_

اسمعها مني ..

بس ادي في حياتك مساحة للناس ال مستعدة تتمسك بيك حقيقي ، ماتكتر الابعاد عليك ..

كفاية تحشر كمية خلق في حياتك مابلزموك ، وتحس ل لحظة انو عندك ناس كتاار ، بس حرفياً انت وحيد ! ، عارف شنو ال خلّاك تحس بالوحدة دي ??!

دا انت ..!

لانك وقت زعلك وضيقك م حتلقا زول يشيل همك ، يشيل همك بدون تكلّف روحك ان تشرح ، او تطلب او تحنّس او تدق وتبين من نبرة صوتك انك زعلان .. ، تعمل استيتص زعلان مكتئب وتنزل بوست حزيين وتخت بروفايل black ، بس علشان ناسك يلاحظو ليك ..


مع انو لو جينا للجد انت لو واثق انو عندك في حياتك ناس صح م ح تحتاج تعمل دا كلو ..
ال بشيل همك ، ويغير مودك ويفقدك م بحتاج ل تلميحااات !


انت وحيد لانك بتتعمّد تاخد فترة تبعد فيها عن كل الناس وتمارس دور الحزين البائس ال شايف الدنيا بلون رمادي Gray ،وعايش فترة صعبة في حياتوا بس علشان ناسك يلاحظو ليك ويسالوك ..

دا غلطك انت كونك مكبّر ل ناس راسهم وتاعب " روحك ليه م فقدتني ?!" " وليه م سالت عني ?!"
والله كل زول في همو ،وعموما الدنيا بقت صعبة وضاغطة ع الكل يعني ..


فا م عيب انك تكون عايز تتحب ! ..
ولا عيب انو تكون عندك رغبة تكون مرغوب او محبوب من قبل الكل ، وانك تسعى عشان م تبقا وحيد ..
بس الالم ال ح يجيك بعد مفعول المخدر يزول وتصدق ال وهم ال كنت عايش فيهو حيكون مؤلم جدا..

مؤلم ل درجة ح تخليك ل لحظة تحس ب ضياع ..
وانو فقدت الرغبة في اي شي ، ةثقتك بالكل انعدمت ، واتكونت جواك صورة موحشة عن الاصحاب .. وحتجي تقول ماف اصحاب ..

بس انت الغلطان !
ايوة انت الغلطان ..، لانك من اول كترت الموية ع العجين ، وكترت الخلق حواليك بدون فايدة ..
وانك كنت واهم نفسك ب فكرة غلط ..

وماعيب ال عملتوا ولا فات الزمن ..
وبيدك تصلح الفات ، وتبني حدود جديدة ليك، وتبدا تختار ب عناية وتركيز اصحابك وناسك ..
اي زول مابلزمك طوالي اعمل ليو Delet من جهات الاتصال ، احذف الرقم طوالي وخلي عندك ال ناس ال بتحس انك بالجد فارق عندهم ..

ولو في يوم واحد سالك اخلق اي عذر ياخ انت شاطر ، والداير الحقيقة كمان وريهو اصو ماتخاف ، ال بخوف شنو ?! خليم بس واضح وصريح

اشتري رااحتك النفسية ..
لانو دي نفسك ، وافتكر انو ف النهاية روحك دي ربنا بسالك منها يوم القيامة ، وبسالك عمرك هدرتوا في شنو ?!

اشغل نفسك وحاول انجز قدر تقدر ، كل زول فينا ليهو اجل محدود في الدنيا دي ، وعلى نفسك حقّ انك تطورها وترفعها ، عليك حقّ تحب نفسك ، وتشتري راحتك ، وتغير مودك براك ، لانك مكتفي بذاتك وبس م محتاج اشباه اصحاب يعني ..

خاف ع روحك وابقى عشرة ع نفسك والله ماف زول دائم ل زول ..وابقا متزكر الزول ال بريدك وشاريك بقدر يعبّر عن حبو ليك ب افعال real ع ارض الواقع ، ماف داعي للطلس الكتير والاعذار البايخة ، لانو بالجد ماف عذر بيمنع زول انو يفقدك ويطمّن عليك ، بس شوية ابقا واعي يعني للحوليك وبطل انت كمان تطلّس روحك ..

You don't need crowds of people or noise, you just need a person equal to all that crowd .



#طبطبة.
#TANZEEL_SABER.