چې خاطر مو پري دروند نشي
یـــــــو څو کرښي حقیقي دي
(فیضان)

د جهاد ثمر په لاس راوړئ زلمیو پام کوئ
دهيواد او دین دخاوري شازلمیو پام کوئ
قربانۍ موضایع نشي دخپل نفس پر تقضاء
په جهاد کې ستړي شويو ميړنيو پام کوئ

ګورئ پام کوئ راغلې په سرونو آزادي
له مودو مودو نه پس او له وختونو آزادي
په کړاو او زحمتونو کې را تیر شو انقلاب
راستنه شوه زموږ ترکلي او تر غرونو آزادي
څوک و څوک وه له دې مخکي دپردیو غلامان
اوس راغلې هم هغویو ته د زړونو آزادي
خپل هدف ځان ته معلوم کړئ مه کوئ دچا پروا
آی ګټونکو د بریاوو ننګياليو پام کوئ

دا به بیا لویه جفا وي فدايان مه هیروئ
ستاسوصف کي قربان شوي شهیدان مه هیروئ
پر سرونو یې د رحم شفقت لاس کړئ را تېر
درته پاته د ملګرو یتیمان مه هیروئ
چاچې ډیر کلونه ستا خدمت پرځان بلئ واجب
ځوریدلي، درديدلي افغانان مه هیروئ
ستاسو کور دئ ستاسو کلی دا اولس هم ستاسو خپل
ای ددې وطن په غیږه کې را لویو پام کوئ

موږ په تا باندي تل وياړو تا ګټلئ استقلال
د سرونو په قیمت او تا را وړی استقلال
آزادي چې ده پر موږ دا هم ده ستا په برکت
ستا تکل وو چې تر موږه نن راغلئ استقلال
په تا فخر کړو اتله تا ټوټه ټوټه کړ ځان
خو بدله کې دې و موږ ته را بښلئ استقلال
په میړانه دي ګټلئ ټوله واک دئ له اشغال
ای ددې وطن سرتیرو ای زمریو پام کوئ

خو یو څو خبري نن درته دلداره دا وایم
چې خفه نشي زړګيه ګل نګاره دا وایم
زما زړه یې زما ځان یې بد مې ندي در پيرزو
باور وکره چې هرڅه دخدایﷻ لپاره دا وایم
نصحت دی او وصیت دشهيدانو خامخا
دا زما په توان کې ندي بې اختیاره دا وایم
نن دشعر په ژبه وايي دفیضان قلم دا حال
چې خزان نه کړئ ګلونه ای سپرليو پام کوئ


لوستل یې اړین دي

جنګيالیو، مړنیو شازلمیو پام کوئ

@talebfayzan1887