قناة الشاعر الحسيني علي مظلوم الجناحي

وين عايفني ورحت وين الحنان
بات بعيوني الدمع راح الامان
بويه طالت سفرتك ليش عايف وردتك
وين الحنان
******
بويه ياوجه الصبح غيابك اللحظه بجرح
ليلي مايعرف صبح جروحي تدي
اسأل ومحد يرد انه مو مالت بعد
من العطش بعدك اشد مرد چبدي
زغيره ونضر للخيم نار وخيول وزلم
ردلي بجدامي ألم ذاب جلدي
وين افر يالكتر الگاع متروسه جمر
بس اصيحن انسطر فوگ خدي

چنت اخاف واركض بحظنك اطيح
هسه ع التربان وجروحي تصيح
وين راحت شبگتك ليش عايف وردتك
وين الحنان

اركض ودمي يصب وين ماروح انضرب
ليش ترجيه انسلب مو زغيره
المثلي ماتعرف تون تگوم من حضن لحضن
حضن ابوهه الهه وطن وهيه اميره
تعيش دوم مدلله زغيره والهه منزله
ماتظل معلعله تحير حيره
بين اهله ماتحس تغيب لوتطلع شمس
محد يمرهه ويمس ويالعشيره

وين ألمن التجي وياهو انتخيه
وماكو خير بالوجوه واعتنيه
لمحه لوصد نضرتك ليش عايف ورتك
وين الحنان

خدي بيه دم ودمع بويه سلابي طمع
جفه بخدودي انطبع بويه سبني
بويه كلمن تنهضم تشكي ابوهه من الالم
هذا طكاني وشتم وذاك جرني
تروح شوغته بحضن يمسح دموع الجفن
يگله يبنيتي ويحن ليه ادني
تشعر بحضنه الامان تشمه وتشبگه بحنان
ع الوجه بسمه تبان يگلهه امني

عگب حضنك مايصح والگه دفو
وين احصل مااظن مثلك ابو
وين ألكه بشيمتك ليش عايف ورتك
وين الحنان

السوط بمتوني اكل دمي من اذني نزل
ثوبي نار ومشتعل راح خدري
بويه لوصيحن چنت گبل مااحجي شردت
بويه بس ماكملت تگلي أمري
صدگ تنساني شعجب انخه وعيوني تصب
ترضه تالي انسلب بيه تدري
تدري ليلي مانمت بحظن عمتي وماكلت
حضرو نوگ سمعت بينه تسري

نوگ هزل حضرو باچر رحيل
وچتفونه بالحبل والدم يسيل
وانه انطر ردتك ليش عايف ورتك
وين الحنان


زغيره مومالت سبي وجهي من لون العبي
غربه والحادي اجنبي وين عمي
امشي وي موتي سوه السوط بمتوني ألتوه
والله يلجمني الهوه يجري دمي
الليل يگضي ع الترب والدمع سكته يصب
بحضن امي وانضرب انه وامي
گمت اخاف من الصبح تصير كل ديره جرح
نضرت الوادم رمح بينه ترمي

سوگ دخلوهم امر حادي الضعون
واشد من السيف نضرات العيون
كلشي غربه بغيبتك ليش عايف ورتك
وين الحنان


انشد ومحد يرد واحسب ايام البعد
ديره ديره بالنشد دمعي جاري
وين ابوي شعطله سكت كلمن اسأله
يصير ظل بكربله الله داري
ابد ماصدگ نسه وبيه مامر چم مسه
جرح يومي اتنفسه بأنتظاري
بس احسنه قريب ويسمع الون والنحيب
ليش اصيحه ومايجيب يطفي ناري

رت اشمك بويه بس هذا ردت
شلون اشبگك وانته بس راس بطشت
الموت اجاني بردتك ليش عايف ورتك
وين الحنان


علي الجناحي
@Ali_aLgenaih

عمه لكربله مر بالقافله
ارد اگله العباس ماحنت زينب راس
عمه لكربله
***************
حادي الضعون..خل يمرني بالكفل
لنور العيون..الخاف من عنده الاجل
ظل يگولون..راح عباس ورحل
ذلي يردون..وانه اختك يالبطل

لاويت الزمن ذليت المحن
حارت بصبري الناس ماحنت زينب راس
عمه لكربله
***********

صح سبيه..وحدي ماعندي ولي
بس ابيه..وانه بت حيدر علي
المر عليه..صعبه حرمه وتنولي
هاشميه..ودار كل زودك ألي

ماشافو دمع لاذل وفجع
وسفه اذل يم ارجاس ماحنت زينب راس
عمه لكربله
*********

صال صبري..مثل صولاتك صلت
ظلم دهري..عليه انه تعلمت
جروح صدري..انسه لوشامت شفت
ذاك گدري..وسفه عن گدري انزلت

رحت بهيبتي چني ويخوتي
شلون اخيتك تنجاس ماحنت زينب راس
عمه لكربله
********

الدنيه اذلهه..ألهه ماطخ هامتي
عداك كلهه..زلزلتهه بچلمتي
جان املهه..تذلني ساعة محنتي
صبري ذلهه..ورجفت لظل ناگتي

الجدهه النبي وخت الطالبي
الفخر بيهه انقاس ماحنت زينب راس
عمه لكربله
*******

بمجلس زياد..رايه دگيت بفخر
وانتم ابعاد..ظنه زينب تنكسر
نبقه السياد..صحت ماتمحي الذكر
عمرك اعداد..وحسب ايام العمر

كل جمعك فند نبقه للأبد
ويه شم الانفاس ماحنت زينب راس
عمه لكربله
*******

لثوره حسين..كملت خويه البداه
ضحه البنين..مولجل كرسي ولجاه
دمه للدين..وضحت ألمن فداه
تعنه للبين..لجل دين الله وحياه

للدين النحر مابيع كفر
بالدمه ثبت ساس ماحنت زينب راس
عمه لكربله


علي الجناحي
@Ali_aLgenaih

يالسجاد اتشوف الصار وگلبك يلهب صاير نار
تشوف وتسمع عينك تدمع
يالسجاد تشوف الصار
***
تصد لكربله ونتضر وعيونك تشوف الصار
تشوف شلون من هجمو بقيت بعلتك محتار
جثث ظلت عله الغبره تشوف بعينك الانصار
عليل وتسمع الوالي دليلك مستعر بالنار

ماعنده والي وناصر تنهضله بس ماگادر
محد يفزع عينك تدمع
يالسجاد تشوف الصار

اشلون من شفت الگمر طايح بلايه ازنوده
طايح چفيل العايله وتبده شوفه وجوده
وطفال صاحت والحرم وين اليحامي احدوده
وحسين من طاح الگمر غطت دمعته اخدوده

حسين مكسور الظهر لمن رجع من النهر
بگلب مصدع عينك تدمع
يالسجاد تشوف الصار

شفت الولي لمن رجع بعيونك تصد حسين
عبدالله بيده منذبح والنحر صاير نصين
مذبوح اخيك بالسهم مارحم بيه سهم البين
ومدهوشه امه تنضره والدمع يحچي من العين

مصيوب اخيك بالسهم ألمن تون ألمن تهم
الصبر شينفع عينك تدمع
يالسجاد تشوف الصار

اشلون من شفت المهر خالي ويخط بعنانه
تسمع ونينه لوسكت ماتدري وين مجانه
من شفت راسه ع الرمح وهجمو اجو عدوانه
من الخيم لاحك حرگ حين حرگو صيونه

