Nepotizm_uz

Қўқон шаҳрида пиёдалар ўтиш жойлари нима учун ноқулай ва хавфли?

Қўқон шаҳрида шаҳарсозлик нуқтаи назаридан муаммолари кўп шаҳар ҳисобланади.

Лекин ундаги бир объектни мазкур муаммоларнинг ўзига хос рамзи сифатида кўрсатиш мумкин-пиёдалар ўтиш жойлари.
Айнан улар шаҳар ўз аҳолисини эшитмаётганини аниқ акс эттиради.

Биз "Ноқулай шаҳар" лойиҳасининг навбатдаги сонида эксперт билан муаммони муҳокама қилмоқчи эмасмиз.
Шунчаки шаҳарда қандай қилиб ўз аҳолисини, жумладан, ногиронлиги бор инсонларни, қарияларни, ҳомиладор аёлларни, фарзандларини аравачада олиб кетаётган ота-оналарни йўлнинг белгиланмаган жойидан ўтишга мажбурлигини айтиб ўтмоқчимиз.


https://t.me/Nepotizm_uz

Қўқон шахрини ижтимоий - иқтисодий ривожлантириш йўналишларидан бири сифатида шахар худудида жойлашган бозорларни тартибга солиш керак!
Қўқон шахрида доимий равишда 270 минг ахоли истиқомат қилади.

Шахарга 1 кунда 200 мингдан-300 минггача фуқаролар келиб кетади. Булар шахар ташкилотларида ишлайдиган, мактаб ва ўқув юртларида ўқийдиган, энг асосийси шахар бозорларида сотувчи ва харидор сифатида келадиган фуқаролар ҳисобланади.

Шахарнинг Навбахор, Мовароуннахр, Усмон Носир кўчаси кесишмаларида жойлашган бозорлар жами майдони 28 га иборат бўлиб, 10 минг атрофида савдо нуқталари бор.
Бу бозорларга 1 кунда 250-300 минг, бозор кунлари эса 400 минггача фуқаро келиб кетади.

Бу бозорлар мавжуд холати шахарсозлик нормалари, ёнгин хавфсизлиги, санитария-эпидемиология, экология, фуқаролар хавфсизлиги, йўл харакати хавфсизлиги нормаларига зид равишда фаолият курсатмоқда.
Бирор бозор тасдиқланган бош режа асосида қурилмаган.
Бозорлар шахар худудида жойлашганлиги, атрофи ахоли истиқомат қиладиган худудлар бўлганлиги сабабли уларни кенгайтириш имконияти йўқ.
Шунинг учун бозорда тадбиркорлик қилмокчи бўлган фуқароларга бозор ташқарисидан, ободонлаштириш учун, автотранспорт қатнови учун мўлжалланган ерлардан, махалла ички кўчаларидан жойлар нотўғри бериб юборилган.

Бу эса жуда аянчли холатларга олиб келиши аниқ.
Қўқон шахри ваунинг атрофидаги туманларда ахоли сони купаймокда, ёш авлод улғаймокда, улар орасида бозорда фаолият юритмоқчи бўлганлар хам купаймоқда.
 
Шуларнинг барчасини хисобга олиб, мавжуд бозорларни шахар ташкарисига, яъни Мукимий шахарчаси худудига кўчириш мақсадга мувофиқ бўлади.
 
Ўзбекистон Республикаси Президентининг 2022 йил 27 январдаги “Хизматлар сохасини ривожлантиришга оид қўшимча чора-тадбирлартугрисида”ги ПҚ-104 карорига асосан Қўқон шахрида савдо ва логис тика маркази қурилиши режалаштирилган. Президентимизнинг 2022 йил 12-13 май кунлари Фарғона вилоятига ташрифлари давомида берилган топширииқлари асосида тузилган баённомада Қўқон шахар савдо мажмуаси қуриш учун Қўқон шахри худудидан 11,3 га, Учкўприк тумани худудидан 40 га, жами 51,3гаер ажратиш белгиланган.

Савдо мажмуаси қурилиши бош режаси, дастлабки сметаси тайерланган. Қуриладиган мажмуанинг смета киймати 1трлн. 600 млрд. ни ташкил этади.
Бу замонавий 3 қаватли (ер тўла хоналари билан) бино350 минг м2 (35 га),   савдо майдонига эга бўлиб барча қулайликлар кўзда тутилган( кўп қаватли автотураргох, иситиш ва вентиляция тизимлари,электр таъминоти учун қуёш панеллари, лифтлар, эскалаторлар, омборлар).
Бу объект қурилиши хусусий ва чет эл инвесторлари маблағига амалга оширилиши кўзда тутилган.

Қурилишга мавжуд бозорлардаги тадбиркорларнинг бирортасининг маблағини ишлатиш, агар ўзи хохлаб иштирок этмаса, назарда тутилмаган.

Савдо мажмуаси тўлиқ қурилиб битирилгандан сўнг тадбиркорларга берилади. Улар сотиб олишлари ёки ижарага олишлари мумкин булади.

Мажмуа худудида логистика маркази борлиги сабабли, бу қурилишда иштирок этмоқчи бўлган тадбиркорлар хам йирик тадбиркор бўлганлиги хамда ўзлари хам катта хажмда товар олиб келишларини инобатга олиб бу савдо мажмуасидаги товарлар нархи мавжуд бозорларникидан арзон бўлади.
Шу сабабдан барча харидорлар шу мажмуадан харид қилишади, ва бу ўз ўрнида тадбиркорларнинг бу мажмуада фаолиятюритишларига ундайди.

