BESAMARLIK
1.
Dunyo birdan aylandi chappa,
Va teskari oqdi daryolar.
Xayr degan bir mayin gapga
Yurak bag‘rim bo‘ldi pargola...
G‘arbdan chiqdi go‘yo oy-quyosh,
O‘tlar tushdi toza taqdirga.
Shu sababki ko‘zimizda yosh,
Bo‘lolmadik ikkimiz birga...
2.
Aylanmadi dunyo teskari,
Daryolar ham oqmadi ortga.
Chalinmadi ko‘kning askari
Uyqusizlik degan bir dardga.
But chiqmadi dil tegirmondan,
Xech to‘lmadi bu dunyo bir kam.
Kun chiqmadi boshqa tomondan,
Shu sababki ayrildik biz ham...
3.
Xarchand dunyo aylandi chappa,
Daryolarni ortga oqizdim.
Yulduzlarni butun bir safga,
Oy-quyoshni qoshingga tizdim.
Keyin yerni changallab hatto,
Qo‘llaringga tutdim olmadek.
G‘arbdan chiqdi quyosh ham, ammo
Biz baribir birga bo‘lmadik.
11.10.2017.
Nurmuhammad Abduzoirov.
@Nurmuhammad_Abduzoir
1.
Dunyo birdan aylandi chappa,
Va teskari oqdi daryolar.
Xayr degan bir mayin gapga
Yurak bag‘rim bo‘ldi pargola...
G‘arbdan chiqdi go‘yo oy-quyosh,
O‘tlar tushdi toza taqdirga.
Shu sababki ko‘zimizda yosh,
Bo‘lolmadik ikkimiz birga...
2.
Aylanmadi dunyo teskari,
Daryolar ham oqmadi ortga.
Chalinmadi ko‘kning askari
Uyqusizlik degan bir dardga.
But chiqmadi dil tegirmondan,
Xech to‘lmadi bu dunyo bir kam.
Kun chiqmadi boshqa tomondan,
Shu sababki ayrildik biz ham...
3.
Xarchand dunyo aylandi chappa,
Daryolarni ortga oqizdim.
Yulduzlarni butun bir safga,
Oy-quyoshni qoshingga tizdim.
Keyin yerni changallab hatto,
Qo‘llaringga tutdim olmadek.
G‘arbdan chiqdi quyosh ham, ammo
Biz baribir birga bo‘lmadik.
11.10.2017.
Nurmuhammad Abduzoirov.
@Nurmuhammad_Abduzoir