ألمن تحشم وتصيح تنهض وعالگاع اطيح
روحك تطلع عينك تدمع
يالسجاد تشوف الصار

اشلون من شفت الحرم بعينك تصد مرعوبه
وزينب تصدهه محيره ونار بخيم مضروبه
وترجيت اختك شاهدت من الأذن مسلوبه
وحسين محزوز النحر سلبو تنضر ثوبه

بالخيل داسو صدره مطروح فوگ الغبره
جسمه موزع عينك تدمع
يالسجاد تشوف الصار

من جتف اديها الحبل لاوين وديت النظر
يسبوها زينب بت علي ومايدري كفال الخدر
وحده لوحده تچتفن والضعن حاديه الشمر
ع الهزل صعدن بالضرب وزينب تصد كتر النهر

تصد ودمعها اداريه محتاره ياهو تباريه
حيره شتجمع عينك تدمع
يالسجاد تشوف الصار

اشلون من سار الضعن وروس الاهل مرفوعه
برماح گدامك تصد ويمك نسه مفجوعه
ونين اطفال وبجي تخفي وتضم يالوعه
وشمات متروس الدرب طول الدرب مزروعه

حچي الشماته اليكتل گلبك اذيه شيحمل
بالمر تجرع عينك تدمع
يالسجاد تشوف الصار

اشلون من طب الضعن لمجلس يزيد وتنضر
راس الحسين البلطشت ويضرب تشوف المنحر
شامت يسألك ع الولي عالبقه جسمه موذر
وزينب تصدلهه الزلم وعينك تشوف المنضر

زينب تطب بديوان ذيچ الخدرهه عنوان
شبيدك يطلع عينك تدمع
يالسجاد تشوف الصار


علي الجناحي

@Ali_aLgenaih

ارد اجيك بطلبتي انه سوده صفحتي
رايد ادليني دربك وانجه يحسين
****
ارد اجيلك وعتنيلك دمعتي اتصب
وادري بابك ماتسده بوجه مذنب
صفحتي موﻻي سوده منهه ششطب
غير دربك مااخلص ماكو مهرب

انته يالكلك ستر بيك ذنبي ينغفر
والله من كلبي احبك والله يحسين
*
دفتري اسود اعرفه وكلشي سجل
كل زغيره وكل جبيره عليهه أسأل
وانته باب الله الوسيع ويمك انزل
حاشه تتركني اضيع وحاشه انذل

واكف ابابك اسير انته ابوقلب الجبير
كل امان الدنيه كربك ادري يحسين
*
الدنيه غرتني وذنوبي بلاعذر جيت
من بعيد ومستحي لاما تدنيت
شلون اطب لحضرتك ياصاحب البيت
ادعي تقبلني ازور شكد تمنيت

اندعياك من بعيد مستحي وعذري شفيد
رايد ترويني عذبك ضامي يحسين
****
واكف ادعيلك وانحب دمعي يجري
يجوز وجهك عني درته هذا قدري
ادري مااسوه نضرتك والله ادري
بس عليك دموع زينب ضاع عمري

خذني يمك لااضيع انته باب الله الوسيع
ياكريم وهذا طبعك دوم يحسين
*
خذني من ايدي تره الدنيه خذتني
ألمن اتوجه اذا انته عفتني
كون ماترحمني وبنضره شملتني
ابابك ابقه بذلتي وحملي ع متني

والله لوكل العمر ابابك ابقه منتضر
عمري اكضيه عله بابك ارضه يحسين
**
كون تقبل خادم وانذر حياتي
هالشرف احلم انوله وأمنياتي
بلكي امحي ذنوبي وتغير صفاتي
انه بالخدمه اريد يحل مماتي

لواموت بخدمتك انحسب من شيعتك
ماترد كلمن يطلبك حاشه يحسين


علي الجناحي
@Ali_aLgenaih

بسم الله الرحمن الرحيم
*************
معذور مايدري الگمر لوين وداهه الدهر
تبات بخرايب عگب الحبايب
زينب وحيده
*************************
مايدري عباس الگمر حال العقيـــــــله
مهضومه والمدمع دمه گامت تسيـــــله
مجتوفه تصعد عالهزل ماعدهه حيــــله
ماتحتمل فرگه الاهل كلش ثجيـــــــــله

وداهه لوين الوكت مدمعهه مابطل يكت
كل ظنهه خايب عگب الحبايب
زينب وحيده

متكلفه بيتام اصبحت بيد السبـــــوهه
محتاره المن تلتفت لمن خـــــــــــــذوهه
تربي الضعن لمن مشه الحادي وحدوهه
اطفال خاف من الهزل لو وكعــــــــــوهه

مربيه عين عله الهزل لايوگع بغفله طفل
واليهه غايب عگب الحبايب
زينب وحيده

ساعه العليل تناضر وساعه اليتــــــــامه
والصوط بيه من الضرب تارك عــــــــلامه
والشامت بعينه اسهام گام يتـــــــــــرامه
والخله ونتهه تزيد حجي المــــــــــــلامه

تلجمهه تاذيهه الناس لوحچو بسم العباس
فوگ الترايب عگب الحبايب
زينب وحيده

شلون حاديه الضعن للكوفه جـــــــــــابه
وخلاهه زينب والحرم وسط الخــــــرابه
نادت ومدمعهه يهل مثل السحــــــــــــابه
اليفكد اخوانه بشدد يكتل عــــــــــــذابه

مهيوبه چانت وام خدر تاليه يسبيه الشمر
وين الاطايب عگب الحبايب
زينب وحيده


زينب تشاهد من اجت والوجه حــــــاير
بسراهه لمن طالبت ذيج العشــــــــــاير
وتشوفهن لمن مشن والكلب فــــــــــاير
وجل ليل وحدتهه بهضم والحزن دايـــر

ظلت وحيده وتنتضر بلكن عشيرتهه تمر
والگلب ذايب عگب الحبايب
زينب وحيده

بالغربه لاحيل البقه والوجه ذابــــــــــل
وذيج الرسوم اتغيرت والدمع سايـــــل
تسأله عن زينب هند ام الاصايـــــــــــل
فر بيهه دولاب الزمن والوكت مايــــــل

ضيعت زينب مادرت ذيچ الرسوم تغيرت
شافت مصايب عگب الحبايب
زينب وحيده

للطاغي ودوه الضعن ودتهه الايــــــــــام
وفرحان من طب الضعن ومعيد الشــــام
مجتوفه والمجلس نضر يانضرته اسهــام
وحسين راسه بالطشت وتصــــــدله بالام

ينشده وزيد الالم وين اخوتچ وين العلم
وين الگرايب عگب الحبايب
زينب وحيده


علي الجناحي

@Ali_aLgenaih

بسم الله الرحمن الرحيم
***************
ياعزي ودلالي اجيت اشكي الجرالي
اجيتك ياولينه طحت وحنه انولينه
اجيت اشكي الجرالي
***************************
اجيتك والكلب ذايب بــــــــــــهمومي مثل شمعه
وروحي لشوفك اشتاكت وعيـــــني تسأل الدمعه
اعثر بالجدم ونهض وعليه ضـــــــــاكت الوسعه
اشم اترابك واصرخ يخويه الراح شـــــــــيرجعه