Бу лойиханинг ижобий томонлари: 
1. Барча тадбиркорлар қулай, хавфсиз савдо жойларига эга буладилар.
2. Тадбиркорлардан тушадиган барча тушумлар назоратда бўлади, бу билан шахар бюджетига тушум бир неча баробар ортади.
3. Савдо мажмуаси қурилиши бир вақтда шу худудда микрорайон қурилиши бошланади.
100 та кўп қаватли уйлар, мактаблар, боғчалар, поликлиника, стадион, хиёбонларни ўз ичига олган шахарча қурилади.
Бу билан Қўқон шахрига тушаётган юклама камаяди.

Келажакда шахарнинг бизнес ва маъмурий марказини шу худудга кўчириш, Қўқон шахрининг тарихий кўринишини сақлаб қолиши керак.
4. Савдо мажмуаси қурилиши Қақир темир йўл станциясига ва Қўқон аэропортига яқин худудга мулжалланган.
Бу билан водийнинг логистика марказига айланиши мумкин.

Айрим одамлар аҳлат қутиси каби юрагида аҳлат кўтариб юради, жаҳл-ғазаб ва тушкунлик ташийди.

Қалби аҳлат билан тўлиб-тошиб кетса, қаергадир тўкишга эҳтиёж сезадилар.
Уларнинг руҳий аҳлатига мен ёки сиз нишон бўламиз.

Шундай пайтларда ҳеч ўзингизга олманг, ҳафа бўлманг.
Уларга яхшилик тиланг ва йўлингизда давом этинг.

Ундайларнинг аҳлатини ишхонангиз ёки уйингизга кўтариб борманг.
Кўчадаги бошқа одамларга ҳам сочиб юрманг.

Омадли ва бахтиёр инсонлар аҳлат қутиларига кунларини маҳв этиш, руҳиятларига таъсир кўрсатишларига йўл қўймайдилар.
Ҳаёт тонгда пушаймонлик билан уйғониш учун жуда қисқа.

Шунинг учун сизга гўзал муомалада бўлган инсонларни севинг, ва яхши муносабатда бўлмаганларга яхшиликларини соғининг.

Ҳаёт – 10 % қандай ишларни бажарганингиз ва 90 % уни қандай қаршилаганингизга боғлиқ.

https://t.me/Nepotizm_uz

“Обод қишлоқ”, “Обод туман” ва “Обод марказ” каби дастурлар фуқаролар турмуш даражасини яхшилашга эмас, уларнинг бесаранжомлигини оширишга сабаб бўлмоқда.

Илгари замонда қайсидир йилга қайсидир соҳанинг номи бериладиган бўлса ўша соҳа вакиллари юрак ҳовучлаб қолишарди.

Ҳозир эса қайси туман, қайси қишлоқ номи Обод билан бошланадиган дастурга тушса, ўша манзилдаги фуқаро ва тадбиркорларнинг ҳаловати йўқолган.

Бу дастурлар қуйи бўғинлардаги раҳбарларнинг юқоридагиларга ўзининг садоқати ва лаббайчи-ижрочилигини кўрсатиш воситаси бўлиш билан бирга, маблағларни самарасиз ишлатиш орқали ўзлаштириш усулига айланиб бўлди (қатор раҳбарларнинг ўзлари бош бўлган ҳудудни зўр бериб дастурга тиқишга уринишлар ортида фақат уларнинг манфаатлари ётади).

Давлатнинг роли электр, газ, ичимлик суви  ва йўл билан боғлиқ инфратузилма яратишда бўлиши керак, деб кўп айтамиз. Амалда нима бўлаяпти, амалда инфратузилма эмас, бузилиш ва фасад яратилаяпти. Нега бузилиш?

Чунки бузиш ишлари иш кетаётганлигини кўрсатади, юқоридагиларнинг нима қилаяпсан, деган саволига бузилган уй ва бульдозер картина ясайди, тасаввур уйғотади.
Нега фасад, чунки фасад гўё иш қилинганини, маблағ ўзлаштирилганини юқорига намойиш этади.

Яна бир жиҳат, бюджетдан дастур учун масалан 10 млрд. ажратилган бўлса, бу одатда ҳокимларга афилланган пудратчилар воситасида талон-тарож қилинади. Чала-чулпа иш юкламаса эса ўша манзилдаги тадбиркорлар, бюджет ташкилотлари ходимлари ва албатта аҳоли зиммасига тақсимланади.

Ҳеч қандай инвентаризация, ҳеч қандай ревизия йўқ.
Қайси иш бюджет маблағига, қайси иш тадбиркор ва фуқаро маблағига бўлганини дастурдан кейин сўрайдиган одамнинг ўзи йўқ.

Ушбу пост охирида одамларни мажбурлаб яхши яшашга ундаш мумкин эмаслиги ҳақида қисқа тўхталмоқчиман.
Турмуш даражаси ошса, фаровонлиги юксалса, ҳар бир индивид уйининг томиниям, дарвозасиниям, девориниям ўзи таъмирлайди.
Тадбиркор молиявий имкониятига қараб бир қаватли дўконини икки қаватли қилади, янги витрина қўяди, фасадини янгилайди.
Бунинг учун мажбурлаш, зўравонлик шарт эмас.
Ободлик мажбурият эмас, ободлик зарурият, лекин ободликка зарурият қорин тўйиб, уст бут бўлгач, ихтиёрий равишда келгани яхши. Шошма-шошарлик, кўзбўямачиликдан қочиш лозим.

https://t.me/Nepotizm_uz