🏛Namangan To‘qimachilik Sanoati Instituti “Ilg‘or To‘qimachilik Muhandisligi Maktabi”ning navbatdagi filialini tashkil etish yuzasidan yangi texnologiyalar bilan jihozlangan “Toshbuloq Tekstil” QK MCHJda tayyorgarlik ishlari amalga oshirilmoqda.
🔷Filialni tashkil etishdan ko‘zlangan asosiy maqsad, korxonada kadrlarga bo‘lgan ehtiyojlar asosida raqobatbardosh kadrlarni tayyorlash tizimini yo‘lga qo‘yishdir. Institut rektori Qurbanali Xoliqov boshchiligida qator mutasaddilar bilan birgalikda muhim kelishuvlar amalga oshirilmoqda.
Institut rektori Qurbanali Xoliqov korxonadagi mutasaddilar bilan uchrashuv davomida yuqori malakali kadrlarni tayyorlash muhimligini ta’kidladi. Rektor, yuqori malakali muhandis-texnolog va mexaniklarni tayyorlash, texnik-texnologik yo‘nalishlar bo‘yicha ilmiy tadqiqotlarni amalga oshirish, hamda innovatsion ishlanmalarni bajarishda korxona bilan hamkorlik qilish muhim vazifalardan biri ekanligini qayd etdi.
“Toshbuloq Tekstil” QK MCHJda tashkil etiladigan “Ilg‘or To‘qimachilik Muhandisligi Maktabi” filiali, yuqori malakali mutaxassislarni tayyorlashda keng imkoniyatlar uchun muhim qadam bo‘lib xizmat qiladi.
Bizning ijtimoiy tarmoqlardagi rasmiy sahifalarimiz👇
Telegram | Fecebook | Instagram | Youtube