احجيلك مصابي وبث همي وعذابي
اشكيلك سبينه طحت وحنه انولينه
اجيت اشكي الجرالي

احس بركان دلالي ويسعر بـــــــــالضلع جمري
ماتنهض تشوف اختك اسوه مـــــن رحت دهري
هاك انضر لمتني وشــــــوف ورم والدمه يجري
منهو الغيرك اشكيله وانته تكــــــــــــفلت خدري

ياكافل ضعوني صحت لمن اجوني
انادي وماتجينه طحت وحنه انولينه
اجيت اشكي الجرالي

الاخت لوحشمت خويه اخوهه بـــزود يحضرهه
يوكف بالشدايد دوم يصير العــــــــون تجوه الهه
صحت من فرت ايتامي خويه احـــــــضر يكافلهه
وينك يالكلت بحماك تعال لــــــــــــــزينب ومرهه

محتاره بيتامه وهضم حجي الملامه
مايفزعلي وينه طحت وحنه انولينه
اجيت اشكي الجرالي

صعدت عله الهزل وذكر أيــــــــــام الخدر ونحب
وذكرتك من جنت عباس تثني ركبـــــــتك وركب
امشي بزودك بهيبه وهسه مكيــــــــــــــده ونسب
وجنت بس الهوه يمرني وهسه متوني دم اتصب

بدموعي نخيتك ونطر خويه جيتك
يالبيك احتمينه طحت وحنه انولينه
اجيت اشكي الجرالي

اصعد بالهزل عباس مــــــــــــــــن ديره لعد ديره
افتر والعده حادي وحـــــــــــــــدي تحيرت حيره
استر وجهي بجفوفي ويصعـــــب كسري تجبيره
والشامت اسمعه ايكول عافـــــج وينه ابو الغيره

ياذوني اليشمتون عنك من يسألون
ويالشامت مشينه طحت وحنه انولينه
اجيت اشكي الجرالي

بسمي نادو بمجلس وعيـــــــــــــــون الزلم تنضر
كل نضره بسهم عباس جــــــــــــــن بركبتي ينحر
صحت يالي حضرت يونس تعـــال لزينب واحضر عزيزة كلبك الديوان طبت يــــــــــــــــابطل خيبر

يالتكضي الشدايد الضعن كفاله رايد
بالمحنه يعــــينه طحت وحنه انولينه
اجيت اشكي الجرالي

ابد ماحسبت خويه افكـــــــــــــــدك بالشدد عباس
وانه بخوتك للدوم مــــــــــــــــــــاذل واطخ الرس
منو مثلي يمرهه الضيم وخوهه للــــــوفه مقياس
ومنو مثلي اخو عدهه مثـــــــــلك ياابو النوماس

مــــاجان عالبالي اظـــــل بلايه والي
مفجوعه وحزينه طحت وحنه انولينه
اجيت اشكي الجرالي

اليفگدله عزيز بيوم يبجيله ويـــــــــــــصب دمعه
هم سامع يخويه بيوم مفجوع البجي تمـــــــــــنعه
منعوني البجي والنوح وداري خافن اتسمـــــــــعه
وني واكتم بصدري وخفي لوعه الـــــــــــــوجعه

اكتمه بضلوعي وضم عنهم دموعي
بالخفيه نعيـــنه طحت وحنه انولينه
اجيت اشكي الجرالي







علي الجناحي


@Ali_aLgenaih

يافجر لاتطلع بعد مامرني بالطف الولد
والتفگد ابنيه بزغر تنحب تظل طول العمر
تتنطره بطيف
********
عبدالله احلفك باللبن للعين ودي طيوفك
والفجر بين يالولد مشتاگه روحي اطوفك
والصدر در يبني عليك مشتاگ لمس اجفوفك
والمهد ينشد للحين مايرضه يمه يعوفك

مشتاگه روحي لشوفتك يوليدي تكتل فرگتك
والطول عليهه الهجر تنحب تظل طول العمر
تتنطره بطيف

بلياك دوهني الوكت وبعدك ولاشفت الظل
بالشمس اگعد بجفاك والجفن مابطل هل
وتروح روحي بطرواك شما ليل فرگاك يچل
گدامي لواسمك صار بالگلب چن رمح يتل

ورباك يبني اتذكره ونار الدليل موجره
والراح ابنه وتنتضر تنحب تظل طول العمر
تتنطره بطيف

ماودعتني من رحت ماگلت يمه تمرني
بحضاني تگعد لحظات من گبل لا تهجرني
رحت ونسيت امك ليش وگلبك ولايذكرني
بجفاك ماظل كل حيل وليل الهجر مرمرني

اهموم يمه توسدت وبليلي مالحظه نمت
والتسهر لحد الفجر تنحب تظل طول العمر
تتنطره بطيف

يايمه چن تبچي وگمت يايمه ليك تعنيت
بحضاني شلتك يالولد واسم الله صحت وناديت
وحطيت گلبي اوساده الك وبجفني يمه تغطيت
وفزيت لن خالي المهد يايمه لوما فزيت

چن شبح مر بعيني وينك صحت حاچيني
والراح من عدهه گمر تنحب تظل طول العمر
تتنطره بطيف

يايمه تدري ام الولد اتشوف بعيونه احلام
ترسمهن بتالي الليل بعيونه من يغفه ينام
ترسم كبر ذاك الولد ترسم تمر بيهه اعوام
تتباه بيه وتفتخر ويصير للشده احزام

اتروح ابد ماحسبت وبهموم هجرك شيبت
والمارحم بيهه الدهر تنحب تظل طول العمر
تتنطره بطيف

اعيوني بعدك مولحت وتاكل بروحي همومي
يوميه ألف موته يموت الگلب صار بيومي
ماضحك سني بلياك وذبلت عليك ارسومي
وماظل صبر يبني عليك وبعدك ثچيله اهدومي

كل ساعه روحي معلعله والموت اشوفه واوصله
والمانفع بيهه الصبر تنحب تظل طول العمر
تتنطره بطيف

لوتدري حالي بغيبتك بجفوني ظل يطلع شيب
ويبيد حيلي ويموت لوشمس يايمه تغيب
وتحضر أليل جفاك شراح من هم يجيب
وتأمل تمرني بطيف والصبح وظنوني تخيب

ماايست لسه انطرك ولاچن شفت حز منحرك
والتنطر الميت يمر تنحب تظل طول العمر
تتنطره بطيف


علي الجناحي


@Ali_aLgenaih

بسم الله الرحمن الرحيم
******************
ياحادي الضعون ريــــــــض وتانيني
لوداع الحباب بــــــــس ساعه خليني
ومشي ويالجناب دلالي موذاب
***************************
يحادي ضعوني ريض تان احبـــابي خل اودعهم
اريد انحب وهل دموع وســــــواد عيوني اصبلهم
وشد بيدي ادوي اجروح وعــــن الياذيهم انشدهم
وشم مثل الطفل لمه اشم اهــــــــــــــلي بمناحرهم

الغالي حسين ارد اشبــــــــــع بشمه
ماتمشي وياي روحي تــــــــظل يمه
تشتم بالخضاب دلالي موذاب

اليفارگ اهله يعرف يــــــــــــــوم لابد يرجع لأهله
شما سافر يروح بعيد شما حـــــــبل الوصل شحله
وكل غايب يرد اردود بأهــــــــــــــله ينجمع شمله
ونه وداعي وداع المــــوت والبلحده صعب وصله

هذا اخر وداع ونــــــــــــضرله بعيني
بدموعي احاجيه بلـــــــــكت يحاجيني
البلحد غاب دلالي موذاب

