Respublika Ma'naviyat va ma'rifat markazi Andijon viloyati bo'limi

Андижон #

      ⚡️Ўзбекистон Республикаси Президентининг "БУЮК ШОИР ВА ОЛИМ, МАШҲУР ДАВЛАТ АРБОБИ ЗАҲИРИДДИН МУҲАММАД БОБУР ТАВАЛЛУДИНИНГ 540 ЙИЛЛИГИНИ КЕНГ НИШОНЛАШ ТЎҒРИСИДА"ги қарори ижроси  юзасидан  Республика Маънавият ва маърифат маркази Андижон вилояти бўлими ҳамда Ўзбекистон Ёзувчилар уюшмаси вилоят бўлими, Бобур номидаги халқаро жамоат фонди ҳамкорлигида Андижон шаҳридаги «Бобур ва жаҳон маданияти» китоб музейида Бобурнинг ҳаёти, илмий ва ижодий фаолиятига бағишланган асарларнинг қўлёзма ва нашр нусхаларининг кўргазмаси ташкил этилди.

      Тадбирда Республика Маънавият ва маърифат маркази Андижон вилояти бўлими раҳбари А.Нурматов Бобурнинг илмий, маънавий ҳамда  бой адабий меъросини ўрганиш ва тарғиб этишни кенг йўлга қўйиш, ёшлар қалби ва онгига унинг асарларларининг мазмун-моҳияти, бадиий хусусияти ва тарбиявий аҳмиятини чуқур сингдириш лозимлигини таъкидлаб ўтди.

# Билимдонлар беллашуви ўтказилди

Иқтидорли ёшларни мантикий билимларини ошириш, уларни интеллектуал салоҳиятини юксалтириш,  бўш вақтларини мазмунли ташкил этиш орқали мафкуравий иммунитетини мустаҳкамлаш мақсадида Андижон давлат университетининг сиртқи таьлим йуналиши талабалари иштирокида, дарсдан сўнг талабалар турар жойида  "Заковат" интеллектуал ўйини ўтказилди.

Тадбирда Республика Маънавият ва маърифат маркази Андижон вилоят бўлими раҳбари А.Нурматов иштирок этиб,  бу каби тадбирлар талаба ёшларни ҳақиқий билим майдонида бирлаштириш, соғлом рақобатни шакллантириш, дўстлар орттиришга хизмат қилиши ва "Илмдан бошка нажот йук"лиги, доимо бўш вақтларини тўғри ташкил этиши ва бу орқали турли ёт ғоялар, "оммавий маданият" ниқоби остида кириб келаётган хатарлардан ўзларини асраш кераклигини таъкидлаб ўтдилар.

Иштирокчиларга Республика Маънавият ва маърифат маркази вилоят бўлими томонидан китоблар ҳамда эсдалик совғалари тақдим этилди.

# Муаммо, тахлил ва ечим

Республика Маънавият ва маърифат маркази Андижон вилоят бўлими ва унинг ҳудудий бўлинма ходимлари иштирокида йиғилиш ўтказилди.

Марказнинг вилоят бўлими раҳбари А.Нурматов раислигида ўтказилган мазкур йиғилишда, Ўзбекистон Республикаси Президентининг 2021 йил 26 мартдаги “Маънавий-маърифий ишлар тизимини тубдан такомиллаштириш чора-тадбирлари тўғрисида”ги
ПҚ–5040-сон қарори ижроси юзасидан жорий йил мобайнида амалга оширилган ишлар тахлил этилиб, маънавият соҳасида вужудга келаётган  муаммолар ва уни ечими юзасидан аниқ мақсадга йўналтирилган устувор вазифалар белгилаб олинди.