ګل غواړي ګلاب غواړي عنبر غواړي
مرګ د شهادت یو یو نښتر غواړي

ګرزي چې یې خوښ شي ټولوي یې بس
پاڼې د غوټیو له سنګر غواړي

غیږه هر سړي ته ورکوي کله
یار غواړي جانان غواړي دلبر غواړي

څوک یې چې شي خوښ ورسره مینه کړي
زړه غواړي ځواني غواړي بیا سر غواړي

ښه یې کړي ټوټې بیا یې جنت ته وړي
زخم پرهارونه په ځیګر غواړي

وړي یې تر خپل یاره خو ټوټې ټوټې
ژوند د قربانۍ له سپین ډګر غواړي

کړي چې انتظار مخبت چې تمه کړي
مرګ د شهادت جام د کوثر غواړي

مخبت وردګ