عله جساد الاهل افتر مصـــــــــرع من بعد مصرع
وكلهم هم سمعتو بيوم زينــــــــــــــب للغرب تطلع
غريبه اشلون اظل وحدي يرافگـــــني العده وارجع
ارد يهلي عداي وياي ونخه ومــــــــــــــن ألي يفزع

انخه يعباس يالكافل وســـــــــــــــأل
ترضاهه بحبال مجتوفه هم تقبــــــل
مااسمع اجواب دلالي موذاب

الأخت خويه يبو فاضل تعتـــــــب لوهضم مرهه
لون جار الزمن بيهه اخوهه بـــــــــزود يحضرهه
يجي ويوگف يدگ صدره وعـــن الماذيهه يخبرهه
شنو رايك يبو الغيره لـــــــــون زينب حبل جرهه

ماتدري الصار بزينـــــــب يبوالغيره
عدوانك شلون خلتـــــــــــــني بحيره
ياذيك العتاب دلالي موذاب

ارد مسبيه وحدي شلــــــــــــون وچتالك يرد وياي
بدرب شمات تسأل ويــــــــــن كافل ضعنچ الحداي
ترك اخته كلام النــــــــــــــــاس اسمعهم بلا حماي
عله الشاطي حلاله النـــــــوم شگلهم يا بعد عيناي

شتعذر جواب شحـــــــچي وشنو ردي
تفضحني الدموع لـــــــــو سألو بخدي
بخدودي لوصاب دلالي موذاب

لون امشي وعوفنكم منــــــــو اليحضرني لوحشم
اذا بمتوني صوط عداي يضــــــــربني ويسيل الدم
واذا ملجوم جرحي يريد منــــــــــكم يطلب المرهم
يجي لزينب يهد واحد يفزعــــــــــــــلي وألي يهتم

ابغربتي شلون يهــــــــــلي تعوفوني
امشي ويشمات وحـــــــــدي تخلوني
ابوصط الغراب دلالي موذاب


علي الجناحي

@Ali_aLgenaih

انه ام الحزن *ظليت اون*شفت مصاب
لــــوبالجبل * خر ونزل* طاح وذاب
يمحمد اني دهري ولاني
شفت مصاب
***************************
يمحمد انه ام الخـــــــــــــــــــــــدر زينب اخيتك اني
الحزن ماخله ارسوم وذبـــــــــــلت رسمي احزاني
وحال العليه ياحال يــــــــــــــــــوم الوكت صاباني
يمحمد احچيلك هضـــــــــــــــــــم مامر بواحد ثاني

يشيب الطفــــــــل* لامو سهل *بيه النوح
مايبره ابد* جرح الفگد *بروحي اجروح
حزني عماني دهري ولاني
شفت مصاب

ياخويه اشكيلك هضم وخـــــــــــافن يلچمك هضمي
لوجنت ياخويه ويــــــــــــــــــــــاي وبكربله لويمي
تندهش وضيع الراي وتــــــــــــــــعذر تغير رسمي
وكل ساعه تنصاب بجــــــــرح گبال الشماته ويدمي

تظل محتار* وسط النــــار * يم رضعان
لو وياي *تضيه الـــــــــــــراي* بالميدان
صير بمكاني دهري ولاني
شفت مصاب

يمحمد اجروح الروح مـــــــــــــــــاتشفه يوم وتبره
والغاضريه تظل نار بـــــــــــــــــــالگلب تسعر كبره
كل اهلي يمحمد شـــــــــــــــفت ظلو جثث عالغبره
والفگد كل اهله بيـــــــــــــــوم ياصبر گلي يصبره

تجيبه منين* تشوف العــين* اهلي اجساد
صبري الجان *بيه عــــــــــنوان* لاما فاد
صبري جفاني دهري ولاني
شفت مصاب

ياريت يمحمد سهــــــــــــــــم وطفاهه ياخويه العين
ولاشوف من حده الضعن فـوگ الرمح راس حسين
وحدي انوليت وبالغرب حــــــرت الوجه انطيه وين
وعباس اخيي عله النــــــــــــــهر ومبترات الجفين

حامي الضعن* راح وبچن* دم نهران
بعينه السهم* راسه انهشم* بلا ذرعان
طاح ونساني دهري ولاني
شفت مصاب

مسبيه لاعندي ولي والصــــــــــــــوط فوگ امتوني
مجتوفه اصعد عالهـــــــــــــــــــــزل يمحمد يودوني
وفروني من كتر لكــــــــــــــــتر وسط الزلم خلوني
وشمات ياخويه الدرب عــــــــــــن اخوتي يسألوني

شنهو جواب *گلبي ذاب* يسألني ويحاجيني
يسأل وين* اخوج حسين *والجاوبتله عيني
خلاني اعاني دهري ولاني
شفت مصاب

من ديره لديره اندور ونـــــــــمسي بخرايب ونبات
وعرفهن بگلبي احساب لــــــكل ديره ظلت جويات
واهات اگضيه الليل كـــــــــل لحظه لوعه الساعات
ويمرني ويجيني اردود واهــــــــون اگول من الفات

روحي اتموت*بس بسـكوت* بليل الاه
كون البين* يم حســـــــين* خذني وياه
وياه خذاني دهري ولاني
شفت مصاب

يمحمد يزيد بصـــــــــــــــــــوت گدامي يشتم حيدر
وهد حيلي لمن صديت وبــــــعيني اشوف المنضر
الراس گدامه بطشت وبـــــــــــــــعصه طگ المنحر
ويگلي وينه العبــــــــــــــاس جاه مايجيج ويحضر

وينك صحت* خويه ونحت *راعي الزود
ريته يجي *يشوف الحجي*وعنده ازنود
يرجعلي ثاني دهري ولاني
شفت مصاب

ايه وحگ عرش الرحمــــــــــــن حجيج جرح ياذيني
هديتي حيلي ويالـــــــــمرض ودمعج احس يجويني
ياريت معميه العـــــــــــــــــــــــين يم الهضم عذريني
مثلج فلا واحد صبــــــــــــــر ماشفت طول اسنيني

محد صبر* مثلج عـــــــــمر* جن وناس
يم الخدر* اطلب عــــــذر* وحني الراس
كبري وزماني دهري ولاني
شفت مصاب


علي الجناحي

@Ali_aLgenaih

من يگول الحره ذلت بالسبي
تبچي مكسورة گلب لاوالنبي
مااصدگ هالوضع هيه بتمن وقتنع
تبچي مكسورة گلب لاوالنبي
***************
هاي زينب ياخلگ هاي العقيله
هاي بت حيدر علي واصل الفضيله
شلون فهموني اذن تمشي ذليله
وهيه حمل الدنيه لومالت تشيله

يم شماته شلون بالله تنكسر
وهيه من عدهه اخذ درس الصبر
شلون شافوه الدمع هيه بتمن وقتنع
تبچي مكسورة گلب لاوالنبي

زينب المفهوم للعز والاباء
وماتطيح ادموعهه بس بالدعاء
صوتهه يسمعوه بس اهل السماء
شلون بين اجناب تبچي بكربلاء

هيهه لورفعت اديهه للجليل
الگاع حدر اجدامهم والله تميل
الباري ألهه يستمع هيه بتمن وقتنع
تبچي مكسورة گلب لاوالنبي

