Fikr Inqilobi

Boʻrilar haqida haqiqatlar
1. Boʻri oʻlimtik yemaydi.
2. Boʻri vahshiylar turkumiga kiradi va hayvonlarning shohlaridan hisoblanadi.
3. Boʻri boshqa hayvonlar kabi onasi, singlisi kabi mahramlari bilan hech qachon qoʻshilmaydi.
4. Boʻri vafodordir. Bitta begona urgʻochi bilan juftlashib, umr boʻyi oʻsha bilan yashaydi, juftiga aslo xiyonat qilmaydi. Shuningdek, urgʻochisi ham bir umr oʻsha jufti bilan yashaydi. Ular oʻz bolalarini taniydilar. Ular bir ona va bir otadan dunyoga keladilar.
5. Boʻrilar juftlarini birining vafoti bilan uch oydan kam boʻlmagan muddat azador boʻladilar va bu bir yilgacha choʻzilishi mumkin. Bu azadorlik deyarli oʻz-oʻzini oʻldirish darajasigacha borib, kamdan-kam hollarda hayot qolgan jufti yashab qoladi.
6. Boʻri ota-onasiga yaxshilik qiluvchi bola sifatida - “Ibnul baar” deya ham nomlanadi. Sababi, hayvonlarning ichida faqat boʻrigina ota-onasi keksalikka yetganda ularni tashlab qoʻymasdan gʻamxoʻrlik qiladi. Ularni oʻz inida qoldirib, ov qilib keltiradi, boqadi, parvarishlaydi.

🧠 @Fikr_inqilobi

Rosululloh sollallohu alayhi vasallam aytadilar:

"Ishchiga haqqini teri qurushidan avval beringlar"

Sahih ibn Moja (1995).

🧠 @Fikr_inqilobi

#Nafsimga_oʻgitlar

Yashab turgan davridagi haqsizlikka, adolatsizlikka, zulmga va qatagʻonga jim turgan kishi oʻtmishdagi haqsizlik, adolatsizlik, zulm va qatagʻonlar haqida ham soʻzlamasin. Koʻkragiga urib ogʻiz koʻpirtirmasin.
Uyalsin! Maʼnaviy haqi yoʻq!
Chunki u bugun qayerda turgan boʻlsa, u zamonda ham oʻsha yerda -- tomoshachilar va qoʻrqoqlar davrasida turgan boʻlardi.

🧠 @fikr_inqilobi

#Noxolis_blogerlar

Yaqinda Anvar Nazir degan bloger Afgʻonistonda Tolibon harakati oʻzbek tilini maktab dasturidan chiqarib tashlaganini yozdi. Tashqi ishlar vazirligi juda tez surʼatlarda Tolibon vakili bilan suhbat oʻtkazib, bu iddaolar haqiqatga toʻgʻri kelmasligi haqida raddiya berdi. Raddiya soʻngida ushbu soʻzlar yangraydi: “Baʼzi bilimsiz “tahlilchi” va jurnalistlarning shubhali shov-shuvlar va “qaynoq fakt”lar ilinjida ochiqdan ochiq buzib koʻrsatilgan va yolgʻon axborotlarni tarqatayotgani esa afsuslanarli holatdir”.

Endi boshqa bir ishga eʼtibor qaratamiz. Kuni kecha LDPR yetakchisi Vladimir Jirinovskiy oʻz partiyasining rasmiy Youtube sahifasida Afgʻonistondagi vaziyatni muhokama qilar ekan, yaqin vaqt ichida Markaziy Osiyo mamlakatlari rahbarlari Moskva va Saratovga qochib kelishini va oʻz davlatlari Rossiya tarkibiga qoʻshib olishni soʻrashini aytib oʻtdi. Jirinovskiy Markaziy Osiyo davlatlari Rossiya tarkibiga oʻz ixtiyori bilan qoʻshilishini taxmin qilayotganini bildirgan. Bu orada Oʻzbekiston TIV juda pozitiv obrazda boʻlib turibdi, oʻzbekistonlik blogerning fikriga raddiya bergan vazirlik rossiyalik deputatga kelganda mum tishlab qoldi. Juda qiziq.

