МАНГУЛИК ДАРАХТИ
Сен шоирсан! Барча кулфат сеникидур.
Витезслав Незвал
Ҳалима Худойбердиевага бағишлайман
«Мени асрагувчи дил топиларми?»
Кўзимдан кўнглимга ўтиб борасиз,
Кўнгил берган сари... кетиб борасиз.
Биз дил сафарига бирга чиққандик,
Энди қандоқ менсиз етиб борасиз?
* * *
«Паноҳ керак қошу кўздек бир паноҳ»
Ўзни севдирмоққа урингим келмас,
Оёқлар остида сурингим келмас.
Ишқингизда фақат руҳим қолмишдур,
Кўргим келади-ю, кўрингим келмас.
* * *
«Маҳшар куни бир-бирини топар ошиқлар»
Азобингиз озурда дил яросидур,
Васл умри қошу киприк оросидур.
Кўзингизга қаро тупроқ тўлса, билинг,
Ўша менинг кўзларимнинг қаросидур.
* * *
«Ерда мендек гуррос солиб йиғлар дарё йўқ»
Аллоҳ берса, ўларда ҳам бу ишқнинг ҳеч малоли йўқ,
Ким айтади, ибтидонинг интиҳодек заволи йўқ.
Дунёсинда тўлиб-тошиб асов сувлар оқиб ётир,
Бу дарёлар орасинда кўз ёшимдек ҳалоли йўқ.
* * *
«Ҳаққос. Рост. Мен дарахтман чоғи»
Жим турса ҳам, тиғи тилмай, ганжи тилган халқ,
Яроғинмас, байроғини санчи билган халқ.
Дарахтимсан! Қуриб қолма, ҳеч ҳам ўксима,
Илдизидан баргигача ранжитилган халқ.
* * *
«Асрамоқни ҳамон билмайсан»
Кузнинг келарини боққа айтмасман,
Ўзи англагайдур, Ҳаққа айтмасман.
Халқ гарчи қудратдир, бироқ қодирмас,
Ҳаққа айтаримни, Халққа айтмасман.
* * *
«Ёрдин олдин жон чиқарин ёрга айтингиз»
Ишқни кўзингизда сифот этдингиз,
Мени ўзингизда исбот этдингиз.
Англолмай карахтман, қайга бош урай,
Обод этдингизми, барбод этдингиз?
* * *
«Бизни ёри азиз унутгандайлар»
Бир васлсиз ишққа ҳамон қурбонман,
Азал қурбон эдим, мудом қурбонман.
Икки дунёсида дийдор бермагай,
Тоабад қурбонман, тамом қурбонман...
1998 йил
@Guljamol_Asqarova
https://t.me/Guljamol_Asqarova
Сен шоирсан! Барча кулфат сеникидур.
Витезслав Незвал
Ҳалима Худойбердиевага бағишлайман
«Мени асрагувчи дил топиларми?»
Кўзимдан кўнглимга ўтиб борасиз,
Кўнгил берган сари... кетиб борасиз.
Биз дил сафарига бирга чиққандик,
Энди қандоқ менсиз етиб борасиз?
* * *
«Паноҳ керак қошу кўздек бир паноҳ»
Ўзни севдирмоққа урингим келмас,
Оёқлар остида сурингим келмас.
Ишқингизда фақат руҳим қолмишдур,
Кўргим келади-ю, кўрингим келмас.
* * *
«Маҳшар куни бир-бирини топар ошиқлар»
Азобингиз озурда дил яросидур,
Васл умри қошу киприк оросидур.
Кўзингизга қаро тупроқ тўлса, билинг,
Ўша менинг кўзларимнинг қаросидур.
* * *
«Ерда мендек гуррос солиб йиғлар дарё йўқ»
Аллоҳ берса, ўларда ҳам бу ишқнинг ҳеч малоли йўқ,
Ким айтади, ибтидонинг интиҳодек заволи йўқ.
Дунёсинда тўлиб-тошиб асов сувлар оқиб ётир,
Бу дарёлар орасинда кўз ёшимдек ҳалоли йўқ.
* * *
«Ҳаққос. Рост. Мен дарахтман чоғи»
Жим турса ҳам, тиғи тилмай, ганжи тилган халқ,
Яроғинмас, байроғини санчи билган халқ.
Дарахтимсан! Қуриб қолма, ҳеч ҳам ўксима,
Илдизидан баргигача ранжитилган халқ.
* * *
«Асрамоқни ҳамон билмайсан»
Кузнинг келарини боққа айтмасман,
Ўзи англагайдур, Ҳаққа айтмасман.
Халқ гарчи қудратдир, бироқ қодирмас,
Ҳаққа айтаримни, Халққа айтмасман.
* * *
«Ёрдин олдин жон чиқарин ёрга айтингиз»
Ишқни кўзингизда сифот этдингиз,
Мени ўзингизда исбот этдингиз.
Англолмай карахтман, қайга бош урай,
Обод этдингизми, барбод этдингиз?
* * *
«Бизни ёри азиз унутгандайлар»
Бир васлсиз ишққа ҳамон қурбонман,
Азал қурбон эдим, мудом қурбонман.
Икки дунёсида дийдор бермагай,
Тоабад қурбонман, тамом қурбонман...
1998 йил
@Guljamol_Asqarova
https://t.me/Guljamol_Asqarova