هاي من حيدر علي اخذت صفات
كالجبل وكت الشدد بالنايبات
ماتطخ الراس تعرف يم شمات
وهيه بس للله تدنگ بالصلات

طاري اسمهه يخوف تهابه الزلم
حتلو طايح فرض راعي العلم
ياجبل دنك خضع هيه بتمن وقتنع
تبچي مكسورة گلب لاوالنبي

زينب بعلم وفهم منزل امام
وبالبلاغه چن علي توزن الكلام
الصبر يمهه يدنگ يحني هام
ويامره گلي مثلهه بهل المقام

چان صبر ايبوب مضرب للمثل
ومن صبرهه احتار ايوب وخجل
بالصبر ألهه رجع هيه بتمن وقتنع
تبچي مكسورة گلب لاوالنبي

الله مايقبل لون ذلت محال
هيه ستر الله وحجاب الكمال
هاي زينب هوه ياهو الگام گال
شلون چاه راحت سبيه وللجدال

هيه راحت موسبيه لا ابد
راحت لعرش الطغات تهده هد
هدمت عرشه وگع هيه بتمن وقتنع
تبچي مكسورة گلب لاوالنبي

انه اريدن واحد يگلي بدليل
زينب الحره مشت مشي الذليل
بالقصر وكفت مثل حامي الدخيل
براس مرفوع دخلت مو بالعويل

الاسير الذله بطباعه تصير
كيد كيدك هاي موچلمت اسير
هاي موذل وركع هيه بتمن وقتنع
تبچي مكسورة گلب لاوالنبي




علي الجناحي

@Ali_aLgenaih

وين عايفني ورحت وين الحنان
بات بعيوني الدمع راح الامان
بويه طالت سفرتك ليش عايف وردتك
يابو الحنان
******
بويه ياوجه الصبح غيابك اللحظه بجرح
ليلي مايعرف صبح جروحي تدي
اسأل ومحد يرد انه مو مالت بعد
من العطش بعدك اشد مرد چبدي
زغيره ونضر للخيم نار وخيول وزلم
ردلي بجدامي ألم ذاب جلدي
وين افر يالكتر الگاع متروسه جمر
بس اصيحن انسطر فوگ خدي

چنت اخاف واركض بحظنك اطيح
هسه ع التربان وجروحي تصيح
وين راحت شبگتك ليش عايف وردتك
يابو الحنان

اركض ودمي يصب وين ماروح انضرب
ليش ترجيه انسلب مو زغيره
المثلي ماتعرف تون تگوم من حضن لحضن
حضن ابوهه الهه وطن وهيه اميره
تعيش دوم مدلله زغيره والهه منزله
ماتظل معلعله تحير حيره
بين اهله ماتحس تغيب لوتطلع شمس
محد يمرهه ويمس ويالعشيره

وين ألمن التجي وياهو انتخيه
وماكو خير بالوجوه واعتنيه
لمحه لوصد نضرتك ليش عايف ورتك
يابو الحنان

خدي بيه دم ودمع بويه سلابي طمع
جفه بخدودي انطبع بويه سبني
بويه كلمن تنهضم تشكي ابوهه من الالم
هذا طكاني وشتم وذاك جرني
تروح شوغته بحضن يمسح دموع الجفن
يگله يبنيتي ويحن ليه ادني
تشعر بحضنه الامان تشمه وتشبگه بحنان
ع الوجه بسمه تبان يگلهه امني

عگب حضنك مايصح والگه دفو
وين احصل مااظن مثلك ابو
وين ألكه بشيمتك ليش عايف ورتك
يابو الحنان

السوط بمتوني اكل دمي من اذني نزل
ثوبي نار ومشتعل راح خدري
بويه لوصيحن چنت گبل مااحجي شردت
بويه بس ماكملت تگلي أمري
صدگ تنساني شعجب انخه وعيوني تصب
ترضه تالي انسلب بيه تدري
تدري ليلي مانمت بحظن عمتي وماكلت
حضرو نوگ سمعت بينه تسري

نوگ هزل حضرو باچر رحيل
وچتفونه بالحبل والدم يسيل
وانه انطر ردتك ليش عايف ورتك
يابو الحنان


زغيره مومالت سبي وجهي من لون العبي
غربه والحادي اجنبي وين عمي
امشي وي موتي سوه السوط بمتوني ألتوه
والله يلجمني الهوه يجري دمي
الليل يگضي ع الترب والدمع سكته يصب
بحضن امي وانضرب انه وامي
گمت اخاف من الصبح تصير كل ديره جرح
نضرت الوادم رمح بينه ترمي

سوگ دخلوهم امر حادي الضعون
واشد من السيف نضرات العيون
كلشي غربه بغيبتك ليش عايف ورتك
يابو الحنان


انشد ومحد يرد واحسب ايام البعد
ديره ديره بالنشد دمعي جاري
وين ابوي شعطله سكت كلمن اسأله
يصير ظل بكربله الله داري
ابد ماصدگ نسه وبيه مامر چم مسه
جرح يومي اتنفسه بأنتظاري
بس احسنه قريب ويسمع الون والنحيب
ليش اصيحه ومايجيب يطفي ناري

رت اشمك بويه بس هذا ردت
شلون اشبگك وانته بس راس بطشت
الموت اجاني بردتك ليش عايف ورتك
يابو الحنان


علي الجناحي
@Ali_aLgenaih

يمه جبت الماي الك ماضاگته اشفاي
وسگي بطراف الرمح ماوصل الماي
بيدي مايوصل وشيل والرمح كلش طويل
ماوصل الماي
*******
دوريتك ... وين ابني وثاري شفتك ع الرماح
دوريتك ... يبني صار الماي لليشرب مباح

ماشربت الماي اجيتك جبته وياي
شلون اشربك ياحبيبي محيره بهاي
راسك براس الرمح متلوحه يمناي
گمت ادير ع الرمح ونثرلك الماي

اليبست شفافك أله مابقي ممنوع
جابه جتالك ألي الماكسرته ادموع
دمعك وذاك العويل والرمح كلش طويل
ماوصل الماي
*****

رت احضنك فتحت ذرعاني وشبگ بالحديد
رت احضنك وشتم زلوفك ردت لاجن بعيد

گمت اهزن بالرمح وگليبي هايم
وگمت اناغيلك وگولن ابني نايم
جذبيته وعرفت لن جفني حالم
لفك براسه الرمح لف العمايم

شكثر ناغيت ع رمحك وانته سكته
اظن صوت امك تغير ماعرفته
حگي وفارگك ثجيل والرمح كلش طويل
ماوصل الماي
******

الهوه يهب وراسك ويالريح بالنسمه يدور
الهوه يهب زغير مايثبت ييمه مثل النحور

راسك زغير الهوه شما هب خذاه
مره اشوفن وجهك ومره كفاه
افتر ع الرمح كل ساعه وراه
خاف لايوگع ييمه وخوفي هاه

تسحگه راسك لوگع خاف الهزل
ورسك زغير وترف مايحتمل
ويالهوه راسك يميل والرمح كلش طويل
ماوصل الماي
*******

اليشوفك ملك من الله الوجه بالرمح نازل
اليشوفك والرمح موراس شايل ورد شايل

اترف من الماي وجهك يالسمح
انته تنشم ابد مومالت جرح
انته تنحط بالگلب مو ع الرمح
لا تغمض عينك ايغمض الصبح