Ijtimoiy tarmoqlada Tashqi ishlar vaziri Abdulaziz Komilov (yoki uning oʻgʻli, yoki ikkalasi ham) Rossiya fuqarosi ekanligi haqida turli mish-mishlar aylanib yuradi. Bu mish-mishlar qanchalik haqiqatga yaqinligini bilmayman, lekin soʻngi kunlarda yuz bergan hodisalar fonida, yaʼni oʻzbekistonlik blogerga raddiya bergan vazirlik rossiyalik deputat oldida sukut saqlayotgani, shaxsan menda Oʻzbekiston TIV aslida Rossiya TIVning Oʻzbekistondagi kichik filiali ekaniga shubhalar paydo boʻldi.

🧠 @Fikr_inqilobi

#erkaklarga
Qizni ko’rganingda shayton senga vasvasa qiladi. Bir og’iz bo’lsa ham nimadir deb qo’yging keladi.
Ko’zingni yum!
Istig’for ayt!

Na u qiz seni, na sen uni boshqa uchratmasliging mumkin, lekin o’sha lahzadagi gunohing sen bilan qoladi.
Arzimaydi, do’stim! Gramm arzimaydi.

🧠 @fikr_inqilobi

#FAROSAT

Farosatli, oqil inson oʻz ahli-oilasi, yaxshi koʻrganlari, qarindosh va qoʻshnilari bilan boʻlgan muomalada har qanday mayda-chuyda narsalarga sinchkovlik qilavermaydi.

Imom Ibnul Javziy rohimahulloh

🧠 @fikr_inqilobi

“Yaxshi nafslar kechirim va xayrixohlikdan, yovuz nafslar esa zoʻravonlik va tajovuzdan zavqlanadilar”.

🧠 @fikr_inqilobi

Ishlatilmasa temir ham zanglaydi. Agar harakatlanmasa suv sassiq koʻlmakka aylanadi. Xuddi shuningdek aql ham fikrlamasa rivojlanishdan toʻxtaydi! Allohni zikr qilmasa qalb ham temir kabi zanglab ketadi!

🧠 @fikr_inqilobi

“Shuni bilingki, inson uchun eng aziz narsa ikki narsa – qalbi va vaqtidir. Agar vaqtini boy bersa va qalbini zoye qilsa juda koʻp foydalardan quruq qoladi”.

🧠 @fikr_inqilobi

“Qirq yoshga yetgan boʻlsang, ehtiyotingni qilaver!”

🧠 @fikr_inqilobi

Qalbda odamlarning maqtovini xush koʻrish qancha ziyoda boʻlsa, shu bilan birgalikda ixlos ham shuncha kamayadi.

🧠 @fikr_inqilobi

Kishining Alloh uchun gʻazablanishidan koʻra nafsi, nasabi va shaʼni uchun koʻproq gʻazablanishi iymonining zaifligidandir. Bu adolat mezonidirki, u bilan iymonini oʻlchay oladi. Shunday ekan, har kim oʻz nafsini tanisin va uni isloh qilsin.

🧠 @fikr_inqilobi

Fikrlash ilmni harakatga keltiradi. Agar ilm ziyoda boʻlsa, tafakkur ham ziyoda boʻladi va foydali fikrlar chiqadi. Ilmsiz fikrlovchi kimsa koʻproq zarar keltiradi.

🧠 @fikr_inqilobi

Agar gapirsang, qisqa qil, xohlaganingni yetkazgan boʻlsang, bas, endi chiranma.

🧠 @fikr_inqilobi

Ergashayotganlarning koʻpligini koʻrish uchun orqangga oʻgirilma, balki yoʻl ofatlardan salomat ekanini koʻrish uchun oldingga qara!

🧠 @fikr_inqilobi

Tarixda isming qolib, zikr etilishi shart emas: Alloh taolo aytadi: “Va Biz senga qissalarini aytib bermagan paygʻambarlarni yubordik”. Zero, amalingni Allohning Oʻzi bilishi kifoya qilmasmi?!

🧠 @fikr_inqilobi

Birovdan xato sodir boʻlgan paytda oliyjanob kishi xafa boʻladi va nasihat qiladi. Pastkash kishi esa xursand boʻladi va sharmanda qiladi.

🧠 @fikr_inqilobi

Tanasining oʻlimidan emas, qalbining oʻlimidan qoʻrqadigan kishi haqiqiy mard erkakdir.

🧠 @fikr_inqilobi

Nafs doim nimaningdir tashvishi bilan, nimaningdir harakatida yuradi. Uni haq bilan band qilib qoʻymasangiz, botil egallab oladi.

🧠 @fikr_inqilobi