في ناس ودك ف الحياة اتصاحبها
وفي ناس تضايق بعد تلقاهم
وفي ناس طول العمر ماتسيبها ..
وفي ناس ما يثمر الخير معاهم
وفي ناس ديما خاطرك تكسبها
وفي ناس تفرح وين ماتنساهم
وفي ناس ديما ف الغلا ترغبها ..
وفي ناس ما تضمن يدوم غلاهم
وفي ناس عند الجود ماتغلبها
وفي ناس ديما البخل ما يخطاهم
وفي ناس تاخذ القدر لوتجربها
وفي ناس وقت الضيق ما ترجاهم
وفي ناس تلقى الفخر لو تناسبها
وفي ناس تندم كان قلت اسماهم