انته حته اليل من شعرك يغار
والنهار بنور وجهك مو نهار
شوفتك تشفي الغليل والرمح كلش طويل
ماوصل الماي
**********
راح كلشي اعتب ع السهم لو لوم النهر
راح كلشي راح تعبي والربه راح السهر

تنام وعيوني گبل جانت ضواك
وسهر لحد الفجر جفي بگفاك
خاف فزيت وگع يبني غطاك
جنت اخاف عليك يالجنك ملاك

جنت اخاف عليك يبني من الحسد
حرز علگت ع صدرك بالمهد
حرز من حامي الدخيل والرمح كلش طويل
ماوصل الماي
********

حضروها يمه جابوها الهزل باجر رحيل
حضروها انته فوگ الرمح وانه ع الهزيل

بشيلتي لولوح الفك الهوه حار
ترفه وجناتك ييمه والشمس نار
يبوعيون وساع ذبلن صارن اصغار
وباجر بدرب السبي يشمروك بحجار

خاف باجر بالدرب عني بعيد
شوفتك صعبه اذا باجر اريد
صعبه من فوگ الهزيل والرمح كلش طويل
ماوصل الماي


علي الجناحي

@Ali_aLgenaih

وداعت الله دمعي صله
خويه ياعباس عنك رايحه
وعله الهزل راح اسوي الفاتحه
وداعت الله
****************
حچي يوجع موحچي راح اسولف بالبچي
دمعه دمعه بسره وستمع ليهن
والله لوتدري شجره بختك ألي مخدره
ومن رحت عباس وياك ابتديهن

ويه كل خطوه صرت محروگه
كل هوه الله وانه احس مخنوگه
عيوني وي طولك بقت مشبوگه
وحس گلبي تگطع من عروگه

حسين اجالي ونه عالي
يلتفت كل ساع ويعاين وراه
حسين موعاده ابد يلزم گفاه
وداعت الله

ظهره مكسور الحسين وحيد اصدله بلامعين
وزلمه صار الشمر ودنه لخيامي
شاف اخيك منكسر شگال لوتدري الشمر
حسين وحدك مابقه يمك محامي

مابقه عندك ولا واحد ينصرك
طاح اخيك عالنهر وحزام ظهرك
اليوم كون اطيح وصعد فوگ صدرك
وفجع گلوب الفوطم وحز نحرك

راح الحسين تنضر العين
طاح اخيك خويه من فوگ المهر
بگلبه المثلث وجه ليه الشمر
وداعت الله

حرت ألمن التفت والله ساعته متت
ساعه لن بان الرمح ياخويه شفته
براسه راس وكل دم صحت ياخويه بألم
هذا راس حسين بعيوني نضرته

حضرو خيل ويدوسون عله صدره
وغدت من دمه الحوافر خويه حمره
انطبگ صدره اشوفن ويع ظهره
وانه مذهوله يخويه بس انضره

الخيل بيه ادوس هيه
صدري مو صدره انفرش بالحافر
الخيل داسن صدري يوم العاشر
وداعت الله

خويه والعسكر هجم ونار شبت بالخيم
اطفي نار بالخيم نار بعباتي
اطفال تركض عالجمر خيل وسياط وسطر
وانه ماشفت الركض خويه بحياتي

خيالي يتحسر گبل شوفت خيالي
اركض ابين الزلم ماجه عله بالي
بحافر الخيل الظهر داسو اطفالي
ينضرب بالسوط خويه الماله والي

متني بالطگ غادي ازرگ
خويه يلجمني الهوه لمن يهب
ومن يحركلي عباتي الدم يصب
وداعت الله

بتنه ليله عله الترب وحشه مابين الغرب
بس حرم وطفال ياخويه ويتامه
ماغفت ياخويه عين كلمن بطوره الونين
ويمنه راس حسين دامي بلا عمامه

شلون ليله عله الترب ياخويه بتنه
ناس ماعدهم رحم وليه ولتنه
والله ياعباس لو حاضر شفتنه
نستد ظهر بظهر لمن عفتنه

ونه واهات بيهه جمرات
طفله تسكت ثاني يصرخ بالالم
هاي متني وذيچ مچويت جدم
وداعت الله

چنهه موليله گبر بطول ايام العمر
والصبح جيبو الهزل بالناس ناده
واحنه اطفال وحرم شلون نركب والزلم
انته تركبني چنت متعوده عاده

خويه أگلهن ركبن يگللي وانتي
ودمعت السجاد نزلت وي دمعتي
رگبن النسوان بس صعبه ركبتي
بگيده صعدني العليل ونار بمهجتي

من عله النوگ گلبي محروگ
ودعيتك جثه مرمي عله الثره
رايحه بس خويه اروح ميسره
وداعت الله


علي الجناحي

@Ali_aLgenaih

يوم واحد ماتعده علينه مامر
كلشي بيچ بساع يازينب تغير
چني فارگتج عمر هواي متغيره شكثر
هواي وجهچ يالعقيله صار اكبر
**********
عين مطفيه بسهم وبعين شفتچ
انه مامعقوله اضيعچ ماعرفتچ
حته صوتچ مختلف بذني ونبرتچ
صوت مبحوح اختنگ خويه بعبرتج

انه من فوگ الرمح وبعين اصدلچ
ذابل ومذاك الاول خويه شكلچ
فراگي وياچ الظهر هواي متغيره شكثر

خويه وجهچ ماعرفته موش الاول
حيل متغير ولونه هم تبدل
بس اثر طگات جفچ فوگه اندل
لاطمه هواي ع وجهچ غادي محمل

عيونچ بنگره وحمر ذابل جفنهن
باچيه چنچ عمر رايح نضرهن
مدري خويه من السطر هواي متغيره شكثر
ماعرفتچ منحني ياخويه ظهرچ
نگلت جدامچ ثچيله ايدچ بخصرچ
مال طولچ بالهوه الخطوه تعثرچ
الچلمه ماتطلع تموت اباب ثغرچ

يميل ويه الريح طولچ يالعقيله
ونگلت اجدامچ احس كلش ثچيله
جبل مكسور الظهر هواي متغيره شكثر

شفتچ اطيحين چم مره من جيتي
بياعلي گوه نهضتي ونتخيتي
ع الجمر تمشين خويه ومادريتي
عينچ عله الگاع وبسكته بچيتي

وين طولچ خويه يالممشاچ هيبه
وصوتچ الكرار ليه من يجيبه
حافي والحومه جمر هواي متغيره شكثر


هادله متونچ اشوفن حافي تمشين
من الخيم للتل طريقچ طوله خمسين
صعتي فوگه وانه اسمعچ من تنادين
راسچ مشيب نزلتي ودمعه بالعين

هاي هيه ألي اجت بالگوه تمشي
نزلتي موزينب تغير خويه كلشي
مشيبه وبعينچ نهر هواي متغيره شكثر

شفتچ المغرب وحيده من بقيتي
لاخيم ويتام عندچ ونوليتي
ابعباتچ كلهه لاذت من حويتي
ياهو حط ايده عله متنچ انحنيتي

لواجت ايد اليتامه فوگ المتون
تنحنين بساع ينزل دمع العيون
السوط بمتونچ حفر هواي متغيره شكثر


علي الجناحي

@Ali_aLgenaih

يالرحت عيني عليك خلص دمعهه
**********
بغيرك حياتي كل امل مابيهه
يالماخذ وياك الگلب رد ليهه
غير الحزن محد يمر عليهه
مر ع امك لوحلم وحيهه

