ОНАМ СУВРАТИ

Сен болам, деб қариб боряпсан,
Рангларинг сарғайиб боряпсан.
Қишлоқнинг тош, чағир йўлида,
Бир музтар бир ғариб боряпсан.

Балки мен чўктирдим елкаларингни,
Юрагинг осмондай улканми?
Ғамларнинг шамоли тўзғитди,
Сендай тик, сендай оқ елканни.

Эй менинг ордан ҳам орлигим,
Ўзимнинг ўзимга дорлигим.
Тоабад ичимни тирнайди,
Шамоллар ичида борлигим.

2008-йил

@Guljamol_Asqarova