد يرظاهه
البيهه رب العرش يتباهه بويه من تروح
ـــــــــــــــــــــــــــــــــــــــــــ
وابونيني اعليك حته الصخر فتت
ودمعي مايسكت لمن اگليبي يسكت
اگبال عينك بويه فاطم ليك حنت
ريت بمشابك وداعك روحي طلعت
ريت يسكت گلبي وي نبظه
وما اعيش ابفرگتك لحظه
وما اظلن لليتم عرظه بويه من تروح
ـــــــــــــــــــــــــــــــــــــــــــ
گلبي نار عليك ما يخمد لهيبه
ياحبيب الله انته يلعايف حبيبه
من تروح انعيش انواع المصيبه
ابوسط دار ابنيتك وتصبح غريبه
دهري يخلص يشبه الشمعه
وعمري يگصر ويه كل دمعه
هذة حال ابنيتك البضعه بويه من تروح
ـــــــــــــــــــــــــــــــــــــــــــ
بيه گايلي اشيصير ابگلب موجور
النار تحرك باب مسكن سورة النور
اموصه حيدر يسكت من الباري مجبور
وعليه مكتوب انه اجيك ابظلع مكسور
الخدة ياذيي دمعته اتلجمه
والمنكسر يختنگ بالنسمه
هيج اموتن انه بالهظمه بويه من تروح
علي الحميداوي
وتدري اموتن بويه بالفرگه
ابهظم تاخذ روحي كل شهگه بويه من تروح
ـــــــــــــــــــــــــــــــــــــــــــ
تدري انفاسي انته ماطول بلياك
ياعزيز الزهره بويه وحگي انعاك
بويه باوعلي ارد اشبع عيني بضواك
عله ام حسن ما ينحمل يابويه فرگاك
كلبي موجوع ابكثر ظيمه
يارسول الله العلي خيمه
ابني كوخ النوحي بالهيمه بويه من تروح
ـــــــــــــــــــــــــــــــــــــــــــ
هاا يبعد الما يسكتن لمن اتروح
ابيتي كل مگعاد الك ظل عطرك ايفوح
راح اكظي انهاري ويه اليل الك نوح
وگلبي المفارگ حنانك يبقي مجروح
تمل حتي الناس من وني
وما اكفن لو غبت عني
لحد موتي امعاهده ابحزني بويه من تروح
ـــــــــــــــــــــــــــــــــــــــــــ
بويه ياغيمه وفه التمطر محنه
اهل بيتك احنه بويه وانته اهلنه
بالكساء ابداري اذكر من تلمنه
من تروح الوادم اطشر شملنه
انه بنتك بويه ياطاهه
يرضي الله الراد يرظاهه
البيهه رب العرش يتباهه بويه من تروح
ـــــــــــــــــــــــــــــــــــــــــــ
وابونيني اعليك حته الصخر فتت
ودمعي مايسكت لمن اگليبي يسكت
اگبال عينك بويه فاطم ليك حنت
ريت بمشابك وداعك روحي طلعت
ريت يسكت گلبي وي نبظه
وما اعيش ابفرگتك لحظه
وما اظلن لليتم عرظه بويه من تروح
ـــــــــــــــــــــــــــــــــــــــــــ
گلبي نار عليك ما يخمد لهيبه
ياحبيب الله انته يلعايف حبيبه
من تروح انعيش انواع المصيبه
ابوسط دار ابنيتك وتصبح غريبه
دهري يخلص يشبه الشمعه
وعمري يگصر ويه كل دمعه
هذة حال ابنيتك البضعه بويه من تروح
ـــــــــــــــــــــــــــــــــــــــــــ
بيه گايلي اشيصير ابگلب موجور
النار تحرك باب مسكن سورة النور
اموصه حيدر يسكت من الباري مجبور
وعليه مكتوب انه اجيك ابظلع مكسور
الخدة ياذيي دمعته اتلجمه
والمنكسر يختنگ بالنسمه
هيج اموتن انه بالهظمه بويه من تروح
علي الحميداوي