مر ع امك بالطيف هود وجعهه
يالرحت عيني عليك خلص دمعهه

عبد الله عطرك بالهوه اشمه
وتخيلك يمي والولي يمه
ليليه مهدك بالحضن اضمه
والليل لليفگد ييمه يلجمه

ماتنام امك ليل تعرف طبعهه
يالرحت عيني عليك خلص دمعهه

اتخيلك نايم ييمه اگبالي
مهدك اهزه وادري مهدك خالي
وتناغه وياه وجمر دلالي
وين انطي وجهي صورتك تبرالي

صوره الك وسط العين الطف طبعهه
يالرحت عيني عليك خلص دمعهه

يوميه امك بالثواني تعدلك
تكبر ييمه ياوكت وتصدلك
تلعب تشوفك ياوكت ويحلك
وتصيح يمه وهاه ييمه تگلك

اتمنه يايمه اتصيح رت استمعهه
يالرحت عيني عليك خلص دمعهه

احلامي بعيونك چنت ارسمهه
بحضاني من تغفه چنت احلامهه
وجفوفك الترفه بديه ألزمهه
تنام انته وانه عيني احرمهه

اعيوني من وجهك شوف رادت شبعهه
يالرحت عيني عليك خلص دمعهه

ماحسبت تتركني اظلن وحدي
توسدني يوليدي حسبت بلحدي
بالدنيه ماظلي امل وشعندي
بس الجروح الماتطيب وتدي

مصابك يعبدالله مصاب وامك فجعهه
يالرحت عيني عليك خلص دمعهه

علي الجناحي

@Ali_aLgenaih

دمعه بعيونچ تلوح شلون يازينب اروح
ياذي دمعچ يالعقيله ياذي دمعچ
**********
لاتسلين الدمع دمعچ ثجيل
يهتز لدمعچ قسم عرش الجليل
لاتلومين الگلب مامن بديل
هذا يازينب وصل يوم الرحيل

هاي ساعات القضاء انفتحت ابواب السماء
يختي صبرچ ع النوايب يختي صبرچ

يختي گلبچ موجلد گلبچ حنين
انتي احن وترف بشر اتشوفه عين
انتي مثلچ منوجد طول السنين
وانتي بس اخت الگمر واخت الحسين

انتي مابين الضلوع يختي ماريدن دموع
من اسمعچ گلبي ينطر من اسمعچ

صبري يازينب صبر يم الحزن
بس اروحن تبدي وياچ المحن
صبري ع المكتوب صبرا ع الزمن
ليش بوجودي وألي دموعچ شكن

ضمي دمعچ لليجي شدي حيلچ للبچي
وشكي ربچ بس اروحن شكي ربچ

الگمر من ودعچ شفت الدموع
ودري گلبچ منجرح يختي ويلوع
انتي يازينب قسمم بين الضلوع
راح اروح وهيه روحه بلا رجوع

لويرد ليچ المهر يبتدي درب القهر
يبدي همچ والمصايب يبدي همچ

خويه من بعدي ألچ يلفي المصاب
چم جرح چم لوعه وهموم وعتاب
وحدچ بدرب السبي درب العذاب
وبالخرايب نومچ وفوگ التراب

بلايه كافل لاحرس يلجم اجروحچ نفس
بغربه وحدچ لامحامي بغربه وحدچ

سمعي يازينب بعد مني شأگول
موقف يمرچ ابد لاما يزول
بمجلس ابن ازياد تاليهه النزول
گبال عينچ خويه ويسب البتول

يشتم وعينچ تصد ومحد يجيج ويهد
وراسي يمچ تنضرينه راسي يمج



علي الجناحي

@Ali_aLgenaih

يالچنت بحضاني غافي نايم ونومك عوافي
حضني عفته... يالتركته... يالچنت بحصاني غافي
*******
رحت للماي وترد ادري للشم الورد
محد يذبحه بسهم
گلب ماعدهه العده انته يالچنك نده
وينك وين الالم
السهم غمض عيونه عرف عمرك
مستحي منك ييمه وباس نحرك
والشمس غطت وجهه ذبل ثغرك
والهوه والنسمه ماتن فوك صدرك

من السهم يمه صحت بحضن ابوك وفرفحت
ماي ضنك... تروه منك... شرب من نحرك يصافي
*
صافي شفاف وترف وينك وين النزف
يالنزف نحرك ضوه
الورد منك خجل والنده بعينك نزل
عليك مخنوگ الهوه
صوتك بليل السهر صوت البلابل
وكل صباح بشفتك النده نازل
الليل كحله ع الجفن بالظلمه شاتل
والگمر بخدودك الترفه يغازل

الورد وكت الفجر منك يجيب العطر
چان عطرك... يمه ذكرك... يطيب العله ويشافي
****
بين عيني والرمش تنام وفرشلك فرش
وانه اظلن بس نفس
لاتفز ابقه انتضر يبين بخيطه الفجر
وتطلع عليه الشمس
اشعل عيوني شمع لجلك ضوه
وچنت اخاف عليك يبني من الهوه
دموعي ودموعك اذا نزلن سوه
وشوفت عيونك ألي چانت دوه

اعز من روحي وحياتي چنت اغطيك بعباتي
حيل اشمك... ليه اضمك... ونومك يصير بجتافي
****
من تنام وانتضر ارسم احلام شكثر
روحي تحچيلي اماني
باجر ايام واعد اكعد بسده الولد
تجوه عبدالله لزماني
چنت احسب للكبر انته التجيه
عون تصبح للزمن لودار بيه
ماحسبت احساب يوليدي المنيه
دواي موجرحي حسبتك تبقه اليه

احلامي وايام السهر راحت وراح العمر
احلامي راحت... چلمه طاحت... تبدت بطارف شفافي
**
جلمه وحده ماگلت شكثر يبني اتأملت
تگلي يايمه انتضر
ردت اسمعه اشكثر وانطرلهه ع الجمر
تبدت وماي بنهر
ردت منك بالعمر اسمعلي چلمه
وحسره ظلت بالگلب چلمه ييمه
ياشمس عمري عفتني بدنيه ظلمه
مايمر بعيوني طيفك حته ألزمه


يمه احلفك باللبن مرني لورمشت جفن
مرلي طيفك... احسبني ضيفك... من الهجر يايمه كافي
****
زغير بعدك عالحرب چانت عيونك تصب
ورحت للماي الگصد
ماي بس ماي اطلبت تالي نبله حصلت
والوعد صار الوعد
انه بالخيمه واحسن بالالم زاد
لحظه رديت واصدلك لاچن شراد
رگبتك ترفه ييمه والسهم حاد
وادري المثلث عليه شينفع ضماد

يبني سابح بالدمه ريت بعيوني العمه
بحيره اصدلك. ... ونتحبلك... وركضت يايمه حافي


علي الجناحي

@Ali_aLgenaih

يم الخدر رحيل باچر سفر طويل
باچر هجر.....لمن يمر....وحدچ بلا كفيل
*************
بس يهل باچر يزينب ويه فجره
مصاب مامر ع الواحد بيچ يجره
باچر اجروحچ تفز والعين عبره
ينكسر گلبچ ولا واحد يجبره

باچر يجي العذاب چم لوعه چم مصاب
دمعچ يصب.....وسط الغرب......عنچ هلچ تشيل

خويه بس هالليله بس هاي المسيه
وداع خويه والفجر باچر منيه
باچر التوديع يصعب حيل اليه
گبل باچر ارد احط ايدچ بديه

