ليلة عيد الحب توقعتا رح تكون ابشع مما بتوقع خصوصي اني من جديد طالعة من قصة بتقررررررف للغاية ..
بس صار العكس ..
14/2/2017 .. حكينا مع بعض متل ما بلشنا نتعود ..
جود .. صديقي الجديد .. الحدا الرايق البسيط الهادي المميز .. يلي بيحب نفس اغانيي صدفة و بيقرأ نفس رواياتي و بيشاركون عالفيسبوك و الانستغرام ..
الملل .. بيعمل كتير .. اكتر مما بتتصورو .. بيبني علاقة كاملة احياناً ..
بليلة عيد الحب حكيت معو قلتلو انا مالة تشوف فيلم ؟ استغرب مني انو شو فيلم ! قلتلو عادي شغلو عندك و انا بشغلو عندي بنفس الوقت و منحضرو سوا .. و احزروا شو ؟
فوراً وافق .. ليومنا هاد ما بيعرف يوزن جود ..
كان الفيلم من اختياري .. فيلم Delibal التركي .. كتير حلو أحلى مما بتتصورو بيخليكن تشتهو الحب بس يخلص .. و بيخليكن تبكو بنفس الوقت .. !
اعترفنا لبعض انو ليلتا نحنا التنين بكينا كتير .. و يلي شايفو بيعرف ليش ..
صار بيت اسراري الخجولة .. امنيتي الدفينة اعزف غيتار و يلي اهلي ما حققولي ياها خوفاً من اني التهي عن دراستي ..
عشقي للباندا (قبل ما يصير جلقة) .. فوبيا الحيوانات تبعي بس مع هيك بحب ربي سلاحف ، ملجأي من الضجر ( الشوكولا و البيبسي و الشطي مطي و الشيبس ع جبنة) .. تعلقي الغير معروف بالورد الزهري .. اشيائي الصغيرة متل ما بيسميون هو (شغلاتك الصغيرة الصغيرة) .. و كانت هي الاعترافات الصغيرة ع طول متبادلة ..
كنت بالشغل بعد بكم يوم و قلي تطلعي من الشباك ..في عصفورة ..
و فعلاً .. تطلعت و لقيتا موجودة ..!
يتبع ......
ملاحظة : شوفو الصورة فيها بوست شاركو جود من سنةبيحتوي فيديو للفيلم يلي شفناه سوا و رجع شاركو هالسنة ∞
ملاحظة 2: الأحداث حقيقية و انكتبت ب 2017 و 2018 قديمة و عم نعيد القصة.. تابعو رح تعطيكن أمل عن الحب المستحيل.. 💙🌸
#جود 💙🌸
#عن_جود_أكتب
