{ *لطميه لاستشهاد حامل لواء الحسين*}
*ابالفضل العباس عليه السلام*
{2}

*طور : اربع بنات - ملا عمار الكناني*

https://youtu.be/aba_0inJOSY

••••••••••••••••••••••••••••••••••••••••••

*زينب اتنادي يمقطوع الچفوف*
*والسهم بالعين خويه وماتشوف*

*قوم جيب الماي .. واطفي نار احشاي*
*يا بالفضل .. يا بالفضل*

••••••••••••••••••••••••••••••••••••••••••

زينب اتنادي يبوفاضل يعباس
جيتك امن الخيم وآنه امعصبه الراس
قوم حاجيني يخويه يبو الاحساس
ورِد عليّه قبل ما تلفظ الانفاس

وشلون نايم عالترب يا كافلي
خويه بعدك يابوفاضل انوِلي

*قوم جيب الماي .. واطفي نار احشاي*
*يا بالفضل .. يا بالفضل*

••••••••••••••••••••••••••••••••••••••••••

عالنهر شفتك يخويه بيا وضع
سابح ابدمك يويلي و منصرع
ولن ابو الاكبر ينوح و منفجع
يلطم اعله الراس ويصب الدمع

نادى ياخويه ترى ظهري انكسر
من طحت يا بالفضل يم النهر

*قوم جيب الماي .. واطفي نار احشاي*
*يا بالفضل .. يا بالفضل*

••••••••••••••••••••••••••••••••••••••••••

عالشريعه اشحال مقطوع الزنود
آ يقلبي الراس مفضوخ ابعمود
والسهم نابت ابعينه وظل يذود
راح مني القمر وسفه و مايعود

ماتحضري لينه يا ام البنين
ابنج العباس مقطوع الوتين

*قوم جيب الماي .. واطفي نار احشاي*
*يا بالفضل .. يا بالفضل*

••••••••••••••••••••••••••••••••••••••••••

وركضت الاطفال تتصارخ يعمي
اشحال سكنه تنظرك والدمع يهمي
بكربله صار الحزن ياخويه سهمي
ليك انظر يبوفاضل واهل دمعي

يامصيبه وانزلت بالغاضريه
نوبه خوله تِنتحب نوبه رقيه

*قوم جيب الماي .. واطفي نار احشاي*
*يا بالفضل .. يا بالفضل*

••••••••••••••••••••••••••••••••••••••••••

قوم وانهض لينه ياحامي الضعينه
مالنه غيرك يعزوتنه او ولينه
قلي بعدك ياهو الينغر علينه
قوم هالارجاس خويه مِن تجينه

عقب عينك اصبح آنه الكافله
صعب حالي والله يابو المرجله

*قوم جيب الماي .. واطفي نار احشاي*
*يا بالفضل .. يا بالفضل*

••••••••••••••••••••••••••••••••••••••••••

لخادمة النبي الاكرم ص (م)

رقيه التركي - دولة الكويت

{{ *اللهم عجل لوليك الفرج*}}

*اسالكم الدعاء للشفاء والفرج*
*عن اختي وصديقتي الغاليه*

← *لا اسمح بإزالة الاسم عند الارسال*→


قناة اللطميات عالتلقرام : *نَبِيِ الحياة*

https://t.me/NaBiAlHaYAT

قناة المحاضرات : *شَذرات مُحمديه*

https://t.me/MOha7979


✨ مدد يا أبا الزهراء ✨