باچر حزن جراح باچر بجي ونياح
باچر اشد.....خويه وبعد......دمع الهجر ثجيل

خويه باچر لويجي يحزون نحري
والشمر خويه يتربع فوگ صدري
من تصدين الشمر يابعد عمري
خويه لاتنسي الوصيه خويه اصبري

صبري على هالحال عينچ ع العيال
يم المحن.....باري الضعن ......وعينچ ع العليل

باچر العباس خويه تطفي عينه
ع النهر لايسره عنده ولايمينه
باچر يروح الگمر حامي الضعينه
ومايرد اجوب لمن تنتخينه

راسه بعمد ممرود يطيح العلم والجود
بعينه السهم ......راسه انهشم.....دم منحره يسيل

باچر الدلال خويه يصير جمره
جاسم تشوفينه باچر يطفي بدره
خويه والاكبر خناجرهم توذره
وحته عبدالله الطفل ينگطع نحره

باچر دمه وخضاب باچر يحز رگاب
محد يظل .....من الاهل .....لاوالي لا خليل

باچر تفرين من خيمه لخيمه
ومن تغير الخيل تسحگ چم يتيمه
من يجيچ المهر يصرخ بالظليمه
الهوه يجرحچ اذا هب بنسيمه

لضرب السايط اثار والخيم بيهن نار
جتاف وحبل ....فوگ الهزل ....بلاخيمه يلفي الليل

اخوتچ فوگ الثره يظلون صرعه
والموادع ع الهزل ياخويه دمعه
خويه والسجاد ذابل مثل شمعه
بالسناسل منجتف وشلون وضعه

حرگه ودمع ضياع فوگ الهزل وداع
دمعچ يهل ....ماينحمل....درب السبي طويل

خويه من باچر بعد ينشاف طولچ
ديره ديره هاه يزينب ينضروچ
خويه كل نضره بسهم لو باوعولچ
وتنتخين بأخوتچ مايفزعولچ

بس الاشد عليچ مجلس يسب والچ
طاغي بحكم ....بمجلس ظلم ....سب حامي الدخيل

علي الجناحي

@Ali_aLgenaih

بسم الله الرحمن الرحيم
*****************
وين رايح يـــــادليلي يروح بعدك يمه حيلي
شلي بعدك ياعلي روحي عندك ياعلي
يهدني فگدك ياعلي
وين رايح
*************************
وين رايح وانته صــــــــاير روح اليه
لورحت يايمه تلفــــــــــــــــاني المنيه
يبني ارحم حالي لاتــــــبــــــعد عليه
لاتخليني اون صبح ومســـــــــــــــيه

ابقه بعدك للمناحه والبعد تكتل جراحه
انته تدري ياعلي ابقه عمري ياعلي
ويه جمري ياعلي
وين رايح

يمه امك ماتظل لو فــــــــــــــــــاركتهه
لحظه ماتصبر بدونـــــــــــك لو عفتهه
عيني يالغالي عله شوفــــــــك علمتهه
صورتك يالغالي بعيـــــــوني ارسمتهه

يمه مرسوم بجفوني اخذ لورايح عيوني
بعك ألمن ياعلي بيهه اصدن ياعلي
والله يعمن ياعلي
وين رايح

مايفارگ خــــــــــــــــله ادري ألي يود
وانه شوفك يمه رايـــــــــــــــح ماترد
هم حسبت احساب امك يـــــــــالضمد
منهو يبقه بروحتك ليه بـــــــــــــــعد

يبني كلبي لاتفجعه روحتك من غير رجعه
روحه هيه ياعلي بغير جيه ياعلي
منهو اليه ياعلي
وين رايح

يمه ضميتك ذخر لجــــــــــــل المشيب
وگلت لجروح الزمن انته الطبــــــــيب
لوتروح ظنوني يوليدي تخـــــــــــــيب
وگضي عمري بغيبتك نـــــوح ونحيب

يخيب ظني بروحتك وعمري اخلصه بحسرتك
عون دهري ياعلي تالي عمري ياعلي
انته ذخري ياعلي
وين رايح

ياشبيه الهادي بوصــــــــــافه وكلامه
نور وجهك جن بدر ليــــــــــــله تمامه
مانمل شوفك لحد يــــــــــــوم القيامه
لورحت ليـــــــل الحزن جلجل ظلامه

يظلم الكون بغيابـك لوطفت شمعت شبابك
روحي تنسل ياعلي ليلك يچل ياعلي
بغيرك يهل ياعلي
وين رايح

ماحسبت بيوم يفجــــــــــــــعني زماني
وهذا يايمه الخفت منه اجــــــــــــــاني
ريت ياخذ شوفي الباري وعمـــــــــــاني
للمنيه اتروح ونضرلك وتــــــــــــــاني

انته رايح للمنــــــيه الموت اهون يمه ليه
موتي اهون ياعلي ولااشوفن ياعلي
مدمي اصدن ياعلي
وين رايح





علي الجناحي


@Ali_aLgenaih

هذا ابنچ يليله هذا ابنچ
الحومه مالت من نزل شايل بجفه الاجل
هذا ابنچ
***********
هذا ابنچ هاه يليله حمل خيال وهجم
چنه حيدر بالمعاره صولته ونفس العزم
چنه ابوفاضل بزعله لوزعل راعي العلم
گري عينچ بيه يليله گري عينچ والنعم

من يلاگيه يليله من يلاگيه
جدحت عيونه وحمل شايل بجفه الاجل
هذا ابنچ

توسط الحومه بحسامه صوته بالحومه رعد
علي الاكبر ناده بيهم قل هو الله احد
صال وطشر جمعهم عليه مايلحگ مدد
منجل ويابس زرعهم گام يحصدهم حصد

رد عليهم يليله رد عليهم
عاد حملات الفحل شايل بجفه الاجل
هذا ابنچ

هوه مواحد يليله واحد انعد بألف
الجيوش گباله فرت كله منه ترتجف
چن ضوه يمرهم يليله يخطف عليهم خطف
نار تلهب طب عليهم نار مستعره وعصف

نار بيهم يليله نار بيهم
نار بيمينه شعل شايل بجفه الاجل
هذا ابنچ

ابنچ بسوح المعاره علم فنون الحرب
تفنن بسيفه وتمايل تشهد بهايه الرگب
الوصل يمه ويلوحه من الوجود اسمه انشطب
الوگف ماخلص منه ولاخلص منه الهرب

خوف الخوف يليله خوف الخوف
أمر والموت امتثل شايل بجفه الاجل
هذا ابنچ

چن جبل عزمه يليله ابد ماهاب الجمع
اگبال سيفه تموج كلهه والسبع بيهم خضع
غاصت الگاع بجثثهم بكل كتر جثه زرع
سكته صارت بالمعاره وگطع الرگاب انسمع

لارجف خاف يليله لارجف خاف
ابد مايهتز جبل شايل بجفه الاجل
هذا ابنچ

الخيم خط احمر احذر منهو يدناهه وعبر
ناده واليوصل خيامي بيدي احفرله گبر
والله ادفنه بذني اديه اي وحگ سيد البشر
واليگول اوصلهه زلمه خلي يوصلهه ويمر

يهتف بصوت يليله يهتف بصوت
اليمرهه ما يظل شايل بجفه الاجل
هذا ابنچ

علي الجناحي
@Ali_aLgenaih