19-❗ العسل الأبيض🍯 صحي ومفيد، معلقتين بس في اليوم كفاية
20-❗ الحساسية مرض مزمن.. افتكري المعلومة دي كويس.. معظم الحالات بتتحسن عند سن ست سنين، والغالبية عند عشر سنين... بس فيه ناس بتكمل معاهم.. خصوصا اللي بيلخبطوا في العلاج أو بياخدوه بطريقة غلط (واللي بياكلوا شيبسيهات🍟)
21-🔖 أودي المدرسة📚🚌 يا دكتورة في الجو البرد ده؟ لو برد جدا جدا او تراب لأما توديش
22-🔖 قبل ما تطلعي الولد من تحت طبقات البطاطين الكتير الصبح⛄، ياريت تكوني مجهزاله حاجة دافية يشربها.. ابدأي دوري عليه تحت البطاطين ولما تلاقيه شربيه بق أو اتنين وبعدين ابقي قوميه من السرير
23-🔖 لازم يشربوا حاجة دافية🍵 قبل ما يخرجوا في الجو البرد
24-🔖 خليكي جاهزة بأسلحتك قبل ما تخرجي بالطفل الشارع: الجاكت بتاع الاسيكمو ده، الآيس كاب💂🎅، الكوفيه، وممكن جوانتي صوف ما يضرش.. ولو اننا مش في القطب الشمالي يعني بس ماشي... الحاجات دي تلبسيهاله على باب البيت قبل ما تخرجوا بدري في الأيام البرد.. ولما يوصل المدرسة ويدخل الفصل بتاعه يقلعهم... علشان ما يعرقش ويرجع لك عيان.
25-🔖 بلاش تحميه قبل النوم الله يكرمك🛀.. حتى لو هتدفيه بعد كده ويدخل ينام علطول.. كفاية انه بالليل في عز البرد🌛 هيقلع عشر طبقات هدوم علشان يستحمى... ويطلع من تحت الدش الدافي يتجمد⛄❄ لغاية مايلبس العشر طبقات التانيين.
26-🔖 الحموم يكون في الايام الدافية وقت الضهر أو العصر⛅.. دفي الحمام ودخليه بعد كده يقلع هدومه جوه، وبعد ما يخلص حمام سيبي الميه السخنة شغالة لغاية مايلبس هدومه، وبعدين افتحي شباك الحمام أو الباب حاجة بسيطة لغاية درجة حرارة الحمام ما تتساوى ببره، وأول ما يطلع من الحمام يشرب حاجة دافية ويلبس كوفيه وحاجة على راسه... دي اسلم طريقة تحافظي بيها على درجة حرارة الجسم متقاربة
27-🔖 بلاش شيبسيهات🍟
28-🔖 جارتك هتقولك بلاش بخاخة علشان الواد هيتعود عليها... ما تسمعيش كلامها.. دي نفس الجارة اللي بتقولك ما تلبسيش نظارة النظر👀 علشان نظرك ما يضعفش
29-🔖 بخاخات الأنف اللي فيها كورتيزون بتتاخد بعد ما ننضف الأنف كويس .. بخاخات الأنف ما بتشتغلش على أنف مليان مخاط
30-🔖 بخاخات الصدر في الأطفال لازم تتاخد عن طريق جهاز اسمه spacer يعني مش عن طريق الفم بشكل مباشر.... كده انتي بتدي بخاخة لأسنانه مش لصدره
20-❗ الحساسية مرض مزمن.. افتكري المعلومة دي كويس.. معظم الحالات بتتحسن عند سن ست سنين، والغالبية عند عشر سنين... بس فيه ناس بتكمل معاهم.. خصوصا اللي بيلخبطوا في العلاج أو بياخدوه بطريقة غلط (واللي بياكلوا شيبسيهات🍟)
21-🔖 أودي المدرسة📚🚌 يا دكتورة في الجو البرد ده؟ لو برد جدا جدا او تراب لأما توديش
22-🔖 قبل ما تطلعي الولد من تحت طبقات البطاطين الكتير الصبح⛄، ياريت تكوني مجهزاله حاجة دافية يشربها.. ابدأي دوري عليه تحت البطاطين ولما تلاقيه شربيه بق أو اتنين وبعدين ابقي قوميه من السرير
23-🔖 لازم يشربوا حاجة دافية🍵 قبل ما يخرجوا في الجو البرد
24-🔖 خليكي جاهزة بأسلحتك قبل ما تخرجي بالطفل الشارع: الجاكت بتاع الاسيكمو ده، الآيس كاب💂🎅، الكوفيه، وممكن جوانتي صوف ما يضرش.. ولو اننا مش في القطب الشمالي يعني بس ماشي... الحاجات دي تلبسيهاله على باب البيت قبل ما تخرجوا بدري في الأيام البرد.. ولما يوصل المدرسة ويدخل الفصل بتاعه يقلعهم... علشان ما يعرقش ويرجع لك عيان.
25-🔖 بلاش تحميه قبل النوم الله يكرمك🛀.. حتى لو هتدفيه بعد كده ويدخل ينام علطول.. كفاية انه بالليل في عز البرد🌛 هيقلع عشر طبقات هدوم علشان يستحمى... ويطلع من تحت الدش الدافي يتجمد⛄❄ لغاية مايلبس العشر طبقات التانيين.
26-🔖 الحموم يكون في الايام الدافية وقت الضهر أو العصر⛅.. دفي الحمام ودخليه بعد كده يقلع هدومه جوه، وبعد ما يخلص حمام سيبي الميه السخنة شغالة لغاية مايلبس هدومه، وبعدين افتحي شباك الحمام أو الباب حاجة بسيطة لغاية درجة حرارة الحمام ما تتساوى ببره، وأول ما يطلع من الحمام يشرب حاجة دافية ويلبس كوفيه وحاجة على راسه... دي اسلم طريقة تحافظي بيها على درجة حرارة الجسم متقاربة
27-🔖 بلاش شيبسيهات🍟
28-🔖 جارتك هتقولك بلاش بخاخة علشان الواد هيتعود عليها... ما تسمعيش كلامها.. دي نفس الجارة اللي بتقولك ما تلبسيش نظارة النظر👀 علشان نظرك ما يضعفش
29-🔖 بخاخات الأنف اللي فيها كورتيزون بتتاخد بعد ما ننضف الأنف كويس .. بخاخات الأنف ما بتشتغلش على أنف مليان مخاط
30-🔖 بخاخات الصدر في الأطفال لازم تتاخد عن طريق جهاز اسمه spacer يعني مش عن طريق الفم بشكل مباشر.... كده انتي بتدي بخاخة لأسنانه مش لصدره